1 یوحناؔ4
1ٹاٹھیٚو یارو۔ واریہن لوٗکن نِش چھےٚ اپٕز شیٚچھ تہٕ تِم چھِ أتھؠ لوٗکن منٛز پھیرِتھ ہٮ۪چھناوان۔ اوے مہٕ کٔرِو سارنےٕ وۅستادن پٮ۪ٹھ بھروسہٕ۔ بلکہِ دِیو ژٮ۪تھ وارٕ زِ پرٮ۪تھ کانٛہہ وۅستاد کیا چُھو توٚہہِ ونان تہٕ پانے کٔرِو فٲصلہٕ زِ یہِ شیٚچھ چھا خدایہِ سنٛدِ روح طرفہٕ کِنہٕ کُنہٕ بدلہٕ روح طرفہٕ۔2ؤلِو بہٕ ونو توٚہہِ کِتھہٕ پٲٹھؠ پرکھٲیِو زِ کانٛہہ چھا توٚہہِ خدایہِ سنٛدِ روح طرفہٕ آمُت پزر ہٮ۪چھناوان کنہٕ نہ۔ یِم لوٗکھ تصدیق کرن یسوع مسیحؔ سٕنٛدِس خدایہِ سنٛدِ طرفہٕ پننِس تہٕ سٲنی پٲٹھؠ انسٲنؠ انہار پراونس چھِ خدایہِ سنٛدِ طرفہٕ یِنہٕ واجِنؠ شیٚچھ باوان۔3مگر یِمنہٕ تصدیق کرن زِ یسوع بنیو پزنہٕ پٲٹھؠ انسان چھِنہٕ خدایہِ سنٛدِ طرفہٕ آمٕژ شچھ باوان۔ یِم وۅستاد چھِ مسیحؔ ہس خلاف۔ توٚہہِ چُھو بوزمُت زِ یِتھؠ لوٗکھ روزن توٚہہِ نِش یِوان۔ تِم چھِ وُنکٮ۪س تہِ توٚہہِ منٛز۔4ییتِس کالس تُہنٛد سوال چُھ، توٚہؠ چُھو مےٚ تیتی ٹٲٹھؠ زنتہٕ توٚہؠ میٲنؠ پنٕنؠ شُرؠ چُھو۔ توٚہؠ چُھو خدایہِ سنٛدؠ تہِ توٚہہِ کوٚرو رد یہِ تِم لوٗکھ توٚہہِ ہٮ۪چھناوان چُھو۔ توٚہہِ کوٚرُو یہِ تکیازِ خدا یُس توٚہہِ پننہِ یژھایہِ پٮ۪ٹھ پکناوان چُھ، چُھ زیادٕ پُرقوت کٲنٛسہِ شٮیطان سٕنٛدِ کھۅتہٕ، یُس تِمن سارنےٕ ہٕس دِوان چُھ یِم خدایس عزت چھِ نہٕ کران۔5تِم لوٗکھ یِم سۅ تعلیم دِوان چھِ یۅسہ اپُز چھےٚ، تِم چھِ سونچان تٔمہِ آیہِ زُوون یتھ منٛز خدایہِ سُنٛد احترام تہٕ عزت چُھنہٕ۔ اوے تہِ تِم یِتہِ ونان چھِ تتھ منٛز چُھنہٕ خدایہِ سُنٛد احترام آسان۔ تہٕ سُہ چُھ اوٕ کِنؠ زِ باقےٕ لوٗکھ یِم نہٕ خدایہِ سُنٛد احترام چھِ کران، چھِ تہنٛدِس وننس پژھ کران۔6پتھ گۓ أسؠ، أسؠ چھِ سوزؠ مٕتؠ خداین۔ خدایہِ سنٛدِس رشتس منٛز زُوون وول ہر کانٛہہ نفر چُھ اسہِ یقین کران تہٕ سٲنؠ تعلیم مانان۔ یُس تہِ کانٛہہ خدایہِ سنٛدِس رشتس منٛز زُووِ نہٕ، تھاوِ نہٕ سانہِ تعلیمہ پٮ۪ٹھ یقین تہٕ نہ مانہِ۔ دوٚن منٛز یوٚہے بیٚنٮ۪ر چُھ خدایہِ سنٛدِ پاک روح سنٛدِ طرفہٕ واتن وٲلِس پٲغامس تہٕ شیطان سٕنٛدِ طرفہٕ یِنہٕ وٲلِس پٲغامس منٛز نا ہِشر درشاوان۔7ٹاٹھیٚو یارو۔ اسہِ پزِ اکھ أکِس لول برُن۔ یی چُھ خدا سانہِ باپتھ یژھان، اوٕ کِنؠ زِ سُہ چُھ اسہِ لول بران۔ أسؠ چھِ ہیٚکان باقین لول بٔرِتھ۔ یِم لول برن پننٮ۪ن ایمٲندار سٲتھین تِم چھِ بنان خدا سٕنٛدؠ روحٲنی شُرؠ تہٕ چھِ تٔمسےٕ سٟتؠ رشتس منٛز زُووان۔8خدا سُنٛد مِزاج چُھ لوٗکن لول برُن۔ اوے تہِ یُس نہٕ باقین لول برِ چُھنہٕ خدا سٕنٛدِس شراکتس منٛز زُوان۔9بہٕ ونَو توٚہہِ زِ خدا کِتھہٕ پٲٹھؠ چُھ درشاوان پنُن لول سانہِ باپتھ۔ تٔمؠ سوز پنُن کُن گۅبُر یتھ زمینہِ پٮ۪ٹھ تاکہِ تسُنٛد گۅبُر بناوِ اسہِ پوشوٕنؠ زندگی پراونس لایق۔ توٕ کِنؠ زِ یہِ تٔمؠ سانہِ باپتھ کوٚر۔10بہٕ ونَو توٚہہِ کٲنٛسہِ لول برُن کیا گوو۔ خدایس لول برنچہِ سانہِ کوششہِ چھنہٕ کٲنٛسہِ لول برنُک معنی مفہوم واضیح کران۔ نہ۔ خداین درشوو یہِ پانہٕ اسہِ تیوتاہ لول بٔرِتھ زِ تٔمؠ سوز پنُن گۅبُر سانہِ باپتھ قربٲنی دِنہٕ باپتھ۔ ییٚلہِ یسوعنؔ یہِ کوٚر، خداین ہیٚکؠ تِمن لوٗکن ہنٛدؠ گناہ معاف کٔرِتھ سزا دِنہٕ بجایہ، یِمو یسوعس پٮ۪ٹھ بھروسہٕ کوٚر۔11ٹاٹھیٚو یارو۔ اوٕ کِنؠ زِ خدا چُھ اسہِ یتھٕ پٲٹھؠ لول بران۔ یقیناً پزِ اسہِ اکھ أکِس لول برُن۔12کٲنٛسہِ تہِ چُھنہٕ زانہٛہ خدا وُچھمُت۔ وۅنؠ گو ییٚلہِ أسؠ اکھ أکِس لول برو، أسؠ ہیٚکو وُچِھتھ زِ خدا چُھ اسہِ منٛز زُووان تہٕ سُے چُھ اسہِ باقین لول برنس لایق بناوان۔ یتھٕ پٲٹھؠ زن سُہ سانہِ باپتھ یژھان چُھ۔13یِتھے پٲٹھؠ ییہِ اسہِ یقین زِ أسؠ چھِ خدایس سٟتؠ پنٕنؠ زندگی شراکتس منٛز گُذاران تہٕ خدا چُھ اسہِ سٟتؠ زندگی گُذاران: تٔمؠ چُھ اسہِ پنُن روح بخُشمُت۔14اسہِ رسولو چُھ خدایہِ سُنٛد گۅبُر یسوع وُچھمُت زمینہِ پٮ۪ٹھ تہٕ أسؠ چھِ سنٛجیدگی سان ونان باقین زِ ببن سوز سُہ دنیاہ کٮ۪ن لوٗکن پننیٚو گنہو باپتھ ہمیشہٕ سزا تُلنہٕ بجایہ نجات دِنہِ۔15اوے چُھ خدا یسوعس متعلق پوٚز ونن والیٚن سٟتؠ لٔگؠ تھےٕ پنٕنؠ زندگی گُذاران۔ تِم چھِ ونان، "سُہ چُھ خدایہ سُنٛد گۅبُر" تہٕ اوے چھِ پنٕنؠ زندگی خدایس سٟتؠ زُوان۔16اسہِ ژٮ۪تروو زِ خدا کِتھہٕ پٲٹھؠ چُھ اسہِ لول بران تہٕ اسہِ چُھ یقین زِ سُہ چُھ اسہِ لول بران۔ توٕ کِنؠ زِ خدا سُنٛد مِزاج چُھ لوٗکن لول بران۔ یِم باقین لول روزن بران تِم چھِ پنٕنؠ زندگی خدایس سٟتؠ زُوان، تہٕ خدا چُھ پنٕنؠ زندگی تمن سٟتؠ زُووان۔17ییٚلہِ أسؠ زندگی خدایس سٟتؠ زُووان روزو۔ تیٚلہِ کوٚر خداین اسہِ لول برنُک مقصد حٲصل۔ امکِس نتیجس منٛز ییٚلہِ خدایہِ سُنٛد اسہِ عدالت لاگنک وقت واتہِ۔ أسؠ آسو پُر اعتماد زِ سُہ دِیہ نہٕ اسہِ سزا۔ توٕ کِنؠ زِ أسؠ چھِ زُووان باقین سٟتؠ تہٕ لول تہِ ورتاوان۔ یتھٕ پٲٹھؠ زن یسوع چُھ کران۔ 18أسؠ کھۅژو نہٕ خدایس یوٚدوے أسؠ تس پزی لول برو، تکیازِ یِم تس وژھِ وٲنجہِ لول برن، روزن نہٕ تسنٛدِس پھرٮ۪ٹس تل۔ أسؠ روزو پھرٹہٕ ۂتؠ تیلے ییٚلہِ أسؠ سونٛچو زِ سُہ دِیہ اسہِ سزا۔ اوے تہ یِم خدا سنٛدِس پھرٮ۪ٹس تل روزن چھِنہٕ زانان زِ سُہ کوتاہ چُھ اسہِ لول بران تہٕ تِم تہِ چھِنہٕ تس وژھِ وٲنجہِ لول بران۔19أسؠ چھِ خدایس تہٕ باقین لول بران۔ تکیازِ خداین بوٚر اسہِ گۅڈٕ لول۔20لوٗکھ چھِ ونان اپُز ییٚلہِ تِم ونن زِ تِم چھِ خدایس لول بران مگر سٟتؠ چھِ سٲتھی ایماندارن ہنٛز دےٕ تھاوان۔ وۅنؠ گوو أسؠ ہیٚکہ ووکھ پنٕنؠ سٲتھی ایماندار وُچِھتھ۔ مگر اسہِ چُھنہٕ خدا وُچھمُت۔ اوے تہِ یِمنہٕ پننٮ۪ن سٲتھی ایماندارن لول وینٛدن تِم ہیٚکن نہٕ یقیناً خدایس لول ویندِتھ، اوٕ کِنؠ زِ نہ وُچھنہٕ یِنہٕ وٲلِس مقابلہٕ چُھ سانہِ باپتھ وُچھنہٕ یِنہٕ وٲلِس لول برن سہَل۔21یہِ تھٲیِو ژٮ۪تس زِ یی چُھ اسہِ خدایہِ سُنٛد حکم: یوٚدوے أسؠ تس لول وینٛدو، اسہِ پزِ پننٮ۪ن سٲتھی ایماندارن تہِ لول ویندُن۔
Bridge Connectivity Solutions Pvt. Ltd.