لوق5
1اکہ دوٚہہ ییٚلہِ لوٗکن ہُنٛد بوٚڈ ہجوم یسوعؔ ہس انٛدؠ انٛدؠ تمِس نِشہ خدایہِ سُنٛد کلام بوزان ٲسؠ، سُہ اوس استادٕ گنیسرتؔ سرس نزدیک۔ 2تٔمؠ وُچھ سَرٕ کِس انٛدس پؠٹھ گاڑٕ رٹنچہِ زٕ ناوٕ۔ تِم ناوٕ آسہ گاڈٕ ہٲنزو تراوِمژٕ تہٕ پانہٕ ٲسؠ پنٕنؠ زال چھلان۔3یسوعؔ ووٚتھ تِمو دوٚیو ناوو منٛزٕ أکِس ناوِ منٛز یۅسہ شمعوننٕؠ ٲس۔ یسوعؔن وُن تمِس ناو پکناو بٹھِ نِشہ ہناہ دوٗر۔ پتہٕ بیٚوٹھ یسوعؔ ناوِ منٛز تہٕ روٗد لُکہٕ ہجومَس تٔتی پؠٹھہٕ تعلیم دِوان۔4تعلیم سپدٲوِتھ، ووٚن تٔمؠ شمعونسؔ، "سَنرس کُن نہِ ناو تہٕ پنُن زال ترٛاو گاڈٕ رٹنہٕ باپتھ آبس۔"5شمعوننؔ دیُت جواب، "وۅستادٕ، اسہِ کٔر سٲرسےٕ راتس سخ محنتھ مگر تمہِ پتہٕ تہِ رٔٹ نہٕ کانٛہہ گاڈ۔ وۅنؠ تراوٕ بہٕ تُہنٛدِس وننَس پؠٹھ دُبارٕ زال۔"6لہٰذا ترٲوؠ شمعوننؔ تہٕ تسنٛدیو اہلہِ کارو دُبارٕ پنٕنؠ زال تہٕ تِمو روٚٹ گاڈن ہُنٛد اکھ بوٚڈ ڈیر زنتہٕ تہنٛدؠ زال پھَٹنہِ لٔگؠ۔7تِمو کوٚر پننٮ۪ن گاڈٕ ہانٛز سٲتھین اشارٕ تِمن مدد کرنُک۔ تِم تہِ آے تہٕ دۅشونی ناون منٛز بریکھ تیژٕ گاڈٕ زِ ناوٕ لجہِ ڈُبنہِ۔8یہِ وُچِھتھ کوٚر شمعون پطرسؔن یسوعؔ ہس سٕجدٕ تہٕ وُنکھ، "مہربٲنی کٔرِتھ ترٛاو مےٚ یلہٕ، تکیازِ بہٕ چُھس اکھ گناہ گار انسان، خداوندٕ۔"9تٔمؠ ووٚن یہِ اوٕ موٚکھٕ تکیازِ سُہ گوٚو حٲران زِ تِمو کٲتِس بٔڈِس تعدادس منٛز آسہٕ گاڈٕ رچمژٕ۔ تِم نفر تہِ گےَ حٲران یِم تمِس سٟتؠ ٲسؠ۔10زبیدیؔ سنٛدؠ شُرؠ یعقوبؔ تہٕ یوحناؔ، یم شمعونؔس شریک ٲسؠ تہِ سپد یتھےَ پٲٹھؠ حٲران۔ مگر یسوعؔن وُن تِمن، "کھۅژیٚو مٕہ! ونیُک تام رچیٚو توٚہہ گاڈٕ، تہٕ وُنؠ رٔٹہوٗوکھ لوٗکھ میأنؠ شٲگرد بننہٕ باپتھ۔"11امہِ پتہٕ انہِ تِمو نفرو بٔٹھس کُن ناوٕ، تِمو ترٛوو پنُن گاڈن ہُنٛد کاروبار تہٕ سورےٕ کینٛہہ أتی تہٕ درٛاے یسوعؔ ہس سٟتؠ۔12یسوعؔ گو نزدیکےٕ أکِس شہرس منٛز۔ تتہِ اوس اکھ نفرا یمِس ژَمہ ہنٛز بٮ۪مارِ سٲرسےٕ جسمَس ٲس۔ ییٚلہِ تٔمؠ یسوعؔ وُچھ، تٔمؠ ترٛوو زمینہِ پؠٹھ تمِس برونٹھہٕ کنہِ سٔجدٕ۔ تٔمؠ کوٚر تس زارٕ پارٕ، "خداوندٕ، مہربٲنی کٔرِتھ بلراو مےٚ! مےٚ چھےٚ پتاہ ژٕ ہیٚککھ مےٚ بٔلراوتھ ہرگاہ ژٕ یژَھکھ!"13پتہٕ کوٚڈ یسوعؔن پنُن اتھٕ تہٕ لوگُن تمِس نفرس۔ تٔمؠ وُن، "بہٕ چُھس یژھان ژٕ گژھُن تہٕ وُنؠ بٔلراوتھ بہٕ ژٕ!" سُہ نفر گوٚو یکدم ٹھیک۔ تمِس رود نہٕ وُنؠ میونٛد!14پتہٕ ووٚن یسوعؔ ہَن تمِس، "یہِ ؤنؠ زیٚنہٕ کٲنٛسہِ زِ مےٚ کوٚرکھ ژٕ ٹھیک۔ گوٚڈٕ گژھِ تہِ پنُن پان ہاو أکِس کاہنس زِ سُہ ہیٚکہِ تُہنٛد معاینہٕ کٔرِتھ تہٕ ہیٚکہِ زٲنِتھ زِ توٚہہِ چُھنہٕ وۅنؠ میونٛد۔ سُہ نیاز کرِ پیش یُس رسمی طور ٹھیک سپدن پتہٕ کرُن چُھ آسان، یمیُک موسیٰؔ ہن حکم کوٚڑمُت چُھ۔"15پوٚز تمہِ بجایہ بوز واریہو لوٗکو یسوعؔ ہس متعلق زِ تٔمؠ کِتھہٕ پٲٹھؠ کوٚر سُہ نفر ٹھیک۔ امہ سٟتؠ آیہِ لوٗکن ہنٛدؠ بٔڈؠ بٔڈؠ ہجوم یسوعؔ سنٛز تعلیم بوٗزنہِ تہٕ تہنٛزن بیمارؠن سپُد شفا۔16پوٚز سُہ اوس اکثر لوٗکن نِش دوٗر ہیٚوان تہٕ وجارٕ علاقن کنُ ژلان پتہ تتہِ دُعایہ خٲر کران۔17اکہ دوٚہہ ییٚلہِ یسوعؔ تعلیم دِوان اوس، کینٛہہ فریسی نفر تہٕ یہُودؠ شریعتکؠ مأہر وۅستاد ٲسؠ نکھٕ بہتھ۔ تِمو منٛزٕ ٲسؠ کینٛہہ گلیل علاقہٕ کیٚن گامن ہنٛدؠ تہٕ کینٛہہ یروشلمٕکؠؔ تہٕ کینٛہہ یہُودیہ صوبہٕ کیٚو باقیو شہرو پٮ۪ٹھٕ آمٕتؠ۔ تمی ساعتہٕ اوس خداوند یسوعؔ ہس لوٗکن شفا بخشنُک طاقت عطا کران۔18یمہِ ساعتہٕ یسوعؔ تتہِ اوس، کینٛہہ نفر آے اکھ فالجہِ لد نفر ہیٚتھ۔ تِم ٲسؠ تمِس نفرس ڈانٛجہِ پؠٹھ پکناوان تہٕ تِم ٲسؠ تمِس تتھ مکانس منٛز نِنٕچ کوشِش کران یُتھ زن یسوعؔ ہس برونٛہہ کنہِ تھاو ہنَس۔19مگر تتھ مکانس منٛز اوس لوٗکن ہُنٛد اکھ بوٗڈ ہجوم، تِمو ہیٚوک نہٕ انٛدر ژٲنتھ۔ لہٰذا کٔھتؠ تِم نیٚبرؠ کِنؠ مکانہٕ کِس پشش پؠٹھ۔ تِمو کوٚر پشہٕ کِنؠ وۅگہٕ تہٕ پتہٕ وولُکھ سُہ نفر ڈٲنج ہیٚتھ تمی وۅگہٕ کِنؠ بوٚن۔ لوٗکن ہنٛدِ ہجومہٕ منٛزؠ تھوٚوکھ یسوعؔ ہس برونٛہہ کنہِ۔20یسوعؔ ہَس ییٚلہِ پژھ بیٹھ زِ سُہ ہیٚکہِ تمِس ٹھیک کٔرِتھ، تٔمؠ وُن تمِس، "دوستا، بہٕ چُھس چٲنؠ گناہ معاف کران!"21شریعتمکؠ ووستاد تہٕ فریسی لٔگؠ پانس سٟتؠ سونٛچنہِ، "یہِ شخص چُھ تہِ وننہٕ سٟتؠ خدایس وِقار والان! خدایس ورٲے کُس ہیٚکہِ گناہ معاف کٔرِتھ!"22یسوعؔ ہس توٚر فِکرِ یہِ تِم سونچان ٲسؠ۔ توے ووٚن تٔمؠ تِمن، "توٚہہِ شوبن نہٕ پننٮ۪ن دلن انٛدر تتھ پؠٹھ سوال کرٕنؠ یہِ مےٚ ووٚن!23یتیٚن چُھ تہِ کینٛژھا یتھ متعلق بہٕ یژھان چُھس زِ توٚہؠ سونٛچو غورٕ سان۔ تہِ چھا سہل ونُن، "بہٕ چُھس چٲنؠ گناہ معاف کران یا ووٚتھ تھوٚد تہٕ پکھ؟ توٚہؠ ما سونٛچو زِ یہِ ونُن چُھ سہل مےٚ کٔرؠ چٲنؠ گناہ معاف تکیازِ اتھ چھیٚنہٕ کُنہِ ٹھوس ثبوتٕچ ضروٗرتھ۔24پوٚز بہٕ چُھس یژھان توٚہؠ زانیٚو زِ خداین چُھ مےٚ، آدمؔ سٕنٛدِس اولادس، زمینہِ پؠٹھ لوٗکن ہنٛدؠ گناہ معاف کرنُک اختیار دِیتمُت۔ تہٕ ہاونہٕ خٲطرٕ ونہٕ بہٕ یمِس شخصس ووٚتھ تھوٚد۔ "پتہٕ ووٚن تٔمؠ تمِس فالجہِ لد نفرس، "بہٕ چُھسے ژےٚ ونان، ووٚتھ تھوٚد، تُل پنٕنؠ ڈٲنج تہٕ گژھِ گرٕ!"25فورن گوٚو تمِس نفرس شفا سُہ ووٚتھ تِمن سارنےٕ برونٹھہٕ کنہِ تھوٚد، سۅ ڈٲنج تجِن یتھ پؠٹھ سُہ پیمُت اوس تہٕ دراو خدایہِ سنٛدؠ تعریف کران گرٕ کُن۔26تمام لوٗکھ گےَ تتہِ حٲران! تِمو کٔرؠ خدایہِ سنٛدؠ تعریف، یہِ تِمو یسوعؔ کران وُچھ تتھ پٮ۪ٹھ سپدکھ مکمل تعجب۔ تِم رودؠ ونان، "اسہِ وُچھ از حٲران کرَن وٲلؠ چیٖز!"27پتہٕ درٛاو یسوعؔ تمہِ جایہِ پؠٹھہٕ تہٕ تٔمؠ وُچھ لاوی ناوک اکھ نفر یُس رومی سرکارٕ خٲطرٕ مٲلیہ جمع کران اوس۔ سُہ اوس أکِس چوکہ منٛز بہتھ یتہِ لوٗکھ تمِس سرکارک وٲجب محصول ادا کران ٲسؠ۔ یسوعؔن ووٚن تمِس، "مےٚ سٟتؠ یہِ تہٕ بن میٚون شٲگرد!"28أمؠ لاوی ین ترٲو پنٕنؠ کٲم تہٕ دراو یسوعؔ ہس سٟتؠ۔29پتہٕ کوٚر لاوی ین یسوعؔ ہَس تہٕ تمِسنٛدین شٲگردن ہنٛدِ خٲطرٕ پننہِ گرِ اکہ بڈِ سالک انتظام۔ تتہِ ٲسؠ مٲلیہ جمع کرن والیٚن ہنٛز اکھ بٔڈ جماتھ تِمن سٟتؠ سال کھیٚوان۔30پتہٕ کٔر کینٛژو فریسی فرقس سٟتؠ وابستہٕ نفرو تہٕ کؠنٛژو یہُودؠ شریعت ہچھناون والیٚو کینٛژو نفرو یسوعؔ سنٛدین شٲگردن شِکایَت زِ "توٚہہ پزِ ہے نہٕ مٲلیہ جمع کرن والیٚن تہٕ باقین گناہ گارن سٟتؠ کھیوٚن چیٚون۔"31پتہٕ ووٚن یسوعؔن تِمن، "یِم لوٗکھ ٹھیک آسن تِمن چُھنہٕ أکِس ڈاکٹر سنٛز ضروٗرت پیٚوان۔ بیمار لوٗکن چھےٚ أکِس ڈاکٹر سنٛز ضروٗرت آسان۔32بیٚیہِ یتہِ زِ بہٕ چُھس نہٕ آسمانہٕ پؠٹھٕ تِمنےٕ یوت دعوت دِنہٕ خٲطرٕ آمُت یِم پانس نیک سمجھان آسن تہٕ تِمے یِن مےٚ نِش۔ بلکہ چُھس بہٕ تِمن تہِ دعوت دِنہٕ خٲطرٕ آمُت یِم پنہٕ نِس پانس گناہ گار مانان چھِ تہٕ پنُن گناہ گار ؤتیرٕ بدلاوتھ مےٚ نِش یوان چھِ۔"33تِمو یہُودؠ سردارو دِیُت یسوعؔ ہس جواب، "یوحناؔ بپتسمہ دنہٕ وٲلؠ سنٛدؠ شٲگرد چھِ اکثر روزدار روزان تہٕ دُعا کران۔ فریسین ہنٛدؠ شٲگرد تہِ چھِ تی کران۔ مگر تُہنٛدؠ شٲگرد چھِ روزان کھیٚوان تہٕ چیٚوان! تِم کیازِ چُھنہٕ باقین ہنٛدؠ پٲٹھؠ روزٕ تھاوان؟"34یسوعؔن دیُت جواب، "کانٛہہ چُھنہٕ مہرازس سٟتؠ آمتیٚن سالرَن ونان روزدار روزن ییٚلہِ زن خانٛدرچ تقریب آسہ چلان!35پوٚز کنہِ دوٚہہٕ آسہ نہٕ مہبادشاہ پننٮ۪ن یارن سٟتؠ، تمہِ وقتہٕ روزن تِم روزدار۔"36پتہٕ دِژِ یسوعؔن باقی مثالہٕ یمو سٟتؠ تٔمؠ پننہِ کتھِ ہنٛز وضاحت کٔر۔ تٔمؠ ووٚن، "لوٗکھ چھِنہٕ زانٛہہ پرٲنِس پلوس نَوِ پلوٕچ دٔج لاگان یُتھ زن سُہ ٹھیک سپدِ۔ اگر تِمو تہِ کوٚر، تِم کرن نووِس پلوس ژَٹنہٕ سٟتؠ تباہ، تہٕ نووِ پلوچ دٔجؠ چھنہٕ پرٲنِس پلوس سٟتؠ شوٗبان۔37تہٕ کانٛہہ اکھ چُھنہٕ تازے چیرمُت شرابہٕ پرانیٚن مشکن منٛز ذخیرٕ کرنہٕ خٲطرٕ بران۔ ہرگاہ کانٛسہِ اکؠ تہِ کوٚر، تِم مشکہٕ پھٹن تکیازِ تمہِ پھٲلن نہٕ ییٚلہِ نوو خمیرِ دار شرابہٕ پھٲلہِ۔ سۅ مَشٕک تہِ سپدِ بےٚکار، تہٕ سُہ شراب تہِ۔ سُہ شراب ژلہِ نیرتھ۔38اتھ برعکٕس پزِ نوو شراب نِین مشکن برُن۔39یِمو پرُون شراب چیٚمُت آسہ تِم چھِنہٕ نٔوو چیٚنچ کوشِش کرٕنؠ یژھان، تکیازِ تِم چھِ سونچان، "پُرونےٕ شراب چُھ زیادٕ جان!"
Bridge Connectivity Solutions Pvt. Ltd.