رومؔ2
1اوے تہِ توٚہہِ منٛزٕ سُہ کانہٛہ تہِ یُس دویمیٚن ہنٛدِس کرنس کراونس پیٚٹھ کانہٛہ فٲصلہٕ دِیہِ، ہیٚکہِ نہٕ پانس ہرگِز مُچھِ تھٲوِتھ ییٚلہِ خدا تس کہوٹ لاگہِ۔ تکیازِ یمہِ وِزِ ژٕ باقین ہنٛز عٲب جویی کران چھُکھ، ژٕ چھُکھ ژکہِ پنٕنؠ عٲب جویی کران۔ یہِ چھُ اوٕ کِنؠ زِ یمہِ وِزِ ژٕ یہِ باقین ہنٛدِس کرنس کراونس کۅدٕ کڈان چھُکھ، ژٕ چھُکھ پانہٕ تی کران یہِ تِم کران چھِ۔2یقیناً چھِ أسؠ مانان زِ خدا چھُ تِمن لوٗکن صحیح پٲٹھؠ عدالت کران یِم ہٮ۪تھےٕ یِژھٕ وٮ۪کھژٕ کامہِ کران چھِ۔3یِم باقین ہنٛزن وٮ۪کھژن کامیٚن پیٚٹھ فٲصلہٕ دِوان چھِ ییٚلہِ زن پانہٕ تہِ یی کران روزان چھُو، ہیٚکِو نہٕ یتھ گمانس تل روزِتھ زِ توٚہؠ کیا بٔچِو ییٚلہِ خدا پنُن فٲصلہٕ بوزناوِ۔4توٚہؠ، یِم منساوان چھُو زِ خدا کوتاہ مہربان، صٲبر تہٕ وٮ۪تراون وول چھُ، زٲنِو یہِ کتھ زِ خدا سنٛز کانہٛہ مہربان عمل چھےٚ ژکہِ توٚہہِ پننس کرنس پیٚٹھ پشیمان کرنہٕ باپتھ۔5اتھ برعکس یودوے توٚہؠ ہٹ دھرم روزِو پشیمان سپدنس انکار کٔرِو، تیٚلہِ دِیو توٚہہ خدا یمہِ کھۅتہٕ ژوٚر سزا۔ یہ سپد ییٚلہِ خدا گناہگارن سزا دِیہِ تہٕ یہِ کتھ ہاوِ زِ سُہ کوتاہ عدلہٕ سان چھُ انصاف کران۔6خدا دِیہِ عدلہٕ سان پرٛتھ کٲنٛسہِ پننہِ کرنہٕ کراونہٕ کِنؠ سزا یا انعامہٕ۔7ابدی زندگی چھےٚ خدایہِ سُنٛد فضل تمن ہنٛدِ باپتھ یِم خدایہِ سنٛز وتہٕ گاران روزن تاکہِ تِمن پھلراوِ سُہ تھدِ مرتبہٕ عزت تہٕ پوشوٕنؠ زندگی دِتھ۔ یتھؠ لوٗکھ چھِ نیکی ہنٛزِ وتہِ پیٚٹھ درِتھ روزِتھ پراوان۔8اتھ برعکس دِیہِ خدا تمن سارنےٕ لوٗکن سزا یِم نکار کرن خدایہِ سنٛدِس تتھ کلامس یتھ سُہ پوٚز تہٕ صحیح ونان چھُ تکیازِ یِتھؠ لوٗکھ چھِ خود غرضی کِنۍ خود پسند۔9خدا کر بناوِ تِمن سارنےٕ لوٗکن بے تسلا تہٕ دۅکھل یِم کھۅچہِ وتہِ پیٚٹھ روزن۔ یہِ سپدِ خاص پٲٹھؠ تمن یہُودین سٟتؠ یِم بد کار کران روزن تہٕ یِتھؠ بد کار والیٚن باقین لوٗکن سٟتؠ تہِ۔10اتھ برعکس بخشہِ خدا روشن مرتبہٕ، عزت تہٕ تسلی تِمن سارنےٕ یِم رٕتؠ تہٕ نیک کار کرن۔ یہِ سپدِ خاص پٲٹھؠ تِمن یہُودین سٟتؠ تہٕ باقےٕ لوٗکن سٟتؠ تہِ یِم نیک کار کرن۔11یہِ چھُ پوٚز تکیازِ خدا چھُ بے تعصب ۔12أسؠ چھِ خدایس متعلق یہِ زانان زِ سُہ دِیہِ تِمن ابدی سزا تِمن سارنےٕ لوٗکن یِم گناہ کران روزن۔ یہودیٚن خدایہِ سنٛدؠ دِنہٕ آمٕتؠ قانون زاننہٕ ورٲے ہرگاہ زن تِمن یِمن قانونن ہنٛز خبر تہِ آسہِ نہٕ۔ أتھؠ وقتس دوران پرکھاوِ خدا تِمن تہِ یِم قانون زٲنِتھ تہِ گناہ کرن۔13خدا لاگہِ عدالت تِمن سارنےٕ یِم گناہ کرن۔ تکیازِ خدا چھُنہٕ تِمن راستباز بناون وول یِم قانون صرف کنو بوزن۔ خدا بناوِ تِمن راستباز یِم قانون عملاون۔14خدا لاگہِ عدالت پرٛتھ کٲنٛسہِ یُس گناہ کرِ۔ تکیازِ ییٚلہِ تہِ کانہٛہ قوم یہودیٚن دِنہٕ آمٕتؠ قانون زانہِ نہٕ، مگر فطرتن پالہِ یِم قانون، چھُ یہِ کتھ ثٲبت کران زِ سُہ قوم چھُ پننہِ عقلہِ منٛز یِم قانون زانان۔ یودوے یہِ خبر چھُکھ نہٕ زِ یِم قانون چھِ خدایہِ سنٛدؠ۔15قدرتی طور یِم قانون پٲلِتھ یِم خداین موسیٰ ؔ سنٛدِ ذریعہٕ سوزؠ۔ چھِ یِم لوٗکھ یتھ کتھِ درشاوان زِ خداین چھُ پرٛتھ کانہٛہ پنٕنؠ قانون پالنہٕ باپتھ آگاہ کوٚرمُت۔ تِیُنٛد امہِ آیہِ سونٛچُن چھُ یہِ کتھ ہاوان زِ یی چھُ پوٚز یہِ یِم شخص سونچان چھِ یا تہٕ بناوِ تہٕ تِمن مجرم نتہٕ کریٚکھ بچاو پننہِ عملہِ منٛز۔16یہِ سپدِ ییٚلہِ خدا تہنٛدٮ۪ن گُپِتھ سونٛچن چھیکرس عدالت لاگہِ۔ خدایہِ سنٛز رٕژ شیٚچھ یمِچ بہٕ تُرے دِوان چھُس، چھےٚ اسہِ یہ تعلیم دِوان زِ خدا لاگہِ اسہِ عدالت یسوع مسیحؔ سنٛدِ ذریعہٕ۔17وۅنؠ چھُس بہٕ توٚہہِ مخٲطب یِم پانس یہُودؠ گنٛزران چھِ۔ توٚیؠ چھُ دٔرِتھ قانونن پیٚٹھ یِم خداین دتِو۔ خدایہِ سنٛدِ عدالژ نِشہٕ بچنہٕ باپتھ۔ توٚہؠ چھُو تھیٚکان زِ توٚہؠ زٲنِو خدایس۔18توٚہؠ چھُو زانان زِ خدا کیا چھُ یژھان۔ امہِ مزید ینہٕ کینٛژو لوٗکو توٚہہِ تعلیم دِژ خدایہِ سنٛدین قانونن متعلق، توٚہؠ چھُو مانان یہِ کینٛژھا اعلیٰ چھُ۔19توٚہہِ چھُو پانس بیٚہنوومُت زِ توٚہؠ یہُودؠ چھُو باقےٕ غٲر یہودیٚن یِم نہٕ خدایس متعلق زانان چھِ تعلیم دِنس قٲبل، توٚہہِ چھو یہِ کتھ سٮیٚکہٕ بہتھ زِ چھرا ہیٚکِو توٚہؠ نافہم بے زان لوٗکن خدایس متعلق کینہٛہ سمجھٲوِتھ۔20توٚہہِ چھَو پانس یہِ کتھ بیٚہنٲومٕژ زِ توٚہہِ پزن باقےٕ یِم بے عقل چھِ ہیٚچھناوٕنؠ۔ توٚہہِ چھَو یہِ کتھ تہِ پانس بیٚہنٲومٕژ زِ توٚہہِ پزِ باقین یِم دۅدٕ ہیڈرن یعنی شُریٚن ہنٛدؠ پٲٹھؠ یِم بے خبر چھِ تعلیم دِنؠ۔ توٚہؠ چھُو امہِ آیہِ سونچان اوٕ کِنؠ زِ توٚہؠ چھُو تِم قانون زانان یِم زن خداین یہودیٚن دِتؠ یِمن منٛز تہِ سورےٕ چھُ یہِ أسؠ زٲنِتھ ہیٚکو تہٕ یہِ پوٚز چھُ۔21اوے تہٕ یودوے زن توٚہہِ یہودیٚو پانس بیٚہنوومُت چھُ زِ یِم چیز چھِ پٔزؠ، پزِ توٚہہِ پانس تہِ یِم چیز کرنہٕ باپتھ تعلیم دِنؠ یۅسہٕ توٚہؠ باقین کرنہٕ باپتھ ونان چھُو، تکیازِ توٚہؠ چھُو نہٕ تِم چیز کران۔ توٚہؠ چھُو باقین ونان روزان زِ تِمن پزِ نہٕ ژوٗر کرٕنؠ، مگر توٚہؠ چھُو پانہٕ ژوٗر کران۔ 22توٚہؠ چھُو اکِس بیٚیِس لٔگتھےٕ ونان روزان زِ جنسی تعلقات مٕہ کرِو قٲیِم تِمن سٟتؠ یِمن سٟتؠ نہٕ توٚہہِ نیتھٕر چھُ۔ مگر پانہٕ چھُو کران۔ توٚہؠ چھُو وننہٕ بوزنہٕ کِنؠ بُت پرستی خلاف۔ توٚہؠ چھُو تِمن مندرن چھلہٕ ودر کران ییٚتہِ پۅتٕلؠ آسن۔23توٚہؠ چھُو تھیٚکان زِ توٚہہِ کوتاہ سمجھ چھُ قانونُک یِم خداین دتِو۔ مگر توٚہؠ چھُو یِمن نَہ مٲنِتھ خدایہِ سنٛز بے عزتی کران۔24یِم چیز چھِ پٔزؠ تکیازِ یہِ چھُ تی یہِ یسعیاہؔ نبی سنٛدِ وننُک مطلب چھُ۔ تمؠ لیٚوکھ صحیفن منٛز، "کینہٛہ قوم چھِ خدایس توہین کران تکیازِ کمہِ کمین گی سان چھُو توٚہؠ یہُودؠ عمل کران۔ 25توٚہہِ گناہ کرن والیٚن یہودیٚن لگہِ عدالت تکیازِ ختنہٕ کرن چھُ توٚہہِ فٲید دوان ہرگاہ توٚہؠ خدایہِ سُنٛد دِنہٕ وول قانون پٲلِو۔ وۅنؠ گوو یودوے توٚہؠ یِم قانون پٲلِو نہٕ، تُہنٛد ختنہٕ کرناوُن واتناونہٕ توٚہہِ کانہٛہ فٲیدٕ۔ 26اوے یودوے ختنہٕ ورٲے لوٗکھ خدایہِ سنٛدِ منشہٕ مطٲبق یہودیٚن دِنہٕ آمٕتؠ قانون راستبٲزی سان پالن، خدا گنٛزرِ یِمن بے ختنہٕ لوٗکن ختنہٕ والیٚن سٟتؠ۔27تہٕ تِم لوٗکھ یِم بظٲہر بے ختنہٕ چھِ مگر خدایہِ سنٛدؠ قانون چھِ پورِ پور پالان پرکھاونو توٚہہِ یہودیٚن۔ گوو زِ توٚہؠ چھُو زانان خدایہِ سنٛدِ طرفہٕ یہودیٚن دِنہٕ آمٕتؠ لیٚکھِتھ قانون تہٕ بیٚیہِ چھُو ختنہٕ تہِ۔ مگر توتہِ چھُو نہٕ یِم قانون پالان۔28یہِ چھُ پوٚز تکیازِ پوٚز یہُودؠ گو نہٕ سُہ یُس یہُودؠ رسمن پالہِ یِمن باقےٕ لوٗکھ تہِ وُچھِتھ ہیٚکن۔ یِتھے پٲٹھؠ ہیٚکن نہٕ لوٗکھ اصل غٲر رسمی ختنہٕ وُچھِتھ کٲنٛسہِ نفر سنٛدِس جسمس منٛز۔29تکیازِ پوٚز یہُودؠ گو سُے یُس ظٲہرٕ بدلہٕ بٲطنی عملہِ پیٚٹھ روزِ۔ پوٚز ختنہٕ گوو یُس چٲنِس منس شیرِ تہٕ یہِ چھُ پاک روح انجام دِوان۔ چھرا لیٚکھِتھ ظٲہری قانون پالنہٕ سٟتؠ سپدِ نہٕ یہِ۔ خدا چھُ اکِس پٔزِس یہودِس تعریف کران۔ مٹھِ مٹھِ دِوان تہٕ باقےٕ لوٗکھ چھِنہٕ۔
Bridge Connectivity Solutions Pvt. Ltd.