پیدٲیش36
1یہ چُھ تِمن لوٗکن ہُنٛد نسب نامہٕ یم عیسوؔ سنٛدِ پُشتٕکؠ چھِ، یہُنٛد بیاکھ ناو عدومؔ اوس۔ تہٕ تِمن نیسبت کیاہ سپُد۔2عیسوؔ ہن کوٚر کنعانچَن تریٚن زنیٚن سٟتؠ خاندر: اکھ ٲس حِتی ایلونؔ سنٛز کور عدہؔ۔ عناہہِؔ ہنٛز کور تہٕ حوی صبعونؔ سنٛز زُر اُہلیبامہؔ،3تہٕ اسماعیلؔ سنٛز کور تہٕ نبایوتؔ سنٛز بیٚنہِ بشامہؔ4عیسوؔ سنٛزِ آشنہِ عدہؔ ہَس زاو الیفزؔ۔ بشامہؔ ہِس زاو رعوایلؔ۔5اُہلیبامہؔ ہَس زاے یعوسؔ، یعلامؔ تہٕ قورحؔ۔ یم سٲری اولاد زاے عیسوؔ ہَس تمہِ وزِ ییٚلہِ سُہ کنعان ملکس منٛز روزان اوس۔6یعقوبسؔ تہٕ عیسوؔ ہس نشہٕ اوس واریاہ مال۔ امہِ کِنؠ ٲس تِمن چاروایو خٲطرٕ مزید جایہ ہنٛز ضرورت۔ یتہِ تِم روزان ٲسؠ تتہِ اوس نہٕ تِمن چاروایو خٲطرٕ تیوٗت جاگات۔ امہِ کِنؠ تُلؠ عیسوؔ ہن یمِس بیاکھ ناو عدومؔ اوس پانس سٟتؠ پننہِ گرٕواجنہِ، شُرؠ تہٕ باقی گرٕباژ، پنٕنؠ تیر، ژھاولؠ تہٕ باقی چو چاروٲے تہٕ تِم سٲری چیز یِم تمؠ کنعان ملکہٕ منٛز حٲصل کٔرمٕتؠ ٲسؠ تہٕ دراو تِتھس علاقس کُن یُس یعقوبسؔ نِش واریاہ دوٗر اوس۔8تِم گے شعیرؔ کِس بالٲئی علاقس کُن روزنہِ۔9یمہٕ چھِ عیسوؔ سنٛدِ پُشتٕکؠ لوٗکھ یِم عدومؔ قبیلٕکؠ جد و اجداد ٲسؠ یِم شعیر کیٚن بالٲئی علاقن منٛز روزنہِ گے۔10عیسوؔ سنٛزِ آشنہِ عدہؔ ہَس زاو الیفزؔ تہٕ بشامہؔ ہَس زاو رعوایلؔ۔11الیفزؔ سُنٛد نیٚچو اوس تیمانؔ، اومرؔ، صفوؔ، جعتامؔ تہٕ قنزؔ۔12عییسوؔ سنٛدِس نیٚچوِس الیفزسؔ تہِ ٲس اکھ لونڈی۔ تمِس اوس تمنعؔ ناو۔ تمِس نِش زاو تس عمالیقؔ۔ یتھ کنؠ ٲسؠ عیسوؔ سنٛزِ آشنہِ عدہؔ ہس یِم شےٚ زُرؠ۔13رعوایلؔ سنٛدؠ نیٚچی ٲسؠ یِم: نحتؔ، زارح، سمہؔ تہٕ مِزہؔ۔ یم ٲسؠ عیسوؔ سنٛزِ آشنہِ بشامہؔ ہنٛدؠ زُرؠ۔14عیسوؔ سنٛزِ آشنہِ اُہلیبامہؔ یۅسہ عناہہِؔ ہنٛز کور تہٕ صبعونؔ ہنٛز زُر ٲس زاے ترےٚ لڑکہٕ۔ یعوسؔ یعلامؔ تہٕ قورحؔ۔15یم ٲسؠ عیسوؔ سنٛدیو اولادو منٛزٕ سردار۔ تمسنٛدس زیٹِھس نیٚچو الیفزؔ سنٛدیو اولادو منٛزٕ ٲسؠ سردار تیمانؔ، اومرؔ، صفوؔ، قنزؔ،16قورحؔ، جعتامؔ تہٕ عمالیقؔ ونڈٕ۔ یم ٲسؠ تِم سردار یم الیفزؔ سنٛدیو تمو اولادو منٛزٕ ٲسؠ عدومؔ روزان ٲسؠ۔ یم ٲسؠ عدہؔ ہنٛدؠ زُرؠ۔17عیسوؔ سنٛدِس نیٚچو رعوایلؔ سنٛدِس شُرؠ ٲسؠ نحتؔ، زارح، سمہؔ، تہٕ مِزہؔ قبیلن ہنٛدؠ جد و اجداد۔ سُہ اوس عیسوؔ سنٛزِ آشنہِ بشامہؔ سُنٛد اولاد۔ یِم عدومؔ ملکس منٛز روزان ٲسؠ۔18عیسوؔ سنٛزِ آشنہِ اُہلیبامہؔ سنٛدؠ اولاد یہنٛز موج عناہؔ ٲس ٲسؠ: یعوسؔ، یعلامؔ تہٕ قورحؔ قبیلٕکؠ جد و اجداد۔19یہ اوس عیسو سنٛدین اولادن تہٕ تِمن لوٗکن ہُنٛد فہرست یِم تِہنٛدؠ اولاد ٲسؠ۔20یہ فہرست چُھ شعیرؔ سنٛدین اولادن ہُنٛد، یمن حوریؔ قبیلہٕ کیٚن لوٗکن سٟتؠ تعلق اوس۔ عدومؔ علاقس منٛز گوٚڈنکیٚن بسکیٖن دار لوٗکن ہنٛز جماتھ۔ یِم ٲسؠ لوطانؔ، سوبلؔ، صبعونؔ، عناہؔ،21دِیسونؔ، ایصرؔ تہٕ دیسانؔ۔ یِم ستتھ نفر بنیاے ستَن قبیلن ہنٛدؠ جد و اجداد۔ پرٮ۪تھ کنہِ قبیلس رود سُہ ناو یُس تہنٛدِس جدَس اوس۔22حوریؔ تہٕ ہیمامؔ ٲسؠ لوطانؔ سنٛدؠ نیٚچوؠ۔ لوطانؔ سنٛزِ بیٚنہِ اوس تمنعؔ ناو۔23علوانؔ مانحتؔ، عیبال، سفو، تہٕ اونامؔ ٲسؠ سوبلؔ سنٛدؠ نیٚچوؠ۔24آیہؔ تہٕ عناہؔ ٲسؠ صبعونؔ سنٛدؠ نیٚچوؠ۔ یہ چُھ سُے عناہؔ یمِس صحراوس منٛز پننِس مٲلؠ صبعونؔ سنٛدؠ خر رچھنَس دوران تتہِ آبٕکؠ ناگ اتھِ آیاے۔25عناہؔ ہس ٲسؠ زٕ بچہٕ، اکھ لڑکہٕ دِیسونؔ تہٕ بیٚیہِ کور اُہلیبامہؔ۔26دِیسونؔ سنٛدؠ لڑکہٕ ٲسؠ حمدانؔ، اشبانؔ، یترانؔ، تہٕ کِرانؔ۔27بِلہانؔ، زعوانؔ، تہٕ عقان ٲسؠ ایصرؔ سنٛدؠ اولاد۔28عُوص تہٕ ارانؔ ٲسؠ دیسانؔ سنٛدؠ۔29یِم لوٗکھ حوریؔ سنٛدیو اولادو منٛزٕ ٲسؠ تِم ٲسؠ شعیرؔ ملکس منٛز بسان۔ تِہنٛدین ونڈن ہنٛدؠ ناو ٲسؠ یِم: لوطانؔ، سوبلؔ، صبعونؔ، عناہؔ،30دِیسونؔ، ایصرؔ تہٕ دیسانؔ۔31یِم چھِ تِمن بادشاہن ہنٛدؠ ناو یمو عدومؔ ملکَس پٮ۪ٹھ حکومت کٔر، ییٚلہ نہٕ وُنہ کٲنٛسہِ بادشاہن اسرائیلس پٮ۪ٹھ حکومت کٔرمٕژ ٲس۔32بعورؔ سُنٛد نیٚچو بالعؔ بنیاو عدومؔ ہُک گۅڈنیُک بادشاہ۔ یتھ شہرس منٛز سُہ روزان اوس تتھ اوس دِنہابہؔ ناو۔33ییٚلہِ بالعؔ گُزریٚو تہٕ زارحؔ سُنٛد نیٚچو یوبابؔ بنیاو بادشاہ۔ یہُنٛد تعلُق بصراہؔ شہرس سٟتؠ اوس۔34ییٚلہِ یوبابؔ گُزریاو تہٕ حُشیمؔ بنیاو بادشاہ۔ یُس تمہِ علاقُک روزن وول اوس یتہِ تیمانؠ لوٗکھ روزان ٲسؠ۔35ییٚلہ حُشیم گُزریو تہٕ بدِد سُنٛد نیٚچو ہددؔ بنیاو بادشاہ۔ حُشیم سنٛدؠ فوجن کوٚر موآبؔ علاقس منٛز مِدیانیَن ہنٛدِس فوجس سٟتؠ مقابلہٕ تہٕ دِتُکھ تِمن شِکس۔ یتھ شہرس منٛز حُشیمؔ روزان اوس سُہ اوس عوِیتؔ۔36ییٚلہِ ہددؔ گُزریو تہٕ مُسرقہٕ ہُک روزن وول شملہؔ بنیاو بادشاہ37ییٚلہِ شملہؔ گُزریو تہٕ ساوُل بنیاو بادشاہ۔ سُہ اوس دریاے فراتس پٮ۪ٹھ آباد رحوبوتؔ جایہ روزان۔38ییٚلہِ ساوُل گُزریو تہٕ عکبورؔ سُنٛد نیٚچو بعلحنانؔ بنیاو بادشاہ۔39ییٚلہِ عکبورؔ سُنٛد نیٚچو بعلحنانؔ گُزریاو تہٕ حدرؔ بنیاو بادشاہ۔ یتھ شہرس منٛز سُہ روزان اوس تتھ ٲسؠ پاو ونان۔ تمؠ سنٛزِ گرٕواجنہِ اوس مہتابیلؔ ناو۔ سۅ ٲس میضاہابؔ سنٛزِ کورِ مِطردؔ سنٛز کور۔40یتِتھ چھِ تِمن سارنی قبیلن ہنٛدؠ ناو یمہٕ عیسوؔ سنٛدیو اولادو منٛزٕ ٲسؠ: تِمنعؔ، علوہؔ، یتیتؔ، اُہلیبامہؔ، اَیلہؔ، فِینونؔ، قنزؔ، تیمانؔ، مِبصارؔ، مجدایلؔ تہٕ عرامؔ۔ یِم سٲری ٲسؠ عدوم چہِ سرِزمینہِ منٛز روزان۔ یتھ زمینہِ پٮ۪ٹھ یُس قبیلہٕ روزان اوس تتھ زمین ٲس تِمے قبیلہٕ کہ ناوٕ زاننہٕ یوان۔
Bridge Connectivity Solutions Pvt. Ltd.