لوق3
1یہِ دوٚیُم تٲریخی واقہٕ چُھ سپُدمُت تمہِ وزِ ییٚلہِ قیصر تبریُسؔ رومی سلطنتس پؠٹھ تقریبن پندہَن ورؠ ین حکومت کران چُھ اوسمُت۔ تمہِ وقتہٕ اوس، پنطیس پیلاطسؔ یہُودیہ صوبُک گورنر، ہیرودیس انٹیپس اوس گلیل علاقس حٲکم، تمہِ سُنٛد برادر فلپسؔ اوس اتوریہؔ تہٕ ترخونیِتس پؠٹھ حکومت کران تہٕ لسانیاسؔ اوس ابلینے علاقک حکمران۔2اننیاسنؔ تہٕ کایفاؔ ٲسؠ یروشلمہٕؔ کس عبادت خانس منٛز امیر کاہن۔ تتھ وقتس دوران گوٚو خدایہِ سُنٛد کلام ذکریاہؔ سٕنٛدِس نیٚچوِس یوحناؔ ہس پؠٹھ ییٚلہِ سُہ زندٕ اوس دوٗر أکِس وُجارٕ علاقس منٛز نٲزل۔3یوحناؔ ہَن کوٚر دریایہِ یردنس انٛدؠ پٔکؠ سارنےٕ علاقن ہُنٛد سفر۔ سُہ رود تِمن لوٗکن ونان یِم تس نِشہ بوزنہٕ خٲطرٕ وٲتؠ، "اگر توٚہؠ یژھان چُھو خدا گژھِ تُہنٛدؠ گناہ معاف کرُن، توٚہہِ پز نہٕ تیٚلہِ زندگی غلط طریقہٕ گُزارنؠ۔ پتہٕ دِمہٕ ہوو بہٕ توٚہہِ بپتسمہ۔4ییٚلہِ یوحناؔ ہن امہِ انٛدازٕ تبلیغ کوٚر، تِم کتھٕ درٛایہِ پزٕ یمہٕ یسعیاہؔ نبی ین قول نامس منٛز واریاہ برونٹھ لیچھٕ۔ "کُس تام آسہ وُجٲرن منٛز لوٗکن ناد دِوان۔ پنُن پان کرِیو خداوندٕ سنٛدِ استقبالہٕ خٲطرٕ تیار! پنُن پان کرِیو تیار ییٚلہِ سُہ ییہِ!"5ییٚلہِ اکھ خاص شخص اکہ خاص وتہِ ینہٕ وول چُھ، لوٗکھ کرِن سٲرےٕ وادی تہٕ تمام ڈھلوان جایہِ ہموار۔ تِم کرن تمہٕ وتہٕ سیٚود یمہٕ ہجہِ آسن، تہٕ تِم کرَن سٲری ٹٔھرؠ دور۔ تمہِ انٛدازٕ یُتھ خدایس یقین سپدِ زِ لوٗکھ گےَ مسیحؔ سٕنٛدِ خٲطرٕ تیار6پتہٕ وُچھِ پرٛیتھ کانٛہہ بشر خدایہِ سنٛز نجاتچ وتھ۔"7لوٗکھ ٲسؠ بجن ٹوگجَن منٛز تسَ نِشہ بپتسمہ نِتھ نیران تتھ وٲرانس کُن نیران یتہِ یوحناؔ اوس۔ لہٰذا وُن تٔمؠ تِمن، "توٚہؠ لوٗکھ چُھو گبہِ بُتھِ رامہٕ ہوٗنؠ تہٕ زہریلہٕ سرفن ہنٛدؠ پٲٹھؠ خطرناک! توٚہؠ چُھو سونٛچان زِ اگر بہٕ توٚہہِ بپتسمہ دِمہٕ ہو، خدا بچاوِ توٚہہِ ییٚلہِ سُہ گناہ گارن سزا دِییہ، پوٚز مےٚ وُن نہٕ تہِ!8توٚہہِ چھےٚ تِمہ کامہِ کرنٕچ ضرورت یِمہٕ ہاون زِ توٚہؠ کٔریو پتھ کُن گناہ گار طریقن پؠٹھ پکن والیٚن ہنٛز زندگی رَد! تہٕ پننِس پانس مٕہ دِیو یہِ ونِتھ تسلا زِ یقیٖنن دِیہ نہٕ اسہِ خدا سزا، تکیازِ أسؠ چھِ ابرہامؔ سنٛدیو وٲرثو منٛزٕ! خدایس چُھنہٕ تمیُک کانٛہہ پرواہ۔ بہٕ چُھس توٚہہِ یقین دِوان زِ خدا ہیٚکہ یِمن کنیٚن تہِ ابرہامؔ سنٛدین زُریٚن منٛز تبدیٖل کٔرِتھ!9توٚہہِ چُھو تِمن میٚوٕ کُلیٚن ہُنٛدؠ پٲٹھؠ یِمن نہٕ رُت میٚوٕ نیران چُھ۔ خدا چُھ أکِس انسانہ سنٛدؠ پٲٹھؠ تِمن کُلیٚن گۅڈس مَکٕژ وایان، ٹُکراوِتھ چُھ تِمن زالان۔ اگر توٚہؠ گناہ کرٕنؠ جٲری تھایو خدا چُھ توٚہہِ تِتھے پٲٹھؠ سزا دِنس تیار۔"10پتہٕ پرُوژھ تس ہُجومہٕ منٛزٕ کینٛژو لوٗکو، "خدا کمہِ قسمچہِ کامہِ چُھ یژھان اسہِ نِشہ؟"11تٔمؠ دِیُت تِمن جواب، "اگر توٚہہِ منٛز کانٛسہِ زٕ کُرتٕنہِ آسن، توٚہہِ پزِ اکھ تمِس أکِس دِنؠ یمِس نہٕ اکھ کُرتٕنؠ تہِ آسہ۔ اگر توٚہہِ منٛز کانٛسہِ نِش غذآ موجود آسہ، توٚہہِ پزِ تمِس غذا واتناوُن یَس نہٕ غذا آسہ۔"12گُذر ہیٚنہٕ وٲلؠ کینٛہہ نفر تہِ آے یوحناؔ ہس نِشہ بپتسمہ ننہِ باپتھ۔ تِمو پرُوژھ تس، "ووستاد، خدا کیاہ چُھ یژھان اسہِ نِش؟"13تٔمؠ وُن تِمن، "رومی حکومتن یہِ توٚہہِ لوٗکن نِشہ جمع کرُن ووٚنمُت چُھ تمہِ کھۅتہٕ زیادٕ مٕہ ہِیو!"14تتہِ ٲسؠ کینٛہہ نفر یِم سِپاہ ٲسؠ۔ تِمو تہِ پرُوژھ تسَ، "تہٕ اسہِ متعلق کیاہ چُھ؟ خدا کیاہ چُھ ونان اسہِ کرُن؟" تٔمؠ ووٚن تِمن، "کٲنسہِ پؠٹھ مہَ کٔریو ظلم تہٕ نہَ ہیو ناحقہ کٲنٛسہِ رۅپیہ۔ پننِس تنخاہس پؠٹھ کٔریو گُذارٕ۔"15لوٗکھ ٲسؠ واریاہ وقتہٕ پؠٹھٕ مسیحؔ سٕنٛدِ ینُک انتظار کران۔ مگر وُنؠ ٲسؠ تِمن یوحناؔ سنٛز امید۔ تِمو سونچ زِ شاید چُھ یہےَ مسیحؔ۔16مگر یوحناؔہن وُن تِمن، "بہٕ چُھس نہٕ مسیحؔ۔ مسیحؔ چُھ ینہٕ وول، تہٕ سُہ چُھ میانہِ کھۅتہٕ سیٹھاہ بوٚڈ۔ سُہ چُھ تیٚوتاہ طاقتور زِ بہٕ شوٗبہٕ نہٕ تس غلام تہِ یُس تس سنٛزِ کھۅربانہٕ مُژراوِ! بہٕ چُھس توٚہہِ آبہٕ سٟتؠ بپتسمہ دِوان۔ پوٚز ییٚلہِ مسیحؔ ییہِ، سُہ دییہِ توٚہہِ پاک روح سٟتؠ بپتسمہ، یُس توٚہہِ انصاف دییہِ تہٕ پاک کرِ۔17سُہ چُھ یہِ کرنہٕ باپتھ تیار، یتھٕ پٲٹھؠ اکھ کۅمیٛل پنُن شُپ تہٕ واوٕ پٔٹ استعمال کرنہٕ باپتھ تیار آسان چُھ۔ سُہ چُھ فصلہٕ کیٚو رٕتیٚو دانو منٛز کِسٕر الگ کران تہٕ پتہٕ کُچھِ منٛز تراوان۔ مگر کِسٕر چُھ زالان۔ یتھےَ پٲٹھؠ کرِ مسیحؔ خدایس خوش کرَن والیٚن لوٗکن جمع، تہٕ تِمن لوٗکن دییہِ سزا یِم خدایس ناخوش کران آسن۔18یوحناؔ ہن دِیُت یتھےَ پٲٹھؠ واریہو طریقو لوٗکن پؠٹھ زور۔ گُنہَو نِشہ باز یُن تہٕ پنن پان خدایس پُشراوُن۔ خدایہِ سنٛز رٕژ شیٚچھ تِمن ونان۔19یوحناؔ ہَن کٔر بادشاہ ہیرودیسس تہِ واریہن تِمن بُرٕ کامیٚن پؠٹھ ملامت یمہٕ تٔمؠ کرِمَژٕ آسہ۔ پوٚز یوحناؔ ہَن کٔر ہیرودیسس تیلہِ تہِ ملامت ییٚلہِ تٔمؠ پننِس بٲے سنٛز آشنہِ ہیرودیسؔ سٟتؠ خاندر کوٚر ییٚلہِ زن ونہِ تمسُنٛد بوے پانہٕ زنٛدے اوس،20ہیرودیسنؔ کرِ بیٚیہِ تہِ خراب کامہِ۔ تٔمؠ اوس یوحناؔ پنیٚن سِپہَن ہنٛدؠ دٔسؠ جیل بوٚرمُت۔21مگر ہیرودیسؔ نہِ تہِ کرنہٕ برونٛہہ اوس یوحناؔ وُنہِ تہِ واریہن لوٗکن بپتسمہ دِوان، یوحناؔ ہَن دِیُت یسوعؔ ہس تہِ بپتسمہ۔ تمہِ پتہٕ، ییٚلہِ یسوعؔ دُعا اوس کران، آسمان آو مُژرنہٕ۔22پتہٕ ووٚتھ پاک روح، کوترٕ سنٛزِ شکلہِ منٛز بوٚن تہٕ بیوٗٹھ یسوعؔ ہَس پؠٹھ۔ پتہٕ وُن خداین آسمانہٕ منٛزٕ یسوعؔ ہس۔ تٔمؠ ووٚن، "ژےٚ چُھکھ میٚون گۅبُر، یُس مےٚ سیٹھاہ ٹوٹھ چُھ۔ بہٕ چُھسے ژےٚ بالکل خوش!"23تمی وزِ لاج یسوعؔن خدایہِ سنٛز کٲم شروع کرٕنؠ۔ تٔمؠ سنٛز وانٛس ٲسؠ تقریبن ترٛہہ ؤری۔ یسوعؔ سُنٛد خانٛدان چُھ یہِ: لوٗکھ ٲسؠ یسوعؔ ہس یوسفؔن نیٚچو مانان۔ یوسفؔ اوس عیلیؔ سُنٛد نیٚچو۔24عیلیؔ اوس متاتؔ سُنٛد نیٚچو۔ متاتؔ ابنِ لاوی۔ لاوی ابنِ ملکیؔ۔ ملکی ابنِ یناؔ۔ ینا ابنِ یوسفؔ۔25یوسف ابنِ متتیاہؔ۔ متتیاہ ابنِ عاموس۔ عاموس ابنِ ناحومؔ۔ ناحومؔ ابنِ اسلیاہؔ۔ اسلیاہ ابنِ نوگہؔ26نوگہ ابنِ ماعتؔ۔ ماعت ابنِ متتیاہؔ ابنِ شمعیؔ۔ شعمی ابنِ یوسیخؔ۔ یوسیخ ابنِ یوداہؔ۔27 یوداہؔ ابنِ یوحناؔ۔ یوحنا ابنِ ریساؔ۔ ریسا ابنِ زربابلؔ۔ زربابلؔ ابنِ سیالتیؔ۔ سیالتی ایلؔ ابنِ نیریؔ۔28نیری ابنِ ملکیؔ۔ ملکی ابنِ ادیؔ۔ ادیؔ ابنِ قوسامؔ۔ قوسامؔ ابنِ المودامؔ۔ المودامؔ ابنِ عیرؔ۔29عیر ابنِ یسوعؔ۔ یسوعؔ ابنِ الِیعزرؔ۔ العزر ابنِ یوریمؔ۔ یوریم ابنِ متاتؔ۔ متات ابنِ لاوی۔30لاوی ابنِ شمعونؔ ابنِ یہُودؔ ابنِ یوسفؔ ابنِ یونانؔ ابنِ الیاقیمؔ۔31 الیاقیمؔ ابنِ ملیاؔ ابنِ مناؔ ابنِ متتاؔ۔ متتاؔ ابنِ ناتنؔ ابنِ داوود۔32 داوود ابنِ یسیؔ ابنِ عوبیدؔ ابنِ بوعزؔ ابنِ سلمونؔ ابنِ نحسونؔ۔33نحسونؔ ابنِ عِمیندآبؔ ابنِ ارنیؔ ابنِ حصرونؔ ابنِ فارصؔ ابنِ یہُوداؔ۔34 یہودہؔ ابنِ یعقوبؔ ابنِ اضحاقؔ ابنِ ابرہامؔ ابنِ تارحؔ ابنِ نحورؔ۔35نامورؔ ابنِ سروجؔ ابنِ رعوؔ ابنِ فالجؔ ابنِ عابرؔ ابنِ شالحؔ۔36شالحؔ ابنِ قینانؔ ابنِ ارفکسدؔ ابنِ سمؔ ابنِ نوحؔ ابنِ لمکؔ۔37لمکؔ ابنِ متوشالحؔ ابنِ حنوکؔ ابنِ یاردؔ ابنِ مہللؔ ابنِ قینانؔ۔38 قینانؔ ابنِ انوشؔ ابنِ شیتؔ ابنِ آدمؔ یُس خدایہِ سنٛدِ طرفہٕ آو۔
Bridge Connectivity Solutions Pvt. Ltd.