1 یوحناؔ5
1تِم سٲری یِم یقین چھِ کران زِ یسوع چھِ مسیحؔ، تِم چھِ روحٲنی طور خدا سٕنٛدؠ شُرؠ۔ وۅنؠ، یُس تہِ کٲنٛسہِ لول برِ یُس مول چُھ تہٕ برِ بالکل پنٛنِس شُرِس تہِ لول۔ لہٰذا یوٚدوے أسؠ یسوعس پٮ۪ٹھ یقین چھِ تھاوان، تیٚلہِ چھِ أسؠ خدایس لول بران، تہٕ امہِ موجُب پزِ اسہِ پننؠن ایماندار سٲتھین تہِ لول برُن۔2أسؠ ہیٚکو یقینی بنٲوِتھ زِ أسؠ چھِ پٔزؠ پأٹھؠ باقین لول بران یم یہٕ یقین چھِ کران زِ یسوع چُھ مسیحؔ ییٚلہِ أسؠ خدایس لول چھِ بران تہٕ چھِ تی کران یہٕ سُہ اسہِ کرنُک حکم چُھ دِوان۔3بہٕ چُھسو ونان یہِ توٕ کِنؠ زِ خدایس لول برُن گوو تہِ کرُن یہِ اسہِ سُہ حکم کرِ۔ تہٕ تہِ کرُن چُھنہٕ کینٛہہ مشکل یہِ سُہ اسہِ حکم کرِ۔ 4یہِ چُھ وجہہ زِ تہِ کرُن کیازِ چُھنہٕ مشکل یہِ خدا اسہِ حکم کرِ۔ أسؠ سٲری یِم خدایہِ سٕنٛدؠ روحٲنی شُرؠ چھِ، بنیاے تتھ رد کرنس لایق یہِ اسہِ بے ایمان لوٗکھ کرُن ونان چھِ۔ أسؠ کیازِ چھِ زیادٕ بل ویر تٔمہِ پرٮ۪تھ چیزٕ کھۅتہٕ یُس خدایس خلاف چُھ۔ اتھ تہِ چُھ اکھ وجہہ۔ یہِ چُھ اوٕ کِنؠ زِ اسہِ چُھ یسوعس پٮ۪ٹھ یقین۔5بہٕ ونو خدایس مخالِف پرٮ۪تھ کُنہ چیزٕ کھۅتہٕ کُس چُھ بل ویر۔ یہِ چُھ سُہ پرٮ۪تھ کانٛہہ یمس ایمان چُھ زِ یسوع چُھ خدایہِ سُنٛد گۅبُر۔6یسوع مسیحؔ چُھ سُہ اکھ یُس زمینہِ پٮ۪ٹھٕ ووٚتھ خدایہِ سٕنٛدِ طرفہٕ تہٕ تروون بپتسمہ ہُک آب تہٕ رتھ صلیبس پٮ۪ٹھ مرنُک۔ خداین ورشوو زِ تٔمؠ سوز پٔزی یسوع نہ صرف ییٚلہِ یوحناہن یسوعس بپتسمہ دیُت آبہٕ سٟتؠ تہ بلکہِ ییٚلہِ یسوع سُنٛد رتھ تسنٛدِ بدنہٕ پٮ۪ٹھٕ ٹھینٛچہِ ووٚتھ ییٚلہِ سُہ مود تہٕ خدایہِ سُنٛد روح چُھ اعلان کران پزرٕ سان زِ یسوع مسیحؔ ہن کٔرؠ یِم چیز پزے۔7اوے چھےٚ ترےٚ وتہٕ یمہِ کِنؠ أسؠ زانو زِ یسوع چُھ مسیحؔ یُس خدایہِ سنٛدِ طرفہٕ آو۔8تِم ترےٚ وتہٕ چھےٚ: یہِ خدایہِ سُنٛد روح کیا ونہِ اسہِ کیا ہیٚو سپُد ییٚلہِ یوحناہن یسوعس بپتسمہ دیُت آبہٕ سٟتؠ۔ تہٕ کیا ہیٚو سپُد ییٚلہِ یسوع سُنٛد رتھ ٹھینٛچہِ ووٚتھ تسٕنٛدِ بدنہٕ پٮ۪ٹھٕ ییٚلہِ سُہ صلیبس پٮ۪ٹھ مود۔ یِم ترےٚ چیز چھِ اسہِ اکےٕ کتھ ونان زِ یسوع آو خدایہِ سنٛدِ طرفہ۔9أسؠ چھِ بھروسہٕ کران لوٗکن ہنٛزِ کتھہِ پٮ۪ٹھ ییٚلہِ اسہِ کُنہِ چیزُک فٲصلہٕ آسہ کرُن۔ مگر أسؠ ہیٚکو ژوٚر بھروسہٕ کٔرِتھ یہِ خدا اسہِ ونہِ۔ اوے دِیو مےٚ وننہٕ یہِ خداین اسہِ ووٚن پننِس گۅبرس متعلق زِ تسُنٛد گۅبُر کُس چُھ۔10گۅڈٕ دِیو مےٚ وننہٕ خدایہِ سٕنٛدِس گۅبرس پٮ۪ٹھ بھروسہٕ کرن وٲلؠ چھِ برونٛٹھےٕ زانان زِ خدا یہِ تس متعلق ونان چُھ، تہِ چُھ پوٚز۔ وۅنؠ گوو خدایس پٮ۪ٹھ یقین نہ تھاون وٲلؠ چھِ تمِس اپٕزؠ یور زانان، تکیازِ تِمو کوٚر نکار تتھ یقین کرنس یہِ خداین پننس گۅبرس متعلق درشوو۔11وۅنؠ گۅ خداین ووٚن اسہِ یہِ پننِس گۅبرس متعلق، "مےٚ دِژٕو توٚہہِ پوشوٕنؠ زندگی تہٕ میون گۅبُر چُھ سُہ یمؠ یہِ زندگی ممکن بنٲو۔"12تِم یِم خدایہِ سٕنٛدِس گۅبرس یسوعس سٟتؠ زندگی گُزاران چھِ، تِموےٕ ہیٚژ خدایس سٟتؠ پوشوٕنؠ زندگی گُذارٕنؠ۔ تِم یِم خدایہِ سنٛدِس گۅبرس سٟتؠ زندگی گُذاران چھِنہٕ، تِمو کٔر نہٕ پوشوٕنؠ زندگی شروع۔13اوِ کِنؠ زِ بہٕ چُھس یژھان زِ توٚہؠ زٲنِو زِ توٚہؠ روزیٚو ہمیشہٕ زنٛدٕ، توے لیٚوکھم یہِ نامہٕ توٚہہِ۔ یہِ چُھ تُہنٛدِ باپتھ یِمن ایمان چُھ زِ یسوع چُھ خدایہِ سُنٛد گۅبُر۔14بہٕ چُھس یِتہِ یژھان زِ توٚہؠ زٲنِو زِ أسؠ ہیٚکو بڈٕ اعتمادٕ سان روزِتھ زِ خدا چُھ یژھان تہِ کرُن یہِ أسؠ مونٛگو یمہِ وِزِ أسؠ دعا چھِ کران۔15توٕ کِنؠ زِ أسؠ چھِ زانان زِ خدا چُھ یژھان اسہِ دیُن یہ کینٛژھا تہِ أسؠ تس مونٛگو۔ یوٚدوے یہِ تہِ چُھ یہِ سُہ یژھان چُھ، تیٚلہِ چھِ أسؠ زانان زِ خدا چُھ اسہِ تہِ برونٛٹھےٕ دِوان یہِ تس أسؠ منٛگان چھِ۔16مثالہِ پٲٹھؠ، فرض کرو زِ کانٛژھا چُھ کٲنٛسہِ سٲتھی ایماندارس تیُتھ گناہ کران وُچھان یمہِ سٟتؠ نہٕ سُہ پننس خدایس نِش ہمیشہٕ باپتھ ژھٮ۪نہٕ تہِ گژھِ۔ تیٚلہِ پزِ تمِس پرژھُن خدایس زِ یہِ گناہ کرن وول انُن واپس وتہِ پٮ۪ٹھ۔ یوٚدوے سُہ یہِ کرِ تیٚلہِ پھرِ خدا تمِس نفرس بیٚیہِ واپس روحٲنی زندگی منٛز۔ وۅنؠ گوو بہٕ چُھس یہِ ونان چھرا تِمن لوٗکن متعلق یِم پانس کُن تیُتھ گناہ کرن یمہِ سٟتؠ نہٕ تِم ہمیشہٕ باپتھ خدایس نِشہ ژھٮ۪نہٕ گژھن۔ یتہِ چُھ گناہ یُس لوٗکن ہمیشہٕ خٲطرٕ خدایس سٟتؠ ژھٮ۪نہٕ گژھنک سبب چُھ بنان۔ بہٕ چُھسو نہٕ ونان زِ توٚہؠ کٔرِو تِتھؠ گناہ کرن والیٚن ہنٛدِ باپتھ تہِ دعا۔17پرٮ۪تھ کانٛہہ غلط کٲم یۅسہ لوٗکھ کرن چُھ گناہ خدایس خلاف۔ وۅنؠ گوو کینٛہہ گناہ چھِ تِتھؠ تہِ یِمنہٕ أکِس نفرس خدایس نِشہ ژھٮ۪نہٕ کرن۔18أسؠ چھِ زانان زِ پرٮ۪تھ کانٛہہ یُس تہِ خدایہِ سُنٛد روحٲنی گۅبُر یا کور بنہِ، کرن نہٕ لٔگؠ تھےٕ گناہ بلکہ کرِ یتھِس نفرس خدایہِ سُنٛد گۅبُر حفاظت۔ تاکہِ سُہ بد روح شیطان واتناونہٕ أمِس کانٛہہ دُکھ۔ 19أسؠ چھِ زانان زِ أسؠ چھِ خدایہِ سنٛدؠ۔ أسؠ چھِ یِتہِ زانان زِ سُہ بد روح شیطان چُھ تمام بے ایمان لوٗکن پننِس حکمس تل رٔٹِتھ۔20أسؠ چھِ یِتہِ زانان زِ خدایہِ سُنٛد گۅبُر آو اسہِ منٛز تہٕ بنووُن سانہِ باپتھ یہِ سمجھُن ممکن زِ پزر کیا چُھ۔ تٔمؠ کوٚر یہِ تاکہِ أسؠ زانون پزنہٕ پٲٹھؠ پوٚز خدا۔ تہٕ أسؠ چھِ أمسےٕ پٔزِس خدایس سٟتؠ پنٕنؠ زندگی زُووان۔ یعنی تٔمؠ سٕنٛدِس گۅبرس یسوع مسیحؔ ہس سٟتؠ۔ یسوع چُھ پزی خدا تہٕ سُہ چُھ یہِ اسہِ پوشوٕنؠ زندگی دِوان۔21بہٕ چُھسو یہِ توٚہہِ ونان یِم مےٚ تیتؠ ٹٲٹھؠ چُھو زنتہٕ توٚہؠ میٲنؠ پنٕنؠ شُرؠ چُھو: "خبردار روزیٚو یُتھنہٕ زانہٛہ کٲنٛسہِ اپزِس خدایس پان حوالہٕ کٔرِو۔"
Bridge Connectivity Solutions Pvt. Ltd.