Deuteronomy4
1अब हे इस्राएल, जौन-जौन व्यवस्था आउर नियम हम तोरा सिखायम ओकरा सुनऽ, आउर ओकरा पर चलिहऽ; येहिसे तूँ जिन्दा रहवऽ, आउर ऊ देश में जा के जौन तोर पितरवन के परमेश्वर यहोवा तोरा दे हथिन ओकर अधिकारी हो जईहऽ।2जौन बतिया हम तोरा सुनावऽ ही, ओकरा में नऽ तऽ कुछ बढ़ईहऽ आउर नऽ ओकरा घटईहऽ, येहिसे कि जौन आज्ञा हम तोर परमेश्वर यहोवा के आज्ञा हम तोरा सुनावऽ ही ओकरा तूँ मानिहऽ। 3तूँ अपन आँख से देख लऽ हे कि यहोवा बालपोर के कारण का-का कईलन; काहेकि जेतना आदमी बालपोर के पीछे हो लेलन हल, ऊ सभे के तोर परमेश्वर यहोवा तोर बीच में से नाश कर देलन हे। 4बाकि तूँ जौन अपन परमेश्वर यहोवा से लिपटल रहऽ हलऽ, तोरा में से सब कोई आज जिन्दा हे।5देखऽ, हम तोरा व्यवस्था आउर विधि आउर नियम सिखईली हे, जईसे कि हमर परमेश्वर यहोवा हमरा आज्ञा देलन हल, कि जौन देश के अधिकारी होवे ला तूँ जा रहलऽ हे ओकरा में ओईसहीं करते रहिहऽ।6येहिसे ओकरा रखऽ, आउर ओकरा पालन करऽ; काहेकि देश-देश के लोगवन के सामने तोर बुद्धि आउर समझ एही हे, जौन ई सभे विधि के बारे में सुन के कहम, बेशक ई बड़का जाति बुद्धिमान आउर समझदार लोगवन हे।7अईसन कौन बड़का जाति हे जेकर देउता एतना भीर में हे, जेतना कि हमर परमेश्वर यहोवा, जखनी हम उनका पुकारऽ ही, तब ऊ खड़ा हो जा हथिन? 8आउर कौन अईसन बड़ी जाति हे जेकर नियम आउर धर्ममय विधि हे, जेतना ई समूचे नियम के, जौन हम आज तोरा सामने रखऽ ही?9खाली ध्यान दऽ, आउर अपन चौकसी करऽ, अईसन नऽ होवे कि जौन बतिया तूँ अपन आँख से देख लऽ हे ओकरा भुला जा, अईसन नऽ होवे कि ऊ जीवन भर तोर मन से दूर रहे। एकर बदले, ओकरा अपन लईकमन के आउर अपन लईकमन के लईकन के बतइहऽ। 10जौन दिन तूँ होरेब में परमेश्वर यहोवा के सामने खड़ा होलऽ हल, तब यहोवा हमरा से कहलन, ओखनी के हमरा भीर जमा करऽ, आउर हम ओखनी के अपन वचन सुनायेम, कि जखनी तक ऊ ई देश में जिन्दा रहतन, तखनी तक हमर भय माने ला सिखतन। धरती, आउर ऊ अपन लईकमन के शिक्षा दे सकतन।11तऽ तूँ भीर में आके सीनै पहाड़ के नीचे खड़ा होलऽ। आउर आसमान आग से जल उठल आउर चारो पट्टी अंधार, बादल आउर घोर अंधार छा गेल। 12यहोवा आग के बीच में से तोरा से बात कईलन; तूँ आवाज सहित शब्द तऽ सुनलऽ, बाकि रूप न देख लऽ; तूँ खाली एगो आवाज सुनलऽ।13ऊ तोरा अपन वाचा बतईलन, मतलब कि दसगो आज्ञा मानेला आज्ञा देलन। ऊ आज्ञा के पत्थर के दूगो तख्ती पर लिखलन।14ओही घड़ी यहोवा हमरा तोरा विधि आउर नियम सिखावे के आज्ञा देलन, कि जौन देश के अधिकारी होवे ला तूँ पार जाय वाला हऽ ओकरा में तूँ ओकर पालन कर सकऽ।15येहिसे बड़ी होशियार रहिहऽ, काहेकि जौन दिन यहोवा होरेब में आग के बीच में से तोरा से बात कईलन, ऊ दिन तूँ कोई रूप नऽ देख लऽ, 16कि तूँ मरद चाहे औरत के जईसन कोई मूर्ति खोद के खुद के भ्रष्ट नऽ करऽ।17धरती पर के सभे जनावर के जईसन, चाहे आसमान में उड़े वालन चिरईंयन के जईसन,18धरती पर सरके वाला जीव-जन्तु के जईसन, चाहे धरती के नीचे के पानी में रहे वाला कोई मछली के जईसन।19तूँ अपन आँख आसमान दने नऽ उठईहऽ, आउर सूरज, चंद्रमा, आउर तरेगन, मतलब कि आसमान के समूचे ग्रह, के दने नऽ देखिहऽ, आउर जौन चीज तोर परमेश्वर यहोवा के हे, ओकरा दण्डवत करे ला आउर ओकर आराधना करे ला नऽ मुड़िहऽ। समूचे देश के लोग के, जौन आसमान के नीचे के भाग में देलन हे।20बाकि यहोवा मिस्र के लोहा के भठ्ठी में से मतलब कि मिस्र देश में से निकाल लईलन हे, कि तूँ आज के समान ओकर निज प्रजा ठहरवऽ। 21यहोवा तोर कारण हमरा पर गोस्सा होलन; आउर ऊ किरिया खईलन, कि हम यरदन नदी के पार नऽ जायेम, आउर ऊ बढ़िया देश में, जौन तोर परमेश्वर यहोवा तोर अपन हिस्सा कर के दे हथिन, ओकरा में न जायेम। 22एकर बदले हमरा ई देश में ही मरे पड़त; हमरा यरदन पार नऽ जाय के चाही; बाकि तूँ पार जा के ऊ बढ़ियाँ जमीन पर अधिकार कर लिहऽ।23अपन बारे में होशियार रहिहऽ, अईसन नऽ होवे कि तूँ अपन परमेश्वर यहोवा के ऊ वाचा के भुला जा, जौन ऊ तोरा साथे बाँधलन हे, आउर जौन चीज के बनावे से तोर परमेश्वर यहोवा तोरा मना कईलन हे उनके मोताबिक एगो मूर्ति खोद के बनईहऽ।24काहेकि तोर परमेश्वर यहोवा भस्म करे वाला आग, आउर जलन रखे वाला परमेश्वर हथिन। 25आउर जखनी तूँ बेटवन-पोतवन पईदा करिहऽ, आउर तोरा ई देश में बड़ी दिन हो गेल, आउर तूँ भ्रष्ट होके कोई चीज के खोद के मूर्ति बनईलऽ, आउर ओही काम करलऽ जौन यहोवा के नजर में खराब हे तोर परमेश्वर, उनका गोस्सा देलावे लागी26हम आज आकाश आउर धरती के तोर खिलाफ गवाह मान के कहऽ ही, कि जौन देश के अधिकारी होवे ला तूँ यरदन नदी के पार जाय पर हऽ ओकरा में जल्दिये नाश हो जईवऽ; तूँ ओकरा में जादे समय तक जिन्दा नऽ रहवऽ, बाकि पूरा तरह से बर्बाद हो जईबऽ।27यहोवा तोरा देश-देश के लोगवन के बीच तितर-बितर करतन, आउर जौन जतियन में यहोवा तोरा पहुंचईतन ओकरा में तूँ गिनती में जरा सा रह जईवऽ।28उहाँ तूँ आदमी के हाथ के बनावल लकड़ी आउर पत्थर के दूसरा देऊतवन के उपासना करवऽ, जौन नऽ देख हथिन, नऽ सुन हथिन, नऽ खा हथिन, नऽ सूँघऽ हथिन।29बाकि ऊहें से तूँ अपन परमेश्वर यहोवा के ढूंढ़वऽ, आउर अपन पूरा मन आउर अपन पूरा प्राण से ढूंढ़वऽ, आउर ऊ तोरा मिलतन।30जखनी तूँ दुःख में पड़वऽ, आउर ई सभे विपत्तियन तोरा पर आ पड़त, तऽ ऊ दिनमा तूँ अपन परमेश्वर यहोवा भीर मुड़वऽ, आउर उनकर सुनवऽ।31काहेकि तोर परमेश्वर यहोवा दयालु हथिन; ऊ तोरा नऽ तऽ नाश करतन, आउर नऽ ऊ वाचा के भूलईतन जौन ऊ तोर पुरखन से वादा कईलन हल।32अखनी ऊ दिन के बारे में पूछऽ जौन बीत गेल हे, आउर जौन तोर समय से पहले हल, जौन दिन से परमेश्वर आदमी के धरती पर पईदा कईलन, स्वर्ग के एगो छोर से दूसरका छोर तक, का परमेश्वर जईसन कोई महान चीज होल, चाहे उनका जईसन कहियो सुनलऽ हे?33का कहियो कोई जाति आग के बीच में से परमेश्वर के शब्द सुनलन हे, जईसे तूँ नऽ सुनलऽ, आउर जिन्दा रहल? 34चाहे का परमेश्वर कहियो जा के परीक्षा, आउर चिन्ह, आउर चमत्कार आउर युद्ध, आउर तागतवर हाथ, आउर बढ़ावल भुजा अईसन भयानक काम कईलन, आउर बड़का बल से कोई दूसरा जाति के बीच में से एगो जाति के लेवे के कोशिश कईलन हे? का तोर परमेश्वर यहोवा मिस्र में तोर सामने तोरा ला सभे काम कईलन हल?35ई सभे बतिया येहिसे देखावल गेल, कि तूँ जान लऽ कि यहोवा ही परमेश्वर हथिन, आउर उनका छोड़ कोई आउर नऽ हे।36ऊ स्वर्ग से तोरा शब्द सुनईलन, कि तूँ सिच्छा दऽ; धरती पर ऊ तोरा अपन महान अग्नि देखईलन; तूँ आग के बीच में से उनकर वचन सुनऽ37काहेकि ऊ तोर पुरखावन से प्रेम रखलन, ई कारण ऊ उनकर बाद उनकर वंश के चुन लेलन, आउर अपन मौजूदगी आउर अपन बड़ी सामर्थ से तोरा मिस्र से निकाल लईलन;38कि तोरा से बड़ी आउर सामर्थी जतियन के तोर सामने से निकाल देलन, आउर तोरा अन्दर पहुंचइलन, आउर ओकर देश आज के जईसन तोरा निज हिस्सा कर के दे देतन।39येहिसे आज जान लऽ, आउर अपन मन में याद रखऽ, कि यहोवा उपरे स्वर्ग में आउर नीचे धरती पर परमेश्वर हथिन; कोई आउर नऽ। 40तूँ उनकर विधि आउर आज्ञा के जौन हम आज तोरा सुनावऽ ही मानिहऽ, जेकरा से तोरा आउर तोर पीछे तोर वंश के भी भला होवे, आउर जौन देश तोरा परमेश्वर यहोवा तोरा देलन हे ओकरा में तूँ बड़ी दिन तक जिन्दा रहवऽ।41फिन मूसा यरदन के पूरब दने तीन गो नगर चुन लेलन,42कि यदि कोई केकरो दोसरा आदमी के बिना पहले ओकर दुश्मन होले भी भूल से मार देवे, तऽ ऊ ओकरा में से कोई एगो भीर भाग जाय। एकरा में से कोई एगो शहर में भाग के, ऊ बच सकल हे।43ऊ ई सभे हलन: रूबेनियन ला जंगल के बेसेर मतलब मैदान; गादियन के गिलाद के रामोत; आउर मनश्शे के बाशान के गोलान।44जौन व्यवस्था मूसा इस्राएलियन के सामने रखलन ऊ एही हे;45ई ऊ वाचा के विधि आउर नियम, आउर दोसर नियम हे जौन मूसा इस्राएली लोग के मिस्र से निकलला पर देलन हल,46जखनी ऊ यरदन नदी के पूरब में, बेतपोर शहर के सामने के घाटी में, एमोरियन के राजा सीहोन के देश में हलन, जौन हेशबोन शहर में रह हलन, आउर जेकरा मूसा आउर इस्राएलियन के मिस्र से निकलते घड़ी हरा देलन हल।47आउर ओकर देश के आउर बाशान के राजा ओग के देश के ओखनी अपन अधिकार में कर लेलन; ई दुन्नो एमोरी राजा हलन, जौन यरदन नदी के पार पूरब दने हल।48ई प्रान्त अर्नोन के घाटी के किनारे पर एरोएर से लेके सिय्योन पहाड़ चाहे हेर्मोन पहाड़ तक जा हल।49आउर यरदन नदी के घाटी के समूचे मैदान, पिसगा पर्वत के ढलान के नीचे अराबा के ताल तक, आउर पिसगा पहाड़ के ढलान तक शामिल हे।
Bridge Connectivity Solutions Pvt. Ltd.