پیدٲیش35
1کینٛہہ کٲلؠ پتہٕ وُن خداین یعقوبسؔ، "بیت ایلؔ شہرش منٛز گژھیٚو تہٕ تٔتؠ بٔسیٚو۔ میانہِ خٲطرٕ بنٲیو اکھ قربان گاہ، خدا، یُس ژےٚ تمہِ ساعتہٕ برُونٛہہ کُن ٲے ییٚلہِ ژٕ پننِس بڈِس بٲیس عیسوؔ ہس نِش ژلان اوسُکھ۔"2یعقوبنؔ ووٚن پننٮ۪ن گرٕ والیٚن تہٕ پنس سٟتؠ تمام روزن والیٚن لوٗکن، یم بُت کٔرؠ ووکھ دفاہ یم توٚہہِ میسوپوٹیمیا ملکہٕ پٮ۪ٹھٕ أنمتؠ چُھو۔ امہِ پتہٕ کٔریٚو سران تہٕ بیٚیہِ لٲگیٚو نٔوؠ پلو۔3امہِ پتہٕ سپدو أسؠ تیار بیت ایلؔ گژھنہٕ خٲطرٕ۔ تتہِ بناوٕ بہٕ خدایہ سنٛدِ عبادتہٕ خٲطرٕ اکھ قربان گاہ۔ تٔسؠ خدایہ سنٛز یمؠ مےٚ تمہ ساعتہ مدد کوٚر یمہِ ساعتہٕ بہٕ سیٹھاہ پریشان تہٕ خوفزدٕ اوسُس تہٕ یوٚت تہِ بہٕ گوس تتہِ رودم سٟتؠ۔4تمو کٔرؠ یعقوبسؔ تِم سٲری بُت حوالہٕ یم تِمو أنمٕتؠ ٲسؠ تہٕ بیٚیہِ دِتؠ ہس پنٕنؠ سٲری کنہٕ دوٗر۔ یعقوبن کٔرؠ تِم بلوط کِس اکِس بڈِس کُلِس تلہٕ کنہِ سِکم شہرس نزدیکےٕ زمینس منٛز دفن۔5ییٚلہِ تمو تتہِ نیرنٕچ تیٲری کٔر خداین ترُوو تِمن سارنےٕ لوٗکن یعقوبؔ سنٛدِ خاندانُک ہٲبتھ یمہٕ تِمن انٛدؠ پٔکؠ شہرن منٛز روزان ٲسؠ تاکہِ تِم سیٚدن نہٕ تمن پتہٕ۔6یعقوبؔ تہٕ تِم سٲری یم تمِس سٟتؠ ٲسؠ گے کنعانچہِ لُوزؔ جایہ یتھ وُنؠ بیت ایل ونان چھِ۔7تتہِ بنٲو تمؠ اکھ قربان گاہ۔ تمؠ تھوو تتھ جایہ ایل بیت ایلؔ ناو، یمیُک مطلب "بیت ایلُک خدا" چُھ۔ تکیازِ یہ ٲس سُے جاے یتہِ خداین یعقوبسؔ پنُن جلوٕ ہایو ییٚلہِ تس پننِس بڈِس بٲیس عیسوؔ سُنٛد ہٲبتھ ژایو۔8دبورہؔ یۅسہ اسحاقنہِؔ آشنہِ رِبقہؔہِ رچھان ٲس ییٚلہ سۅ لۅکٕٹ ٲس تہٕ وُنؠ چھےٚ سۅ سیٹھاہ بُڈٕ۔ یہےَ گُذرییہِ تہٕ کرٕکھ بیت ایلؔ کِس جنوبس منٛز بلوط کِس أکِس کُلس تل دفن۔ تہٕ اتھ جایہ تھوو تِمو الوُن بکوتؔ ناو۔ مطلب "ودٕوُن بلوط۔"9ییٚلہِ یعقوبؔ تہٕ تمسُنٛد عیال فدن ارامؔ پٮ۪ٹھٕ واپس آو ییٚلہِ تِم وُنہِ بیت ایل سےٕ منٛز ٲسؠ، خداین دیُت یعققوبس بیٚیہِ جلوٕ تہٕ کٔرنس برکت عطا۔10خداین وُن تمِس بیٚیہِ، "چون ناو روزنہٕ وُنؠ یعقوبؔ بلکہِ اسرائیل" لہٰذا ونُکھ وُنؠ یعقوبسؔ "اسرائیل۔"11پتہٕ وُن خداین تمِس" بہٕ چُھس قدرت وول خدا۔ واریاہ بچہٕ کر پٲدٕ۔ چانہِ زُریٲژ ہنٛدؠ بنَن واریاہ قوم تہٕ تِمو منٛزٕ آسن کینٛہہ بادشاہ تہِ۔12سُہ ملک یُس مےٚ ابرہامسؔ تہٕ اضحاقسؔ دِنُک وعدہ اوس کوٚرمُت سُہ دِمے بہٕ ژےٚ۔ بیٚیہِ دمہٕ سُہ چانیٚن اولادن تہِ۔"13ییٚلہِ خداین یعقوبسؔ سٟتؠ اتہِ کتھ کرِتھ مۅکلٲو، تہٕ تمؠ ترُوو سُہ۔14یعقوبنؔ تھٲو تتھ جایہ اکھ بٔڈ کٔنؠ کھڑا کرِتھ یتِتھ خداین تس سٟتؠ کتھ کٔر۔ تمؠ ترٲو تتھ پٮ۪ٹھ شربت تہٕ زیتون تیٖل یُتھ سُہ تتھ خدایہ سنٛدِ ناوٕ وقف کرِہے۔15یعقوبَن تھوو تتھ جایہِ بیت ایلؔ ناو یمیُک مطلب "خدایہ سُنٛد گرٕ" چُھ۔ تکیازِ خداین کٔر اتھ جایہ تمِس سٟتؠ کتھ۔16یعقوبؔ تہٕ تمسُنٛد خاندان گو بیت ایل کہِ جنوب طرفہٕ افراتؔ شہرس کُن روانہٕ۔ ییٚلہ تِم افراتؔ شہرس نزدیک وٲتؠ تہٕ راخِلؔہِ کوٚرُن سخت دردِ زیٚہہ۔17ییٚلہِ تمِس انیٖکھ دگ ۅتلییہِ تہٕ تمِس وُن دایہِ، "کھۅژ مہ، تکیازِ ژےٚ دِتُتھ بیٚکِس نیٚچوِس زایُن۔18مگر سۅ ٲس مران تہٕ پننٮ۪ن ٲخری شہَن منٛز وُن تمہِ، "أمِس تھٲوؠ زیٚو بِنونیؔ ناو" یمیُک مطلب "میانہِ غمُک نیٚچو" مگر تمسنٛدؠ مٲلؠ تھوو تمِس بنیمِینؔ ناو تمیُک مطلب گو "میانہ دٔچھنہِ اتھک نیٚچو۔"19راخِلؔ کٔرکھ مرنہٕ پتہٕ افراتؔ جایہ دفن وتہِ سٟتی دفن یتھ وُنؠ بیت لحمؔ ونان چھِ۔20یعقوبنؔ تھٲو تمؠ سنٛزِ قبرِ پٮ۪ٹھ اکھ بٔڈ کٔنؠ کھڑا کرِتھ یمہِ سٟتؠ ننان اوس زِ راخِلؔ ہنٛز قبر کتِتھ چھےٚ۔21یعقوبؔ، یمسُنٛد نوُو ناو اسرائیل اوس رود پننِس خاندانس سٟتؠ سفر جٲری تھٲوِتھ، تہٕ تٔمؠ دِتؠ عدرؔ جایہ نظر تھاونہٕ کیٚن میٖنارن جنوب پاسہٕ پنٕنؠ خٟمہٕ۔22ییٚلہِ تِم اسرائیل کِس اتھ علاقس منٛز روزنہِ لٔگؠ تہٕ یعقوبؔ سُنٛد نیٚچو رُوبِنؔ شونٛگ پننِس مٲلؠ سنٛزِ اکِس لونڈی بِلہاؔ ہس نِش۔ کٔمؠ تام وُن یعقوبسؔ اتھ مُتلق تہٕ تمِس کھوٚت سخت شرارتھ۔
یعقوبسؔ ٲسؠ وُنؠ باہ لٔڑکہٕ۔23لیاہؔ سنٛدیو لٔڑکو منٛزٕ اوس یعقوبسؔ رُوبِنؔ زیُٹھ ہیٚو نیٚچو۔ پتہٕ شمعونؔ، لاوی، یہُوداؔ، اشکارؔ تہٕ زبُلُون۔24راخِلؔ سنٛدیو اولادو منٛزٕ ٲسِس یوسفؔ تہٕ بنیمِینؔ۔25راخِلؔ سنٛزِ لونڈی بِلہاؔ سنٛدؠ دانؔ نفتالیؔ۔26لیاہؔ سنٛزِ لونڈی زلفہؔ سنٛدؠ نیٚچوؠ ٲسؠ جدؔ تہٕ آشرؔ۔ بنیمِینسؔ بغٲر ٲسؠ یم سٲری اولاد یعقوبسؔ تمہِ وزِ زامٕتؠ ییٚلہِ سُہ فدن ارامؔ روزان اوس۔27یعقوبؔ گو پننِس مٲلِس اضحاقسؔ نِش ممرےؔ واپس، یتھ قریتؔ اربعؔ ونان ٲسؠ تہٕ وۅنؠ چِھس حبرون ناوٕ تہِ زانان تتہِ اوس اسحاق سُنٛد مول ابرہامؔ تہِ روزان۔28اسحاقؔن گُذٲرؠ اکھ ہتھ تہٕ شیتھ ؤری وانٛسہِ ہنٛدؠ۔29ییٚلہِ اسحاقن وفات کوٚر تمہ وزِ اوس سُہ سیٹھاہ بُزرگ تہٕ ووت پننِس مٲلِس تہٕ بُڈؠ ببَس نِش یمو گۅڈے وفات کوٚرمُت اوس۔ تمسنٛدیٚو اولادو عیسوؔ تہٕ یعقوبنؔ کوٚر سُہ دفن۔
یعقوبسؔ ٲسؠ وُنؠ باہ لٔڑکہٕ۔23لیاہؔ سنٛدیو لٔڑکو منٛزٕ اوس یعقوبسؔ رُوبِنؔ زیُٹھ ہیٚو نیٚچو۔ پتہٕ شمعونؔ، لاوی، یہُوداؔ، اشکارؔ تہٕ زبُلُون۔24راخِلؔ سنٛدیو اولادو منٛزٕ ٲسِس یوسفؔ تہٕ بنیمِینؔ۔25راخِلؔ سنٛزِ لونڈی بِلہاؔ سنٛدؠ دانؔ نفتالیؔ۔26لیاہؔ سنٛزِ لونڈی زلفہؔ سنٛدؠ نیٚچوؠ ٲسؠ جدؔ تہٕ آشرؔ۔ بنیمِینسؔ بغٲر ٲسؠ یم سٲری اولاد یعقوبسؔ تمہِ وزِ زامٕتؠ ییٚلہِ سُہ فدن ارامؔ روزان اوس۔27یعقوبؔ گو پننِس مٲلِس اضحاقسؔ نِش ممرےؔ واپس، یتھ قریتؔ اربعؔ ونان ٲسؠ تہٕ وۅنؠ چِھس حبرون ناوٕ تہِ زانان تتہِ اوس اسحاق سُنٛد مول ابرہامؔ تہِ روزان۔28اسحاقؔن گُذٲرؠ اکھ ہتھ تہٕ شیتھ ؤری وانٛسہِ ہنٛدؠ۔29ییٚلہِ اسحاقن وفات کوٚر تمہ وزِ اوس سُہ سیٹھاہ بُزرگ تہٕ ووت پننِس مٲلِس تہٕ بُڈؠ ببَس نِش یمو گۅڈے وفات کوٚرمُت اوس۔ تمسنٛدیٚو اولادو عیسوؔ تہٕ یعقوبنؔ کوٚر سُہ دفن۔
Bridge Connectivity Solutions Pvt. Ltd.