لوق4
1یوحناؔ سٕنٛدِ دسؠ بپتسمہ دِنہٕ پتہٕ، کھوٚت یسوعؔ دریایہِ یردنہٕ منٛز واپس۔ پاک روح اوس تس پورٕ پٲٹھؠ طاقت عطا کران۔ پتہٕ واتنوو پاک روحن سُہ وٲرانس منٛز۔2ییٚلہِ یسوعؔ تتہِ اوس، شیطان رود تس آزماوان۔ یسوعؔن کھیٚو نہٕ تتھ وقتس دوران کانٛہہ تہِ چیز۔ لہٰذا ییٚلہِ تِم دوٚہہ انٛد وٲتؠ، تمِس لٔج بۅچھِ۔3پتہ وُن شیطانن یسوعؔ ہس، "ہرگاہ ژٕ پٔزؠ پٲٹھؠ خدایہِ سُنٛد گۅبُر چُھکھ، یَتھ کنہِ کرِ حکم اتھ بنہِ اکھ ژوٚٹ چانہِ کھیٚنہٕ باپتھ!"4 یسوعؔن دِتُس جواب، "نہٕ، بہٕ کرنہٕ تہِ، تکیازِ نوشتن منٛز چُھ لیٚکھتھ، لوٗکن چُھ غذاہس سٟتؠ سٟتؠ زندٕ روزنہٕ باپتھ خدایہِ سٕنٛدِ کلامچ تہِ ضرورت۔"5پتہٕ نیٚو شیطانن یسوعؔ أکِس تھٔدِس بالس پٮ۪ٹھ تہٕ أچھ ٹِٹوارِ منٛز ہاوِنس تمام دُنیاہچہِ سلطنتہٕ۔6پتہٕ وُن ابلیسن یسوعؔ ہس، "بہٕ بنٲوِتھ ژٕ یِمن سارنےٕ سلطنتن ہُنٛد حکمران تہٕ ژےٚ میلی تِہنٛز تمام دولتھ۔ یہِ ہیٚکہٕ بہٕ کٔرِتھ تکیازِ خداین چُھ مےٚ تِم اختیارس منٛز تھاونُک اِجازتھ دِتمُت، بہٕ ہیٚکہٕ تہِ تمِس دِتھ یمِس یژھِ۔7صرف چھی ژےٚ مےٚ سٔجدٕ کرُن تہٕ میانؠ عبادتھ کٔرنؠ۔ پتہٕ دِمے بہٕ ژےٚ تتھ سٲرسےٕ پؠٹھ حکومت کرنہٕ!"8 مگر یسوعؔن ونُس جوابس منٛز، "نہٕ، بہٕ کرِ نہٕ چٲنؠ عبادت، تکیازِ نوشتن منٛز چُھ لیٚکھتھ، "توٚہؠ کٔرِو صرف پننِس خداوند خدایہ سنٛز عبادتھ۔ سُے چُھ واحد عبادتس لایکھ!"9پتہٕ نیٚو ابلیسن یسوعؔ یروشلم۔ تٔمؠ تھوٚو سُہ ہیکل کِس سارِوے کھۅتہٕ تھزِ جایہ پؠٹھ تہٕ ووٚننس، "اگر ژٕ پٔزؠ پٲٹھؠ خدایہِ سُنٛد گۅبُر چُھکھ، یتہِ پؠٹھ ترٛاو تیٚلہِ بوٚن کُن ووٚٹھ۔10ژٕ گٔژھکھ نہٕ زَخمی، تکیازِ نوشتن منٛز چُھ لیٚکھتھ، "خدایہِ دییہِ پننٮ۪ن فرشتن چانہِ بچاونُک حکم۔"11 تہٕ نوشتن منٛز چُھ یتہِ درٕج، فرشتہٕ رٹنے ژےٚ پننٮ۪ن اتھن منٛز ییٚلہِ ژٕ بوٚن آسکھ پیوان، توے لگی نہٕ ژےٚ زَخم تہِ۔"12 یسوعؔن دِیُت تس جواب، "نَہ، بہٕ کرٕ نہٕ تہِ، تکیازِ نوشتن منٛز چُھ یتہِ لیٚکھتھ زِ، "پنُن خداوندٕ خدا مٕہ ازمٲوؠ ووٚن۔"13پتہٕ، ابلیس ییٚلہِ رنگہٕ رنگہٕ یسوعؔ ہَس ازمٲیشہ کٔرتھ سپدیو، ابلیسن تُروو یسوعؔ تہٕ کوٚرُن دوٚیمہِ لٹہِ تس انتظار۔ ییٚلہِ سُہ یسوعؔ ہَس دُبارٕ آزماونچ کوٗشش کرِ ہے۔14یسوعؔ درٛاو تمہِ پتہٕ امہِ وُجارٕ علاقہٕ منٛزٕ تہٕ آو گلیل کِس علاقس کُن۔ پاک روح اوس تس طاقت بخشان۔ تمہِ علاقہٕ کیٚن لوٗکن لٔج یسوعؔ ہس متعلق پتاہ تہٕ تِمو وُن باقین تہِ أمِس متعلق۔15تٔمؠ دِژ تِمن تہنٛدؠن یہُودؠ عبادت گاہن منٛز تعلیم۔ تٔمیُک نتِجہ درٛاو یہِ زِ تمام لوٗکھ یمو ہنٕنؠ تعلیم حٲصِل کٔر کٔرؠ تسَ تعریف۔16پتہٕ گوٚو یسوعؔ ناصرت شہرس منٛز یتہِ سُہ بوٚڈ گوٚمُت اوس۔ پننہِ دستوٗرٕ مطٲبق گو سُہ سبتکہٕ دوٚہہ یہُودؠ عبادت خانس منٛز۔ عٲنہِ موقعس پؠٹھ ووٚتھ سُہ پرنہٕ خٲطرٕ تھوٚد تہٕ پٔرِنؠ بڈِ بڈِ صحیفہٕ۔17یسوعؔ اوس کتابہِ ہنٛدؠ تِم کینٛہہ الفاظ یژھان پرٕنؠ یِم یسعیاہؔ نبیین واریاہ برونٛٹھ ونمٕتؠ ٲسؠ۔ اوے موٚنگ تٔمؠ سُہ طوٗمار یتھ پؠٹھ یِم الفاظ ٲسؠ، تہٕ ہیکلٕکؠ اکؠ خدمت گُزارن دِتُس سُہ۔ یسوعؔن مُژرو یہِ طوٗمار تہٕ لبُن تہِ یہِ سُہ برُن یژھان اوس۔ تٔمؠ پٔرؠ یِم الفاظ:18 خداوندٕ سُنٛد روح چُھ مےٚ با اختیار بناوان، تکیازِ تٔمؠ چُھس بہٕ خصوصن مسکینن تام خدایہِ سنٛز رٕژ شیٚچھ واتہٕ ناونہٕ باپتھ مقرر کوٚرمُت۔ تٔمؠ چُھس بہٕ تِم لوٗکھ باخبر کرنہٕ باپتھ سوٗزمُت یِم قٲدس منٛز چھِ زِ تِم سَپدن آزاد، تہٕ انُن ونُن زِ تِمن ییہِ دُبارٕ گاش۔تٔمؠ چُھس بہٕ تِم لوٗکھ آزاد کرنہِ باپتھ سوٗزمتُ یِم باقیو لوٗکو لتہٕ مۅنٛجہ کٔرمٕتؠ چھِ19تہٕ اعلان کرُن زِ وُنؠ چُھ سُہ وقت ییٚلہِ خداوند لوٗکن سٟتؠ رٕتؠ پٲٹھؠ پیش ییہِ۔"20پتہٕ وٹُن سُہ کاغذ رول تہٕ دِتُن تمِس خدمت گارس واپس، پتہٕ بیوٹھ پتھر لوٗکن تعلیم دِنہِ۔ یہُودؠ عبادت گاہس منٛز اوس ہَر کانٛہہ تمِس دِل دِتھ وُچھان۔21تٔمؠ لٲج تِمن یہِ ونان تعلیم دِنؠ زِ، "از چُھ مےٚ یہِ صحیفہٕ پوٗرٕ کوٚرمُت یُس مےٚ تُہنٛدِ بوزنہٕ باپتھ پوٚر۔"22 تتہِ کوٚر ہر اکؠ سُہ پسنٛد تہٕ سپد تہنٛزن عجیب کتھن پؠٹھ حٲران۔ واریہو وُن اکھ أکِس، "أمؠ سُنٛد یتھٕ پٲٹھؠ ونُن چُھ حٲران کران! یہِ چُھ یوسفُنؔ نیٚچو!"23تٔمؠ وُن تِمن، "توٚہہ منٛزٕ دِین مےٚ کانٛہہ یقینہٕ سان سۅ مثال زِ، "طبیٖبہٕ ژٕ کرِ پننِس پانس طبابتھ! امیٚک مطلب گوٚو زِ لوٗکن ہُنٛد ونُن چُھ، ژےٚ ہٲوِتھ کفرنحوم شہرس منٛز معجزٕ۔ ہرگاہ ژٕ باوُن یژھان چُھکھ زِ ژٕ چُھکھ اکھ نبی، تیلہِ ہاو تِمے معجزٕ پننِس شہرس منٛز تہِ!"24پتہٕ وُن تٔمؠ، "یہِ چُھ یقیناً پوٚز زِ پرٮ۪تھ کانٛہہ رسول چُھ پننِہِ آبٲئی قصبہٕ کیٚو لوٗکو مسترد کوٚرمُت۔25 یتھ متعلق سونٛچو: اسرائیلس منٛز آسہ واریاہ مونٛڈٕ ییٚلہِ ایلیاہؔ نبی زندٕ اوس۔ تمہِ وقتہٕ پیٚو نہٕ ترٛین ؤرین تہٕ شیٚن ریٚتن رود۔ تمہِ سٟتؠ ووٚتھ سٲرسےٕ ملکس منٛز زبردست دراگ۔26تمہِ پتہٕ سوز نہٕ خداین کانٛسہِ مونٛڈِ اسرائیلس منٛز ایلیاہؔ مدد کرنہٕ خٲطرٕ۔ تمہِ بجایہ سوز سُہ خداین صَیدا شہرس نکھٕ صارپت قصبس منٛز أکِس غٲر اسرائیلی مونٛڈِ مدد کرنہٕ باپتھ۔27 اسرائیلس منٛز ٲسؠ تمہِ وقتہٕ واریاہ مینٛدؠ لد ییٚلہِ الیشعؔ نبی زندٕ اوس۔ پوٚز الیشعؔ ہن بٔلرٲو نہٕ تِمو منٛز کانٛہہ۔ تمہِ بجایہ، تٔمؠ بٔلروو شام ملکُک اکھ غٲر اسرائیلی شخص نعمانؔ سوریانی۔"28یہُودؠ عبادت خانس منٛز ییٚلہِ تمام لوٗکو تمہِ سنٛزٕ تمہٕ کتھٕ بوزٕ، تِمن کھۅت سیٹھاہ شرارتھ۔29أتی ؤتھؠ تِم تھوٚد، یسوعؔ رۅٹُکھ، تہٕ کۅڈکھ شہرٕ منٛزٕ کھکھرِ نیٚبر۔ تِمو نیٚو سُہ پننہِ شہرٕ نیٚبر تہٕ کھولُکھ بالہٕ تھونٛگِس پؠٹھ یُتھ زن تمِس تمہِ تھونٛگہِ پؠٹھٕ تِم دٲرِتھ دِتھ مارٕہَن۔30مگر یسوعؔ درٛاو سیٚود پٲٹھؠ تمہِ جمگٹھٕ منٛزٕ تہٕ ژوٚل۔31تتہِ پؠٹھ وُتھ یسوعؔ گلیل علاقہٕ کس أکِس شہرس کفرنحومس کنُ۔ پرٛتھ سبتکہِ دوٚہہ اوس سُہ یہُودؠ عبادت خانس منٛز لوٗکن تعلیم دِوان۔32لوٗکھ گییہِ تٔمؠ سنٛز تعلیم بوزِتھ حٲران، تکیازِ سُہ اوس أکِس صاحبہِ اختیار سنٛدؠ پٲٹھؠ کِتھہٕ کران۔33وُنؠ اوس تتھ یہُودؠ عبادت خانس منٛز اکھ نفر یمِس بد روح پرؠکس اوس۔ تٔمؠ دِژ زورٕ کرٛیکھ۔34"اے! یسوعؔ ناصری! ژےٚ کیاہ چھی اسہِ سٟتؠ؟ ژٕ چُھکھا اسہِ مارنہِ آمُت؟ مےٚ چھےٚ پتاہ ژٕ کُس چُھکھ! ژٕ چُھکھ اکھ مقدس یُس خدایہِ سٕنٛدِ پٮ۪ٹھٕ آمُت چُھ!"35مگر یسوعؔن وُن تمِس بدروحس سَختی سان، "ژھۅپہٕ کرِ تہٕ أمِس منٛز نیر نیٚبر!" تٔمؠ بدروحن دیُت تمِس نفرس لوٗکن منز زمینہِ پؠٹھ دب۔ مگر تمِس منٛزٕ درٛاو کانٛہہ زَرؠر واتناونہٕ ورٲے نیٚبر۔36یہُودؠ عبادت خانس منٛز سَپدؠ سٲری لوٗکھ حٲران۔ واریہو وُن اکھ أکِس، "اسہِ چُھنہٕ یتھٕ پٲٹھؠ زانٛہہ وُچھمُت! یہنٛزن کتھن منٛز چُھ تیوٗت زور زِ یہِ چُھ بد روحن تہِ حکم کران تہٕ تِم تہِ چھِ نیٚبر نیران۔"37انٛدؠ پٔکؠ سٲرسےٕ علاقس منٛز روٗدؠ لوٗکھ یسوعؔ ہس متعلق کِتھہٕ کران، تتھ متعلق یہِ تٔمؠ کوٚرمُت اوس۔38یسوعؔ ووٚتھ پتہٕ یہُودؠ عبادت خانہٕ منٛز تہٕ گوٚو شمعونؔ سٕنٛدِس گرس منٛز۔ تتہِ ٲس تٔمؠ سنٛز ہَش۔ سۅ ٲس بیمار سیٹھاہ تپھ اوسُس۔ لوٗکو کوٚر یسوعسؔ زارٕ پارٕ سۅ بٔلراونہٕ خٲطرٕ۔39لہٰذا گو یسوعؔ تہٕ رود تمِس نکھٕ اِستادٕ۔ تٔمؠ کوٚر تپس حکم سۅ یلہِ ترٛاونُک، تی سَپد تہِ! امہِ پتہٕ جلدےٕ ؤژھ سۅ تھوٚد تہٕ انُن تہنٛدِ خٲطرٕ غذا بنٲوِتھ۔40یہُودؠ سبت دوٚہُک آفتاب لوسَن وزِ أنؠ واریہو لوٗکو پنٕنؠ انٛگ ٲشناو تہٕ دوس یمَن رنٛگہٕ رنٛگہٕ بیمارِ آسہ یسوعؔ ہَس نِشہ، سُہ اوس پرٛتھ أکِس پنُن اتھٕ ڈالان تہٕ بٔلراوان۔41یتھُے یسوعؔ پنُن اتھٕ بیمارن ڈالاناوس واریہو بیمارو منٛزٕ ٲسؠ بد روح نیٚبر نیران۔ تہٕ بد روح نیٚبر نیرتھےٕ ٲسؠ تم یسوعؔ ہَس کُن وُچِھتھ کرٮ۪کہٕ دِوان۔ "ژٕ چُھکھ خدایہِ سُنٛد گۅبُر!" مگر تٔمؠ کوٚر تِمن بد روحن حکم لوٗکن گژھِ نہٕ ونُن تمِس متعلق، تکیازِ تِمن لگہ نہٕ پتاہ زِ سُہ اوس مسیحؔ۔42صبحس سُلے گو یسوعؔ أکِس وجارٕ جایہِ۔ لُکہٕ جمٲژ درایہ تمِس ژھانڈانہِ۔ ییٚلہِ تِم تمِس نِشہ واژٕ، تِمو کٔر کوشِش سُہ رکاونچ زِ ژمہٕ گژھِ اسہِ نِشہ دوٗر۔43مگر یسوعؔن وُن تِمن، "مےٚ چُھ ضرور باقیو شہرن منٛز واتُن تہٕ لوٗکن خدایہِ سٕنٛدِ عظمتٕچ شیٚچھ باوُنؠ، تکیازِ بہٕ چُھس خداین یی کرنہِ یور سوزمُت۔"44لہٰذا رود سُہ یہُودیہ صوبہٕ کیٚن سارنےٕ یہُودؠ عبادت خانن منٛز تبلیغ کران۔
Bridge Connectivity Solutions Pvt. Ltd.