1 یوحناؔ3
1ژٮ۪تھ ہِش دِیو خدا سون بب کوتاہ چُھ اسہِ لول بران! سُہ چُھ ونان زِ أسؠ چھِ تسٕنٛدؠ شُرؠ۔ روحٲنی لحاظٕ چُھ یہِ بالکل پوٚز۔ اوے چھِنہٕ بے ایمان لوٗکھ اسہِ سمجھتھےٕ ہیٚکان تکیازِ تِمو چُھنہٕ زونمُتےٕ خدا کُس چُھ۔ تہٕ أسؠ چھِ تٔسؠ ہِیوؠ یتھٕ پٲٹھؠ شُرؠ مٲلِس ہیِوؠ آسان چھِ۔2ٹاٹھیٚو یارو، وُنکٮ۪س چھِ أسؠ خدایہِ سٕنٛدؠ روحٲنی شُرؠ۔ تٔمؠ ہوونہٕ اسہِ وُنہِ زِ برونٛہہ کُن کِتھؠ آسو أسؠ۔ وۅنؠ گو، أسؠ چھِ زانان زِ ییٚلہِ یسوعؔ دُبارٕ واپس ییہِ أسؠ بنو تٔسؠ ہیٚوؠ۔ تکیازِ أسؠ وُچھوون سُہ یُتھ سُہ پزنہٕ پٲٹھؠ چُھ۔3لہٰذا تِم سٲری یِم تسُنٛد پوٚز آسن وچُھن یژھان چھِ تِم سٲری یِم اعتماد سان امید کران چھِ تسُنٛد پوٚز آسُن وچھنُ کرن پنُن پان پاک گنہَو نِش تکیازِ یسوع چُھ پانہٕ پاک گنہَو نِشہ۔4مگر سُہ پرٮ۪تھ کانٛہہ یُس لٔگؠ تھےٕ گناہ کران چُھ، چُھ خدایہِ سنٛدٮ۪ن قانونن نکار کران۔ تکیازِ گناہ گو مطلب کِنؠ یی زِ خدایہِ سنٛدٮ۪ن قانونن انکار کرُن۔5توٚہؠ چُھو زانان زِ یسوعؔ آو اسہِ گنہَو نِشہ مُچھِ کرنہٕ باپتھ۔ توٚہؠ چُھو یِتہِ زانان زِ تٔمؠ کوٚر نہٕ زانہٛہ کٲلؠ تہِ پانہٕ گناہ۔ 6یِم پنٕنؠ زندگی یسوع سٕنٛدِس شراکتس منٛز گُذاران چھِ تِم چھِنہٕ گنہن منٛز پانس گیٖر کران۔ وۅنؠ گو تِمو لوٗکو یِم گناہ کران روزان چھِ، چُھنہٕ ہرگز یسوع زونمُت۔ تِمن چھنہٕ رژھ تہِ امسنٛز آگٲہی۔7اوے چُھسو بہٕ توٚہہِ یِم میٲنؠ ٹٲٹھؠ چُھو زور دِتھ ونان زِ کٲنٛسہِ ہنٛدِس دھونٛکھس منٛز مہٕ یِیو یِم توٚہہِ ونان چھِ زِ گناہ کرُن چُھ رُت۔ یوٚدوے توٚہؠ رُت کران روزیٚو، یہِ کرِ خدایس خۅش، یتھٕ پٲٹھؠ یسوعؔ ہمیشہٕ تی کران چُھ یہِ خدایس خۅش کرِ۔8مگر یُس لٔگؠ تھےٕ گناہ کران روزِ۔ سُہ چُھ شیطان سٕنٛدؠ پٲٹھؠ عمل کران تکیازِ شیطان چُھ لٔگؠ تھےٕ گناہ کران، ینہٕ پٮ۪ٹھٕ دنیا بنیو۔ یوٚہے چُھ وجہ زِ خدایہِ سُنٛد گۅبُر آو انسان بٔنِتھ۔ سُہ گو تس اوس شیطان سُنٛد وۅہرومُت زال وٹُن یمؠ لوٗکھ گنہن منٛز گیٖر تھٲوؠ۔9لوٗکھ چھِنہٕ ہرگز گنہن منٛز گیٖر روزان یوٚدوے تِم خدایہ سٕنٛدؠ روحٲنی شُرؠ بنن۔ تکیازِ خداین چھِ تِم پانس ہیٚوؠ بنٲوؠ مٕتؠ۔ تِم ہیٚکن نہٕ گنہن منٛز گیٖر روزتھےٕ، تکیازِ تِم چھِ خدایہِ سٕنٛدؠ روحٲنی شُرؠ۔ 10یِم لوٗکھ جورِتھ چھِ خدایس سٟتؠ تِم چھِ بیوٚن تہٕ بدون شیطانس سٟتؠ جورتھ لوٗکو نِش۔ یِم لوٗکھ رُت کرن نہٕ چھِنہٕ ژکہِ خدایس سٟتؠ جورِتھ۔ یِم پننٮ۪ن سٲتھی ایماندارن لول برن نہٕ تِم تہِ چھِنہٕ خدایس سٟتؠ جورِتھ۔11توٚہہِ پزِ یہِ زانُن تکیازِ یۅسہ شیٚچھ توٚہہِ بوزو ییٚلہِ توٚہہِ گۅڈنٮ۪تھ یسوعس پٮ۪ٹھ ایمان اوٚنُو سۅ ٲس یہِ زِ اسہِ پزِ اکھ أکِس لول برُن۔12اسہِ پزِ نہٕ باقین سٟتؠ دےٕ تھاوٕنؠ یتھٕ پٲٹھؠ آدمؔ سٕنٛدؠ نیٚچوؠ قٲینؔ دےٕ تھٲو۔ سُہ اوس جورِتھ شیطانس سٟتؠ یُس بد زُو چُھ۔ قٲینن مور پنُن کونٛس بوے ہابیلؔ۔ ؤلِو بہٕ ونو تٔمؠ کیاز کوٚر یہِ۔ تکیازِ قٲینن کوٚر کۅکار تہٕ اوس دےٕ کران پننِس کانٛسِس بٲیِس تکیازِ سُہ کونٛس بوے اوس رُت ویوہار وول۔ 13اوے تہِ میانیٚو سٲتھی ایماندارو، توٚہہِ پزِ نہٕ حٲران گژھُن ییٚلہِ توٚہہِ سٟتؠ بے ایمان دےٕ تھاون۔14أسؠ چھِ پننٮ۪ن ایماندار سٲتھین لول بران تہٕ یہِ چُھ اسہِ یقین دِوان زِ خداین چھِ اسؠ روحٲنی طور زنٛدٕ تھٲوؠ مٕتؠ۔ وۅنؠ گو یوٚدوے کانٛہہ باقےٕ ایمان والیٚن لول برِ نہٕ، تیٚلہِ چُھ یُتھ انسان وُنہِ روحٲنی طور مۅردٕ۔15کانٛہہ اکھ تہِ یُس دےٕ تھاوِ ایماندار سٲتھین سٟتؠ چُھ تس قتل کرنس برابر بُرٕ کار کران۔ تہٕ توٚہؠ چُھو زانان زِ یُس کٲنٛسہِ بیٚیِس قتل کرِ چُھنہٕ تٔمہِ نوِ انمانہٕ زُووان یتھ لایق أسؠ خداین بنٲوؠ۔16یسوعنؔ ہوو اسہِ زِ اکھ أکِس سٟتؠ کِتھہٕ پٲٹھؠ چُھ پوٚز لول برُن ییٚلہِ سُہ رضامندی سان سانہِ باپتھ مود۔ اسہِ تہِ پزِ پننٮ۪ن ایماندار سٲتھین ہنٛدِ باپتھ کینٛہہ تہِ کرنہٕ باپتھ تیار روزُن، تہنٛدِ باپتھ زُو دِنہٕ باپتھ تہِ۔17اسہِ منٛز چھِ واریہن دنیاہس منٛز زُو زٮ۪تہٕ باپتھ ضروری چیز میسر۔ مگر فرض کرو اسہِ چھےٚ خبر لگان زِ سٲنِس أکِس ایماندار سٲتھیس چھِنہٕ ضرورتٕکؠ چیز میسر۔ یتہِ کرو فرض أسؠ چھِ تمؠ سنٛز ضرورت پوٗرٕ کرنس انکار کران۔ تیٚلہِ چھِنہٕ أسؠ تٔمہِ آیہِ تس لول بران یمہِ آیہِ اسہِ خداین لوٗکن لول برنٕچ تعلیم دِژ۔ 18توٚہؠ یِم مےٚ ٹٲٹھؠ چُھو زنتہٕ میٲنؠ پنٕنؠ شُرؠ چُھو پزِ نہٕ چھرا زبٲنؠ زبٲنی اکھ أکِس لول برُن۔ اسہِ پزِ اکھ أکِس پزنہٕ پٲٹھؠ لول برُن یعنی اکھ أکِس مدد کٔرِتھ۔19یہِ کٔرِتھ ہیٚکو أسؠ زٲنِتھ زِ أسؠ چھِ خدایس سٟتؠ، یُس آگُر چُھ پرٮ۪تھ چیزُک یہِ پوٚز چُھ۔ ییٚلہِ أسؠ خدایہِ سٕنٛدِس حضورس منٛز چھِ، اسہِ باسہِ پننیٚو گنہو کِنؠ زِ أسؠ چھِنہٕ خدایس سٟتؠ۔ ییٚلہِ یُتھ ہیٚو سپدِ، اسہِ پزِ پانس یقین دیُن زِ أسؠ چھِ پزی تس سٟتؠ۔ اوٕ کِنؠ زِ خدا چُھ سانیٚو احساسو کھۅتہٕ زیادٕ معتبر تہٕ سُہ چُھ اسہِ متعلق سورےٕ زانان یتھ منٛز سون تس پٮ۪ٹھ بھروسہٕ تہِ چُھ۔21ٹاٹھیٚو یارو، ییٚلہِ اسہِ یہِ احساس گنہِ زِ خدا چُھنہٕ اسہِ پننٮ۪و گنہو سببہٕ سزا دِوان، تیٚلہِ پزِ اسہِ اعتماد سان خدایس دعا منگُن۔22أسؠ چھِ زانان زِ ییٚلہِ أسؠ خدایہِ سنٛز عبادت اعتمادٕ سان کران چھِ تہٕ چُھس کینٛہہ منٛگان، سُہ چُھ اسہِ تہِ دِوان۔ أسؠ چھِ اعتمادٕ سان تس یتھٕ پٲٹھؠ عبادت کران تکیازِ تمؠ سنٛز عبادت کرن والیٚن لوٗکن ہنٛدؠ پٲٹھؠ چھِ أسؠ تی کران یہِ سُہ اسہِ حکم کران چُھ تہٕ أسؠ چھِ کران تہِ یہِ تس خوش کرِ۔23بہٕ ونَو توٚہہِ خدا کیا چُھ اسہِ کرنُک حکم دِوان۔ اسہِ پزِ تٔمسنٛدِس گۅبرس یسوع مسیحؔ ہس پٮ۪ٹھ پژھ کرٕنؠ۔ اسہِ پزِ اکھ أکِس لول تہِ برُن یتھٕ پٲٹھؠ یسوع اسہِ حکم کران چُھ۔24یِم لوٗکھ تی کرن یہِ خدا حکم دِیہ۔ تِم چھِ زُوان خدایہِ سٕنٛدِس شراکتس منٛز۔ تہٕ خدا چُھ پنٕنؠ زندگی یِمن سٟتؠ گُذاران۔ بہٕ ونَو توٚہہِ خدا کِتھہٕ پٲٹھؠ چُھ پنٕنؠ زندگی اسہِ سٟتؠ گذاران۔ اسہِ پزِ یقین تھاوُن تکیازِ اسہِ منٛز چُھ خدایہِ سُنٛد روح یُس تٔمؠ اسہِ دیُت۔
Bridge Connectivity Solutions Pvt. Ltd.