رومؔ4
1توٚہؠ یہُودؠ ہیٚکِو ؤنِتھ، "یودوے یہِ توٚہہِ ونُو پوٚز چھُ، تیٚلہِ زون جسمٲنی لحاظٕ سٲنؠ جد ابرہامن اتھ متعلق۔2یہِ گژھِ آسُن پوٚز تکیازِ یودوے ابرہام راستباز بنیاو تہِ کرنہٕ سٟتؠ یمیُک حکم شریعتس منٛز خداین دیُتمُت چھُ، تیٚلہِ ہیٚکہِ سُہ اتھ متعلق تھیٚکِتھ۔ اتھ برعکس ہیٚکہٕ بہٕ ؤنِتھ ابرہام ہیٚکہِ نہٕ شاید امہِ باپتھ فخر کرِتھ خدایس برونہٛہ کنہِ۔3بہٕ چھُس یہِ ونان تکیازِ موسیٰؔ چھُ یقیناً اسہِ یہِ ونان پننس صحیفس منٛز، "ابرہامنؔ اوٚن خدایس پیٚٹھ ایمان تہٕ خداین زون ابرہامؔ راستباز تکیازِ تمؠ اوٚن تس پیٚٹھ ایمان"4پزی! ییٚلہِ کانہٛہ انسان کانہٛہ کٲم کرِ، سُہ چھُنہٕ امہِ باپتھ زینمٕژ مزوٗرؠ کانہٛہ رُت انعام یا تحفہٕ زانان۔ بلکہِ اتھ برعکس چھُ یُتھ کانہٛہ نفر پنٕنؠ زینمٕژ اُجرت زانان زِ یہِ دارِ ہے تس یہِ کٲم کرناون وول مٲلک۔5اتھ مقابلہٕ ییٚلہِ اکھ انسان یہُودین خدایہِ سنٛدِ طرفہٕ دِنہٕ آمٕتؠ حکم مانہِ نہٕ بلکہِ چھُ خدایس پیٚٹھ بھروسہٕ کران یُس ناراستباز لوٗکن راستباز بناوان چھُ، خدا چھُ تس راستباز مازان تکیازِ امؠ اوٚن ایمان خدایس پیٚٹھ۔6یہِ چھُ بالکل تی یہِ داودن پننس صحیفس منٛز لیٚوکھ زِ نیک بخت لوٗکھ کِتھؠ چھِ آسان ییٚلہِ خدا تِمن راستباز مازان چھُ۔ تِم ہرگاہ نہٕ تِم چیز کران چھِ یہِ خداین حکم دیُت۔ داودن لیٚوکھ،7"لوٗکھ چھِ سیٚٹھا خوش آسان ییٚلہِ خدا تہنٛدؠ اتٕرؠ معاف کران چھُ۔ لوٗکھ چھِ سیٚٹھا خوش آسان ییٚلہِ نہٕ خدا تہنٛزن گناہگار عملن کُنہِ گرینٛز منٛزےٕ انان چھُنہٕ۔8کانہٛہ نفر تہٕ یمِس خداوند زانہٛہ تہِ گناہگار گنٛزرنہٕ چھِ واریاہ واریاہ خوش آسان" 9لہٰذا یِم خوش انسان چھِنہٕ صرف ختنہٕ وٲلؠ یہُودؠ بلکہِ بے ختنہٕ غٲر یہُودؠ لوٗکھ تہِ۔ یہِ چھُ بالکل پوٚز تکیازِ أسؠ یہُودؠ چھِ حوالہٕ دِوان صحیفُک یتھ منٛز لیٚکھِتھ چھُ، "خدا چھُ ابرہامس راستباز گنٛزران تکیازِ تمؠ اوٚن تس پیٚٹھ ایمان۔10اوے تہِ چھُو توٚہؠ یقیناً زانان ییٚلہِ ابرہامن خدایس پیٚٹھ ایمان اوٚن تہٕ اوے زون خداین سُہ راستباز۔ ژٕ چھُکھ یقیناً زانان زِ آیا یہِ سپدیاوا امہِ برونہٛہ زِ تس آو ختنہٕ کرنہٕ یا امہِ پتہٕ۔ بے شک سپدنہٕ یہِ ییٚلہِ زن ابرہامسؔ ختنس دوران بلکہِ یہِ سپدِ ییٚلہِ سُہ وُنہِ ختنہٕ سپدن ورٲے اوس یعنی ییٚلہِ خداین سُہ راستباز زون۔11ابرہامسؔ آو ختنہٕ کرنہٕ تسنٛدِس بدنس پیٚٹھ اکہِ نشانہٕ رنٛگؠ یہِ ثٲبت کرنہٕ خٲطرٕ زِ خداین بنوو سُہ راستباز تکیازِ ابرہامنؔ کوٚر تمِس پٮ۪ٹھ بھروسہٕ ییٚلہِ تمِس وُنہِ ختنہٕ کرنَے اوس تاکہِ سُہ بنہِ روحٲنی پیشرو تِمن تمام غٲر یہُودؠ فردن ہنٛد یِم خدایس پیٚٹھ ایمان انن تاکہِ خدا گنٛزراوِ تِمن راستباز اوٕ کِنؠ زِ تِمن چھُ تس پیٚٹھ ایمان۔ 12یہِ سپُد اوٕ کِنؠ تہِ زِ ابرہامؔ بنہِ روحٲنی پیشرو تِمن سارنےٕ لوٗکن ہُنٛد یِمن ختنہٕ چھُ آمُت کرنہٕ، یعنی ختنہٕ وٲلؠ یہُودؠ، یِمن ہُنٛد ختنہٕ نہ صرف بدنی چھُ بلکہِ چھِ خدایس پیٚٹھ ایمان تھاون وٲلؠ تہِ یِتھٕ پ ٹھؠ زن سون پیشرو ابرہام اوس ختنہٕ سپدنہٕ برونہٛہ۔13یہِ چھُ پوٚز تکیازِ ییٚلہِ خداین وعدٕ دیُت ابرہامس تہٕ تسنٛدین یِنہٕ والیٚن زُریٚن زِ یہِ سورےٕ دنیا بنہِ تہنٛز ملکیت۔ خداین دیُت نہٕ یہِ وعدٕ اوٕ کِنؠ زِ ابرہامنؔ مٲنؠ تِم قانون یِم زن یہُودین خداین دِتؠ بلکہِ اوٕ کِنؠ زِ ابرہامؔ بنوو خداین راستباز تکیازِ ابرہامن اوٚن تس پیٚٹھ ایمان۔14یہِ چھُ پوٚز یودوے لوٗکھ وٲرث بنن تتھ ابرہامسؔ دِنہٕ آمتِس خدایہِ سنٛدِس وعدس تِمن قانونن مٲنِتھ یِم خداین یہُودین عنایت کٔرؠ۔ تیٚلہِ بنہِ خدایس پیٚٹھ ایمان انُن غٲر ضروری۔ تہٕ یہِ خداین وعدٕ کوٚر سُتہِ بنہِ بے کار۔ 15یہِ چھُ اوٕ کِنؠ تکیازِ خداین یِم قانون یہُودین عنایت کٔرؠ تہنٛز منشا اوس سزا دیُن یِمن نہ مانن والیٚن۔ یتہِ یتہِ خدایہِ سنٛدؠ قانون آسن نہٕ تتہِ تتہِ ہیٚکہِ نہٕ کانہٛہ تِمن انکار تہِ کٔرِتھ۔16اوے کِنؠ یہِ خداین وعدٕ کوٚر سپدِ پوٚز تس پیٚٹھ ایمان اننہٕ سٟتؠ تاکہِ تسُنٛد مہربان آسُن پرٮ۪زلہِ۔ خدا اوس یوٗت مہربان تاکہِ سُہ بناوِ یہِ کتھ یقینی تاکہِ سُہ بناوِ پنُن وعدٕ حتمی تِمن سارنےٕ لوٗکن ہنٛدِ باپتھ یِم ابرہام سنٛدؠ روحٲنی زُرؠ بنن۔ یِم ابرہامؔ سنٛدؠ روحٲنی رُزؠ چھِنہٕ چھرا تِم یہُودؠ یِم خدایہِ سنٛدِ طرفہٕ عنایت سپدنہٕ وٲلؠ قانون مانن بلکہِ تِم تہِ یِم ابرہامؔ سنٛدؠ پٲٹھؠ خدایس پیٚٹھ ایمان تھاوُن۔ ابرہامؔ چھُ اسہِ سارنےٕ ہُنٛد روحٲنی جد یِمن خدایس پٮ۪ٹھ ایمان چھُ۔17یہ چھُ عٲن تہٕ غٲن تی یہِ خداین پننٮ۪ن صحیفن منٛز ابرہامسؔ متعلق لیٚوکھ: "مےٚ ژورُکھ ژٕ اکھ روحٲنی جد واریاہن لوٗکہٕ جمٲژن باپتھ" ابرہامن تھوو ایمان خدایس پیٚٹھ۔ خدا چھُ سۅ ذات یُس مودؠ مٕتیٚن لوٗکن بیٚیہِ زندگی بخشان چھُ۔ یُس نہٕ نابود چیزن وجودس منٛز ینُک حکم دِوان چھِ تہٕ اوٕ پتہٕ چھِ یِم وجودس یوان۔ 18ابرہامنؔ تھوو خدایس پیٚٹھ ایمان خدایہِ سنٛز امید روزِتھ ییٚلہِ زن اندٕ وندٕ چھرا نا امیدی ٲس۔ اوٕ کِنؠ بنیاو سُہ واریاہن لوٗکہٕ جمٲژن ہنٛد روحٲنی۔ یہِ سپدِ عٲن تہٕ غٲن خدایہِ سنٛدِ تس سٟتؠ صحیفن منٛز وعدٕ مطٲبق۔ تِم، یِم لوٗکھ چانہِ مرِ نیرن تِم آسن تیتؠ شمارٕ روستُے ییتیاہ آسمانٕکؠ تارکھ چھِ"19ابرہامن سونچ زِ اما سُہ چھُ وۅنؠ واریاہ وٲنٛسٹھ شُرؠ پٲدٕ کرنہٕ باپتھ۔ تسُنٛد جسم اوس امہِ وِزِ الہٕ پلہٕ ہتھ وۅہر۔ تمؠ سونچ پتہٕ زِ تسنٛز آشِنؠ سارٕ چھےٚ یی نہٕ گۅبہِ کھور روزنس لایق تکیازِ امہِ برونہٛہ تہِ روزِ نہٕ سُہ زانہٛہ گۅبہِ کھور۔ وۅنؠ گوو ابرہامن تھوو پنُن ایمان خدایس پیٚٹھ دوٚر۔ 20بے شک ابرہامن کوٚر نہٕ خدایہِ سنٛدِس وعدس پیٚٹھ پژھ راورٲوِتھ شک۔ اتھ برعکس بنوو خداین ابرہام ژوٚر قوت وول پننس خدایس پیٚٹھ ایمان تھاونس منٛز۔ ییٚلہِ زن پانہٕ ابرہامؔ خدایہِ سنٛز عظمت چمکاواں رود۔21خداین دیُت ابرہامس پوٗرِ پوٗر یقین زِ سُہ خدا چھُ بالکل قٲدر تہِ کرنہٕ باپتھ یہِ تمؠ وعدٕ دیُت۔22تہٕ اوے کِنؠ زون خداین ابرہام راستباز تکیازِ تمؠ تھوو تس پیٚٹھ پنُن ایمان" 23وۅنؠ گوو ییٚلہِ موسیٰ ہن صحیفن منٛز لیٚوکھ، "خداین تھوو نظرِ تل زِ ابرہامن کتھٕ پٲٹھؠ کوٚر تس پیٚٹھ بھروسہٕ۔ یِم لفظ چھِ نہ صرف ابرہام ابرہامؔ سنٛدِس حوالس منٛز آمٕتؠ۔24بلکہِ چھِ یِم اسہِ متعلق تہٕ یِمو یسوعسؔ پیٚٹھ ایمان اوٚن، خدا چھُ تس پیٚٹھ سون ایمان نظرِ تل تھاون وول۔ أسؠ چھِ تِم لوٗکھ یِمن تس پیٚٹھ ایمان چھُ۔ سُے چھُ یمؠ سون خداوند یسوعؔ مرنہٕ پتہٕ دُبارٕ زندٕ کوٚر۔25خداین دیُت لوٗکن یسوعؔ مارنہٕ۔ تکیازِ اسہِ کٔرؠ گناہ خدایس خلاف۔ خداین اوٚن بیٚیہِ یسوعؔ زندگی منٛز تاکہِ أسؠ تہِ بنو راستباز۔
Bridge Connectivity Solutions Pvt. Ltd.