پیدٲیش34
1اکہِ دوٚہہ درایہ یعقوبنؔؠ تہٕ لیاہؔ ہنٛز کور دینہؔ امہِ علاقچن کینٛژن زنیٚن سمکھنہِ2سِکمؔ اوس حمورؔ سنٛدیو نیٚچیو منٛزٕ اکھ تہٕ سُہ اوس حوی زٲژ ہُنٛد۔ ییٚلہ تمؠ سۅ وُچھ تمؠ رٔٹ سۅ تہٕ کوٚرُن تس سٟتؠ جبری ناجایز۔3سُہ گو یعقوب سنٛزِ کورِ دینہؔ ہس کٲفی عاشق تہٕ گوس تمسُنٛد محبت۔ سُہ لوٚگ تس لول بَرنہ، تہٕ لٲجِن تس سٟتؠ سیٹھاہ نرمی سان کتھ کرنؠ۔4سِکم وُتھ پتہٕ پننِس مٲلِس حمورسؔ کُن، "مہربٲنی کرِتھ انتن یہ کور میانہِ باپتھ۔ بہٕ چُھسن یژھان سۅ پنٕنؠ خاندارنؠ بناونؠ!"5ییٚلہ یعقوبن یہ بوز زِ سِکمنؔ چھےٚ تمؠ سنٛز کور دینہؔ رٹمٕژ تہٕ تس سٟتؠ چُھس ناجایز کوٚرمُت، تمسنٛدؠ شُرؠ ٲسؠ وُنہ پننٮ۪ن چارواین سٟتؠ کھہسےٕ پٮ۪ٹھ، لہٰذا وُن نہٕ تمؠ اتھ متلق تۅتام کِہین یۅتام نہٕ تِم گرٕ واپس آے۔6اتھ دوران گو سِکم سُنٛد مول حمورؔ یعقوبس سٟتؠ کتھ کرنہِ درامُت۔7یعقوبنؔؠ لڑکہٕ آے یوٗت کال کھہہ پٮ۪ٹھٕ تہٕ ژاے اندر، ییٚلہ تِمو بوز زِ کیاہ چُھ سپُدمت، تِم گے حٲران تہٕ کھوٚتُکھ سخ شرارتھ۔ تکیازِ سِکمنؔ اوس یعقوبؔ سنٛزِ کورِ سٟتؠ زبردستی کرِتھ اسرائیل سیٹھاہ رسوا کوٚرمُت۔ سۅ ٲس تمِس بیٚنہِ۔ یہ اوس سیٹھاہ ہٲبت ناک اتُر یُس نہٕ زانٛہہ سپدُن گوٚژھ۔8مگر حمورنؔ وُن تِمن، "میٚون نیٚچو سِکمؔ چُھ پزؠ پٲٹھؠ أمِس لڑکی پسنٛد کران یۅسہ تُہنٛز کور تہٕ چٲنؠ بیٚنہِ چھےٚ، مہربٲنی کرِتھ دی تو أمِس سِکمَس سٟتؠ خاندر کرنُک اجازت۔9ٲسؠ کرو اکھ مہادٕ زِ توٚہؠ دیو پننہِ کورِ سانیٚن لڑکن نیتٕرؠ تہٕ أسؠ دمو پننہِ کورِ تُہنٛدین لڑکن نیتٕرؠ۔10توٚہؠ ہکیٚو اسہِ سٟتؠ روزِتھ تہٕ سٲنِس ملکَس منٛز یتِتھ یژھیٚو تتِتھ بٔسیو۔ توٚہؠ ہکیٚو یتہِ چیز ہیٚتھ تہٕ کنِتھ۔ اگر توٚہہ ضرورتٕچ زمین میلہِ توٚہؠ ہکیٚو سۅ مٔلؠ ہیٚتھ۔"11سِکمؔ وُتھ پتہٕ دینہؔ ہنٛدس مٲلِس تہٕ بیٚیہِ بٲیس، اگر توٚہہ بہٕ ٹھیک باسان چُھس تیٚلہِ کٔرؠ تو تہِ یہ بہٕ ونان چُھس تہٕ یہ توٚہؠ منٛگیٚو تہِ دِمہٕ بہٕ توٚہہ۔12مےٚ ؤنیٚو توٚہؠ کُس تحفہٕ چُھو یژھان تہٕ مہرنہِ ہُنٛد قٟمت کیاہ چُھو ونان بہٕ چُھس تہِ دنہٕ خٲطرٕ تیار یہ توٚہؠ ؤنیٚو۔ بہٕ چُھس صرف یہ یژھان زِ توٚہؠ دی وون مےٚ یہ کور نیتٕرؠ۔13مگر سِکمنؔ اوس تہنٛزِ بیٚنہِ دینہؔ سٟتؠ شرمناک کٲم کرمٕژ یمہِ کِنؠ یعقوبؔ سنٛدیو شُریٚو سِکمؔ تہٕ تمسنٛدِس مٲلِس حمورسؔ جواب کوٚر۔14تِمو وُن تِمن، "نہ، أسؠ ہیٛکو نہٕ یہ کرِتھ۔ أسؠ دِموون نہٕ پنٕنؠ بیٚنہِ تِتھس نفرس نیتٕرؠ یمِس نہٕ خُتنہٕ کرنہٕ آمُت آسہ، یہ چھےٚ سانہِ باپتھ شرمہِ ہنٛز کتھ۔15أسؠ کرو یہ سورےٕ اتھ صوٗرتس منٛز ییٚلہ توٚہؠ اکھ کٲم کریٚو: یم تہِ توٚہہ منٛز مرد چھِ تِمن سارنےٕ مردن پییہِ سٲنؠ پٲٹھؠ ختنہٕ کرُن۔16تیٚلہِ ہیٛکو أسؠ پننہٕ کورِ تُہنٛدین جوانن نیتٕرؠ دِتھ تہٕ پننٮ۪ن جوانن تُہنٛزٕ کورِ خاندارنہِ بنٲوِتھ۔ أسؠ بسو توٚہہِ سٟتؠ تہٕ بنو اکھ الگ ونڈٕ۔17وُونؠ اگر توٚہؠ ختنہٕ کرنس پٮ۪ٹھ آمادٕ چُھو نہٕ تیٚلہ تُلوون أسؠ پنٕنؠ بیٚنہٕ تہٕ نیرو۔18تِہنٛد ونُن باسیٚو حمورؔ تہٕ تمسنٛدس نیٚچوِس سِکمس ٹھیک۔19سِکمؔ اوس یعقوبٕنؔؠ کور پزنہٕ پٲٹھؠ پنٕنؠ آشِنؠ بناوُن یژھان؛ یپٲرؠ اوس سُہ پننِس مٲلؠ سنٛدِ خاندانہٕ منٛزٕ ساروےٕ کھۅتہٕ قٲبلِ احترام شخص، امہِ کِنؠ کٔر تمؠ یکدم تِہنٛز تجویز قبول۔20سِکمؔ گو حمورسؔ سٟتؠ شہرٕ کِس دروازس نکھٕ جلسہٕ گاہَس نِش شہرٕ کیٚن زِٹھیٚن سٟتؠ کتھ باتھ کرنہٕ موٚکھٕ۔ تمو وُن،21"یم لوٗکھ چھِ سٲنؠ دوس بٔنتھ۔ اسہِ پزِ یمن یتہِ پھیرنہٕ تھورنہٕ تہٕ روزنہٕ دیُن۔ یہ زمین چھےٚ بے شک تیٖژ بٔڈ یتھ منٛز أسؠ تہٕ یمہٕ ویٚپِتھ ہیٚکو۔ سٲنؠ نوجوان ہیٚکن یہنٛزن کوریٚن سٟتؠ خاندر کرِتھ تہٕ یہنٛدؠ جوان ہیٚکن سانیٚن کورین سٟتؠ خاندر کرِتھ۔22مگر یم لوٗکھ چھِ اسہِ سٟتؠ روزنس تیار تہٕ اسہِ سٟتؠ اکہِ ونڈٕ رنٛگؠ یتھ شرطتس پٮ۪ٹھ بسنہٕ باپتھ آمادٕ زِ سٲنؠ تمام مرد گژھن ختنہٕ کرٕنؠ یتھ کنؠ تِمن کرِتھ چُھ۔23ہنا سونٛچِو! اگر أسؠ یہ کرو، تِہنٛزٕ گٲو، تِہنٛد مال تہٕ تہنٛدؠ تمام چاروٲے بنَن سٲنؠ۔ اوٕ کِنؠ پزِ اسہِ تہِ کرنٕچ رضامنٛدی ہاونؠ یہ تم ونان چھِ تہٕ پتہٕ روزن تِم اسہِ سٟتؠ۔24تِمو ساروےٕ لوٗکو مٲنؠ حمورؔ تہٕ سِکمؔ سنٛز یہ تجویز یم اتھ شہری دروازس نِش ٲسؠ۔ شہرٕ کیٚو تمام لوٗکو کوٚر ختنہٕ۔25امہِ پتہٕ ترییہِ دوٚہؠ ییٚلہِ وُنہ شہرٕکؠ سٲری لوٗکھ ختنہٕ کِس تکلیفسےٕ منٛز ٲسؠ دراے یعقوب سنٛدؠ زٕ نیٚچیو شمعونؔ تہٕ لاوی دینہؔ سنٛدؠ بٲے زٕ تلوارٕ ہیٚتھ تہٕ ژاے شہرس منٛز کٲنسہِ ہنٛدِ رکاوٹہٕ بغٲر نی تِمو سٲری مرد مٲرتھ۔26تمو کوٚر حمور تہٕ تمسُنٛد نیٚچو سِکم تہِ قتل۔ پتہٕ أنؠ تِمو پنٕنؠ بیٚنہِ دینہؔ سِکم سنٛدِ گرٕ منٛزٕ نیٚبر کٔڈتھ تہٕ دراے امہِ شہرٕ منٛزٕ۔27پتہٕ ژاے یعقوبٕنؠ باقی نیٚچیو اتھ شہرس منٛز یتہٕ تِم تمام لاشہٕ آسہٕ۔ تمو کوٚر پننہٕ بیٚنہِ سٟتؠ سپدیمتِس تتھ شرمناک واقہٕ ہس خلاف شہرس لوٗٹھ۔28تمو أنؠ لوٗکن ہنٛدؠ تیر، ژھاولؠ، تہنٛزٕ گاو، خر تہٕ سُہ پرٮ۪تھ اکھ چیز یُس تِمو یوٚژھ شہرٕ منٛزٕ کٔڈتھ تہٕ نیٖکھ گامن کُن۔29تِمو نی پرٮ۪تھ اکہ قٟمتی چیزٕ علاوٕ بچہٕ تہٕ زنہِ تہِ۔ گرن منٛز یہ کینٛژھا اوس تہِ نیوکھ ؤٹِتھ۔30پتہٕ وُن یعقوبنؔ شمعونَسؔ تہٕ لاوی یس، "توٚہہِ تُرووس بہٕ بٔڈس مصیبتس منٛز۔ ووُنؠ کرن مےٚ سٟتؠ کنعانٕکؠ لوٗکھ، فرزوؔیچہِ لُکہٕ جمٲز تہٕ یتھ ملکس منٛز زوزن وٲلؠ تمام لوٗکھ نفرت۔ مےٚ سٟتؠ چُھنہٕ زیادٕ لوٗکھ یم سانہِ خٲطرٕ لڑن، اگر تِم ساری سمِتھ اسہِ نِش ین تہٕ حملہٕ کرن تِم کرن اسہِ تہٕ سانین تمام گرٕ والیٚن تباہ۔31مگر تِمو دتُس جواب، "کیاہ اسہِ پزِہے یا تیٚلہِ سِکمسؔ پننہِ بیٚنہِ سٟتؠ طوائفہِ ہُنٛد ہیٚو سلوٗک کرنُک اجازت دیٚون؟"
Bridge Connectivity Solutions Pvt. Ltd.