پیدٲیش33
1پتہٕ ووت یعقوبؔ پننٮ۪ن گرِکیٚن نِش۔ امہ دوٚہہ پتہٕ وُچھ یعقوبنؔ عیسوؔ یوان تہٕ تمِس سٟتؠ ٲسؠ ژور ہَتھ نفر۔ امہِ کِنؠ گو یعقوبؔ پریشان، تمؠ تھٲوؠ بچہٕ الگ کرِتھ۔ تِمے تھٲوؠ لیاہؔ ہنٛدے شُرؠ لیاہؔ سٟتؠ، راخِلؔ ہنٛدؠ شُرؠ راخِلؔ سٟتؠ تہٕ لونٛڈؠ ین ہنٛدؠ بچہٕ کٔرِنؠ لونٛڈین حوالہٕ۔2تمؠ تھاوِ لونٛڈی زٕ بچہٕ ہیٚتھ برونٛہہ کنہِ۔ تمہِ پتہٕ تھٲون لیاہؔ تہٕ تمسنٛدؠ شُرؠ۔ راخِلؔ تہٕ یوسفؔ تھٲوِن پتھ کُن۔3تہٕ پانہٕ دراو یمن سارنی برونٛہہ تہٕ ووت پننِس زٹِھس بٲیس نزدیک تہٕ دِتُن ستہِ لٹہ زمینَس پٮ۪ٹھ سجدٕ۔4مگر عیسوؔ دوریو یعقوبسؔ نِش۔ تمؠ روٚٹ سُہ نالہٕ متہِ، بُتھِس دِتؠ نس بوسہٕ۔ تہٕ تِم دوٚنوے لگؠ ریٚونہِ۔5عیسوؔ ہن دِژ نظر تہٕ اتہِ وچُھن زنہِ تہٕ شُرؠ۔ تمؠ پرُژھ یمہٕ کمہٕ چھِ توٚہہِ سٟتؠ؟ یعقوبن دتُس جواب، "یم چھےٚ تمہٕ زنانہٕ تہٕ شُرؠ یم مےٚ خداین عطا کٔرؠ۔"6پتہٕ آیہ لونٛڈی تہٕ تِہنٛدؠ بچہٕ عیسوؔ ہس برُونٛہہ کُن تہٕ نمییہِ۔7پتہٕ آیہ لیاہؔ تہٕ تمسنٛدؠ بچہٕ تہٕ کوٚرکھ سجدٕ۔ پوٚتس آے یوسفؔ تہٕ راخِلؔ نزدیک تہٕ جُکیاے۔8عیسوؔ ہن پرُژھ، "یم ییتیاہ چاروٲے بہ وُچھان چُھس اتھ کیاہ چُھ مطلب؟ یعقوبنؔ ونُس یورٕ، "جناب، یم چُھسے بہٕ ژےٚ دِوان، تاکہ ژٕ سونٛچکھ مےٚ نیسبت رُت۔"9مگر عیسوؔ ہن ونُس، "میانہِ لۅکٹہِ بایہ، مےٚ چھِ واریاہ چاروٲے۔ یم چاروٲے ژےٚ چھی تھاوُکھ پانس!10یعقوبنؔ ونُس، "نہ، اگر ژےٚ بہٕ بہتر چُھسے باسان تیٚلہ کر میٚون یہ تحفہٕ قبوٗل۔ ژےٚ کٔرتھ مےٚ سیٹھاہ لولہٕ سان سلام، چانہِ اسوٕنہِ ہونٛجہ پیش ینہٕ باسیٚو مےٚ زِ ژےٚ کۅرتھ مےٚ معاف۔ زنتہٕ وُچھ مےٚ خدایہ سُنٛدےٕ بُتھ!11مہربٲنی کرِتھ کر تہٕ یم تحفہٕ قبوٗل یم مےٚ چانہِ خٲطرٕ أنمٕتؠ چھِ تکیازِ خداین چھےٚ مےٚ بٔڈ عنایت کٔرمٕژ تہٕ مےٚ نِش چھِ وُنہ واریاہ چو چاروٲے۔ "یعقوب رود تمِس یم جانور قبوٗل کرنُک تٲکید کران، تہٕ ٲخرس کٔرؠ عیسوؔ ہن یم قبوٗل۔12پتہٕ ونُس عیسوؔ ہن، "وۅلہ أسؠ کڈو یکہٕ وٹہٕ سفر، بہٕ ہاوے ژےٚ وتھ۔13یعقوبنؔ ونُس، "جناب، ژٕ چُھکھ زانان مےٚ چُھ یمن تیرن تہٕ گاون ہُنٛد خیال تھاون یمن چھِ بچہٕ دود چیٚوان تہٕ یم بچہ چھِ کمزور تہِ۔ اگر بہٕ یم اکسےٕ دوٚہس زیٹِھس سفرس لاگکھ یم مرن سٲری۔14ژٕ نیر مےٚ برونٛہہ برونٛہہ۔ بہٕ پکہٕ ناوکھ یم چاروٲے وار وارٕ۔ بہٕ پکہٕ تیٚوتُے تیز یُتھ یم بچہٕ تہٕ چاروٲے پٔکِتھ ہیٚکن۔ بہٕ کرٕ ژےٚ سٟتؠ شعیرؔس منٛز ملاقات۔15عیسوؔ ہن ونُس تیٚلہِ دِ مےٚ اجازت، بہٕ تراوکھ پنٕنؠ کینٛہہ نفر یتؠ یم مےٚ سٟتؠ آمٕتؠ چھِ تاکہ تِم کرن تُہنٛز حفاظت۔ مگر یعقوبنؔ دِتُس جواب، کمہِ خٲطرٕ؟ بہٕ چُھس صرف یہ یژھان زِ ژٕ گوٚژُھکھ مےٚ نیسبت جان سونٛچُن۔16یتھ کنؠ سپُد امی دوٚہہ عیسوؔ شعیر علاقس کُن روانہٕ۔17مگر یعقوب تہٕ تمسُنٛد خاندان گو شعیرؔ بجایہ سُکاتؔ ناوچہِ جایہ کُن۔ تتہِ بنوو تمؠ پانس تہٕ پننہِ عیالہٕ باپتھ اکھ گرٕ، تہٕ چاروایو باپتھ تہِ روزن جاے۔ اوے تھوو تمؠ اتھ جایہ سکاتؔ ناو مطلب "روزن جاے"18یتھ پٲٹھؠ کوٚر یعقوبؔ تہٕ تمسنٛدؠ خاندانن فدن ارامؔ جایہ پٮ۪ٹھٕ کنعانؔ چہِ سرِزمینہِ کُن پُر امن سفر۔ تتہِ لٲگؠ تِمو سِکم شہرس نزدیک اکِس کھہَس منٛز پنٕنؠ خٟمہ،19تمہِ علاقہٕ کیٚن لوٗکن ہُنٛدیو زِٹھیٚو منٛزٕ اوس حمورؔ ناوُک۔ حمورسؔ ٲسؠ واریاہ نیٚچوؠ۔ یعقوبنؔ دِتؠ سِکم سنٛدؠ مٲلؠ حمورؔ سنٛدین نیٚچوٮ۪ن چاندِ ہنٛدؠ اکھ ہتھ سکہٕ تمہِ زمینہِ ہنٛدِ ماوضہ رنٛگؠ یتھ پٮ۪ٹھ تِمو خٟمہ لٲگؠ۔20تمؠ بنٲو تتہِ کنیٚن ہنٛز اکھ قربان گاہ تہٕ تمیُک ناو تھووُن "ایل اِلہ اسرائیل" مطلب "خدا، اسرائیل لُک خدا۔"
Bridge Connectivity Solutions Pvt. Ltd.