رومؔ3
1توٚہؠ یہُودؠ ما ونِو، "یودوے یہِ ژےٚ ووٚنُتھ پوٚز آسہِ، تیٚلہِ چھُنہٕ یہُودؠ آسُن کانہٛہ فضیلت۔ یقیناً چھُنہٕ ختنہٕ کرناوُن تہِ کانہٛہ فٲیدٕ بخش کار"2تیٚلہِ ونو بہٕ، "یہُودؠ آسُن چھُ پزنہٕ پٲٹھؠ اکھ فضیلت واریاہو لِکھو" یہِ چھُ یقیناً پوٚز۔ تکیازِ ساروےٕ برونہٛہ کٔرؠ خداین پژھ یہودیٚن تہٕ رژھرِتھ تھاونہٕ باپتھ یہِ تمؠ ووٚن صحیفن منٛز ۔3اوے تہِ ہیٚکِو توٚہؠ یہِ ؤنِتھ زِ یِمو منٛز أسؠ کینہٛہ یہُودؠ خدایس یقیناً بے وفا۔ یِتھؠ لوٗکھ کٲتیاہ بے وفا چھِ، ہیٚکہِ نہٕ خدا سنٛدِس وفادار آسنس پھیش دِتھ۔4توے ونہٕ بہٕ، "بالکل نَہ" اتھ اُلٹہٕ چھُ خدا ہر وِزِ پٔزؠ یور ییٚلہِ زن باقے سٲری ہیٚکن نہٕ ٲسِتھ۔ یہ چھُ تی یہِ داوود سُنٛد مطلب اوس ییٚلہِ تمؠ صحیفن منٛز لیٚوکھ، "میانہِ کُنہِ گنہُک تر چھُ یہِ زِ لوٗکھ مانن زِ ژٕ خدا چھُکھ صحیح ییٚلہِ زن ژٕ کینہٛہ ونکھ تہٕ فتح منٛد ییٚلہِ ژےٚ لوٗکھ پرکھاونچ کوشش کرن ۔5وۅنؠ گوو ژٕ ما ونکھ، "مثالہِ پٲٹھؠ مٲنؠ تو یہِ چھُ پوٚز تہِ اسہِ یہُودین ہنٛدِ وتہِ ڈلِتھ آسُن چھُ درشاوان خدایہِ سُنٛد صحیح وتہِ پیٚٹھ آسُن۔ امیُک مطلب گو نہٕ زِ خدا کیا چھُ وتہِ ڈٔلِتھ۔ یودوے سُہ اسہِ سزا دِیہِ۔ ییٚلہِ بہٕ امہِ آیہِ کتھ کران چھُس، بہٕ چھُس عام انسٲنی سونچُک اظہار کران۔6تیٚلہِ ونہٕ بہٕ، "بالکل نَہ" یودوے خدا ناراستباز آسہِ ہے ییٚلہِ سُہ اسہِ سزا دِیہِ، ممکن چھُ تیٚلہِ ہیٚکہِ نہٕ سُہ دنیاہس منٛز کٲنسے عدالت لٲگِتھ"7وۅنؠ گو تیٚلہِ ہیٚکِو توٚہؠ ؤنِتھ، "مثالے مٲنؠ تو یہِ چھُ پوٚز۔ میون اپُز ونُن چھُ خدایس مزید عظمت بخشان تہٕ تسُنٛد پٔزؠ یور آسُن درشاوان۔ یودوے یی چھُ، تیٚلہِ گژھِ نہٕ یقیناً خدا مےٚ عدالت لاگُن یودوے بہٕ کانہٛہ گناہ کران آسہٕ۔8تہٕ یودوے یہِ پوٚز چھُ تیٚلہِ پزِ توٚہہِ اسہِ ونُن زِ کرِو بدکٲری ہنٛز عمل تاکہِ رُت پرٮ۪زلہِ۔ یہِ چھُ بالکل تی یہِ کینہٛہ لوٗکھ اپُز مےٚ متعلق ونان چھِ تہٕ دعوا چھِ کران یہِ بہٕ ونان چھُس۔ خدایہ سنٛدِ خٲطرٕ چھِ تِمن لوٗکن مزمت کرٕنؠ صحی یِم امہِ آیہِ کلام کران تہٕ عمل کران چھِ۔9توٚہؠ یہُودؠ ما ونِو تیٚلہِ، "یودوے توٚہہِ یہِ ونو پوٚز آسہِ، تیٚلہِ چھِنہٕ أسؠ باقےٕ غٲر یہُودیٚو نِشہٕ اعلیٰ" تہٕ بہٕ ونو بے شک چھِنہٕ أسؠ اعلیٰ۔ بہٕ چھُس یہِ ونان تکیازِ برونہٛہ ووٚن مےٚ زِ یہُودؠ کیو غٲر یہُودؠ ہیٚکن نہٕ گناہ کرٕنؠ ترٲوِتھ۔10یہِ چھُ تی یہٕ نبیو ووٚن ییٚلہِ تمو لیٚوکھ صحیفن منٛز، "کانہٛہ تہِ چھُنہٕ راستباز، بلکہ کانہٛہ اکھ تہِ نہٕ"11 "کہٕنؠ چھُنہٕ دانٲیی سان سونچان، کانہٛہ تہِ چھُنہٕ کوشش کران خدا زاننٕچ۔12پرٛتھ کٲنسہِ چھُ خدایہ سنٛزِ فرمانبردٲری کرنس انکار کوٚرمُت، کلہُم چھِ تِم تہِ کرنہٕ خٲطرٕ ناقٲبل یہِ خدا یژھان چھُ۔ کانہٛہ تہِ چھُنہٕ رحم دل۔ بالکل نہ کانہٛہ" 13"یہِ لوٗکھ ونان چھِ تہِ چھُ غٲر اخلٲقی زنتہٕ قبرن منٛز ہوٚژمژن لاشن ہنٛز بوے ہِش۔ تِم چھِ لگتھےٕ لوٗکن تارن گری کران پننہِ زیٚوِ سٟتؠ، پننہِ وننہٕ سٟتؠ چھِ تِم لوٗکن بُچھان کران۔ اکِس زہر بٔرتِس سرفہٕ سنٛدؠ پٲٹھؠ" 14"تِم چھِ لگتھےٕ لوٗکن بد دعا کران تہٕ تِمن متعلق یُتھ تیُتھ ونان روزان" 15"تِم چھِ ہُش مُش لوٗکن قتل کرنہٕ دوران۔16تِم یوٚت تہِ گژھن، تتہِ چھِ سٲرؠ سےٕ جانن تہٕ مالس ڈُبہٕ ڈاس پھِران تہٕ لوٗکن سختی انان۔17تِمن چھُنہٕ لوٗکن سٟتؠ امنہٕ سان روزُنے سمجھ یوان 18تِمن چھُنہٕ خدایہِ سُنٛد کانہٛہ تہِ خوف" 19یقیناً چھِ أسؠ یہُودؠ سورےٕ زانان یہِ خدا ونان چھُ پننٮ۪ن قانونن منٛز۔ یِم یہُودین پیٚٹھ لاگو چھِ سپدان۔ یِمن خداین یِم قانون دِتؠ۔ اوٕ کِنؠ زِ کانہٛہ تہِ گژھِ نہٕ پانس خدایہِ سنٛدِ عدالتہٕ نِشہٕ مُچھِ زانُن۔ یہِ چھُ اوٕ کِنؠ زِ خدا دِیہِ سارنےٕ غلط کارن دنیاہس منٛز سزا۔20یہِ چھُ پوٚز زِ خدا گنٛزرنہٕ کٲنٛسہِ پانس سٟتؠ راستباز اوٕ کِنؠ زِ سُہ چھُ بس یہُودین دِنہٕ آمٕتؠ قانون زبٲنؠ زبٲنؠ مانان۔ یہِ چھُ اوٕ کِنؠ تہِ زِ یِمے قانون چھِ لوٗکن خبردار کران زِ تِم کٲتیاہ گناہ گار چھِ۔ 21وۅنؠ چھُ خداین ہوومُت زِ سُہ کِتھٕ پٲٹھؠ چھُ لوٗکن راستباز بناوان۔ راستباز بنُن چھُنہٕ تِمن قانونن پیٚٹھ دٔرِتھ یِم خداین یہُودین دِتؠ۔ توتہِ تھوو پننٮ۪ن صحیفن منٛز لیٚکھِتھ موسیٰؔ تہٕ باقےٕ نبیو یتھ تصدیق کران زِ خدا کِتھٕ پٲٹھؠ چھُ لوٗکن راستباز بناوان۔22خدا چھُ لوٗکن راستباز بناوان تِمن یسوعؔ مسیحس پیٚٹھ پژھ دٔررٲوِتھ۔ خدا بناوٕ پرٛتھ قسمہٕ کیٚن لوٗکن راستباز یودوے تِم یسوع مسیحسؔ پیٚٹھ پژھ تھاون۔ تکیازِ خدا چھُنہٕ بیوٚن بیوٚن قسمہٕ کیٚن لوٗکن منٛز کانہٛہ بٮ۪نیٚر ورتاوان۔23تکیازِ پرٛتھ قسمٕکؠ لوٗکھ چھِ گناہ کران تہٕ خدایہِ سنٛدِ جلالہٕ نِشہٕ محروم روزان۔24خدا چھُ یِمن گناہ گار لوٗکن اہِ دالہِ ہنٛدؠ رنٛگؠ راستباز بناوان تکیازِ سُہ چھُ مہربان۔ لوٗکھ چھِ عنایت پراوان ییٚلہِ سُہ لوٗکن یسوع مسیحسؔ سٟتؠ یکُت کرِ، یمؠ یم لوٗکھ بچٲوؠ گناہگار سپدِتھ سزا نشہٕ۔25خداین کوٚر پیش یسوعؔ اکِس شخصہٕ سنٛدؠ رنٛگؠ یُس پرٛتھ کٲنٛسہِ ہنٛدٮ۪ن گناہن ہنٛدِ خٲطرٕ کفارٕ ادا کران چھُ۔ خداین کوٚر یہِ تاکہِ سُہ ہاوِ زِ سُہ کِتھٕ پٲٹھؠ چھُ لوٗکن راستباز بناوان۔ یہِ سپُد اوٕ کِنؠ زِ خدا چھُ تِمن سارنےٕ گنہن منساوان یِم لوکو برونہٛہ کالہِ کرمٕتؠ آسن۔26خداین کوٚر یہِ اوٕ کِنؠ زِ سُہ چھُ روادار۔ خداین کوٚر یہِ اوٕ کِنؠ تہِ زِ سُہ ہاوِ زِ سُہ کِتھٕ پٲٹھؠ چھُ ازکِس وقتس منٛز لوٗکن راستباز بناوان۔ یہِ چھُ یِتہِ درشاوان زِ خدا چھُ راستباز تہٕ سُہ چھُ لوٗکن راستباز بناوان یودوے تِم یسوعسؔ پیٚٹھ پژھ تھاون۔27توٚہؠ یہُودؠ ہیٚکِو ؤنِتھ یودوے یہِ ژےٚ ووٚنُتھ پوٚز چھُ تیٚلہِ ہیٚکہِ نہٕ کانہٛہ تہِ پنُن تھیٚکِتھ۔ تیٚلہِ ونو بہٕ، "بےٚ شک ہیٚکہِ نہٕ کانہٛہ تہِ تھیٚکِتھ" تیٚلہِ ما ؤنِو توٚہؠ، "پزی ہیٚکو أسؠ راستباز بٔنِتھ تِمن قانونن پیٚٹھ عمل کٔرِتھ یِم خداین یہُودین دِتؠ۔ یقیناً یِم چیز کرنہٕ سٟتؠ بنو أسؠ راستباز" تیٚلہِ ونو بہٕ، "بالکل نہٕ" اتھ برعکس ہیٚکن لوٗکھ راستباز بٔنِتھ یسوعؔ مسیحس پیٚٹھ پژھ تھاونہٕ سٟتؠ۔28بے شک چھِ أسؠ یہُودؠ مسیحیؔ یتھ کتھِ مازان زِ لوٗکھ بنن راستباز یسوع مسیحسؔ پیٚٹھ پژھ تھٲوِتھ۔ راستباز بنُن چھُنہٕ تِمن قانونن پیٚٹھ عمل کرنس پیٚٹھ یِم خداین حکم کٔرؠ تہٕ یہُودین دِتؠ"29یا ما ہیٚکِو توٚہؠ ؤنِتھ، "یقیناً چھُنہٕ خدا چھرا یہُودین ہندُے یوت خدا سُہ چھُ پزی سارنےٕ قومن ہنٛد خدا تہِ۔ اوے ونو بہٕ، "بالکل، سُہ خدا چھُ چھُ سارنےٕ قومن ہُنٛد تہِ۔30یہِ چھُ پوٚز تکیازِ خدا چھُ اکُے سارنے قومن ہنٛدِ باپتھ۔ سُہ بناوِ راستباز دۅشوٕنؠ یہُودین تہِ یِم یسوعسؔ پیٚٹھ پژھ تھاون تہٕ غٲر یہُودین تہِ یِم یسوعس پیٚٹھ پژھ تھاون۔31توٚہؠ یہُودؠ ما ہیٚکِو ؤنِتھ، "تیٚلہ چھِنہٕ أسؠ یقیناً یسوعس پیٚٹھ بھروسہٕ کٔرِتھ تِم قانون صحیح مانان یِم خداین اسہِ دِتؠ" اوٕ کِنؠ ونہٕ بہٕ، "بالکل نہ۔ اتھ برعکس چھِ أسؠ تصدیق کران زِ یہِ تہِ خداین قانونن منٛز ووٚن چھُ صحیح"
Bridge Connectivity Solutions Pvt. Ltd.