Luke21
1พระเยซูแหงนหน้าขึ้นเบิ่งแนมเห็นคนรวยเอาเงินมาถวายใส่ตู้2ละพระเยซูแนมเห็นแม่หญิงม่ายผู้นึ้ง ซึ่งเป็นคนขี้ทุกข์ เอาเหรียญทองแดงสองอันมาใส่นำ3พระเยซูจั่งเว้าว่า"เฮาบอกท่านทั้งหลายแท้ๆว่า แม่หญิงม่ายขี้ทุกข์ผู้นี้เป็นผู้ที่ถวายหลายกว่าหมู่"4ย้อนว่าซุคนเอาเงินเหลือใซ้มาถวาย แต่แม่หญิงขี้ทุกข์ เอาเงินที่สุดผู้นี้ ยังเอาเงินที่มีอยู่สำหรับเลี้ยงซีวิตมาใส่จนเบิ๊ด"5บัดยามผู้หลั่งคนเว้าย้องว่าโบสถ์ตกแต่งไว้ย้อนหินงามและของถวายต่างๆ พระเยซูจั่งเว้าว่า6"ของซุมแนวนี้ที่ซุมเจ้าเห็นสิมีจักมื้อนึ้งที่"ิบ่อมีก้อนหินซ้อนทับกันแม้แต่ก้อนเดียว แต่สิถืกทำลายลงเบิ๊ด7ซุมพวกเขาจั่งถามพระเยูว่า"พระอาจารย์ เหตุการณ์ซุมพวกนี้สิเกิดขึ้นมื้อได๋ อิหยังสิเป็นแนวบอกว่าสิเกิดขึ้นแล้ว"8พระเยซูจั่งเว้าว่า "ระวังให้ดี อย่าให้ผู้ได๋ตั๊วเจ้าให้หลง ย้อนว่าสิมีหลายคนมาอ้างซื่อ"องเฮาและบอกว่า "เฮาเป็นผู้นั้น ละบอกว่า เวลานั้นใกล้เข้ามาแล้ว อย่านำซุมพวกเขาไปเลย9ยามซุมเจ้าได้ยินเรื่องสงครามและการจลาจล อย่าตื่น ย้อนว่าของแนวนี้จำเป็นต้องเกิดขึ้นก่อน แต่มื้อสิ้นยุคยังมาบ่อฮอด"10แล้วพระเยซูเว้ากับซุมพวกเขาว่า "คนซุผู้ซุคนและประเทศซุประเทศ สิสู้รบกัน"11ทั้งสิเกิดแผ่นดินไหว ขาดแนวกิน และโรคระบาดในซุบ่อนซุที่ ละสิเกิดความเป็นตาย่านและมีแต่แนวใหญ่ๆ จากสวรรค์12ตะก่อนที่สิเกิดเหตุการณ์แนวนั้น ซุมพวกเขาทั้งเบิ๊ดสิคุบซุมพวกเจ้าไว้ ละสิทำโทษแล้วจั่งสิส่งมอบโตเจ้าไปศาลและขังคุก ละสิพาเจ้าไปอยู่ต่อหน้ากษัตริย์และเจ้าเมือง ย้อนซุมพวกเจ้าอยู่กับเฮา13แนวที่สิเกิดกับซุมพวกเจ้า ย้อนให้เจ้าได้เว้าความจริง14จั่งซั่นเจ้าสิต้องจื่อไว้ว่า บ่อต้องเกียมว่าสิแก้คดีแนวได๋15ย้อนว่าเฮาสิให้คำเว้าและความคิดแก่เจ้า ซึ่งซุมพวกศัตรูของเจ้าทั้งเบิ๊ดสิต่อต้านและคัดค้านบ่อได้16แม้แต่พ่อกับแม่ ญาติพี่น้องและหมู่พวก กะสิมอบโตซุมพวกเจ้า ละซุมพวกเขาสิฆ่าซุมพวกเจ้าหลางคน17ซุผู้ซุคนสิซังซุมพวกเจ้าย้อนซื่อของเฮา18แต่ผมสักเส้นนึ้งของเจ้ากะสิบ่อเสียไป19ซุมพวกเจ้าสิได้ซีวิตรอด ย้อนความอดทนของซุมเจ้า20"บัดยามซุมพวกเจ้าเห็นกองทัพมาอ้อมกรุงเยรูซาเล็ม จั่งว่าความพินาศของเมืองนั้นจ้อเข้ามาแล้ว"21ยามนั้นให้ซุมคนที่อยู่ในแคว้นยูเดียหนีไปเทิงภูเขา และซุมคนที่อยู่ในเมืองให้ออกมาจากฮั่น ละซุมคนที่อยู่นอกเมือง กะอย่าให้เข้ามาในเมือง22ย้อนว่าเวลานั้นเป็นมื้อแห่งการลงโทษ เพื่อสิให้ซุแนวที่เขียนไว้นั้นเกิดขึ้น23ในมื้อเหล่านั้น ความพินาศต่อแม่หญิงที่ได้ลูกและมีลูกน้อยกินนมอยู่ ย้อนว่าสิมีความทุกข์โศกใหญ่หลวง และความฮ้ายสิตกแก่ซนซาตินี้24ซุมพวกเจ้าสิล้มลงย้อนดาบละสิถืกจับเป็นเชลยละคนต่างซาติสิซ้ำเติมกรุงเยูซาเล็ม จนกว่าเวลาของซุมคนต่างซาตินั้นสิครบ25สิมีหมายสำคัญที่ตะเว็น ที่อีเกิ้ง และดาวทั้งเบิ๊ด และเทิงแผ่นดินนั้น ซุซาติ กะสิมีความทุกข์ยากและความงึด ย้อนเสียงกึกก้องของทะเลและคลื่น26มนุษย์สินอนสลบย้อนความย่าน ย้อนว่าจากสังหรณ์ฮอดเหตุการณ์ที่สิเกิดขึ้นในโลก ย้อนว่าแนวที่มีอำนาจในฟ้ากะสิสะเทือน27ละยามนั้นซุมพวกเขากะสิเห็นพระเยซูมาในเมฆด้วยอำนาจอันยิ่งใหญ่28บัดยามเหตุการณ์เหล่านี้เริ่มสิเกิดขึ้น จั่งลุกขึ้นยืนและตอดเงาขึ้น ย้อนว่าซุมพวกเจ้าสิได้รับการปลดปล่อยแล้ว"29พระเยซูจั่งเว้าผญาให้ซุมเขาฟังว่า "ให้เบิ่งต้นมะเดื่อและต้นไม้ทั้งเบิ๊ด"30ยามผลิใบซุมพวกเจ้ากะเห็นได้เองและฮู้อยู่ว่า ฤดูฮ้อนใกล้สิมาฮอดแล้ว31จั่งซั่นหละ บัดยามเจ้าทั้งเบิ๊ดเห็นเหตุการณ์ที่เกิดขึ้น กะให้ฮู้ว่าพระเจ้าใกล้สิมาฮอดแล้ว32เฮาบอกความจริงกับซุมพวกเจ้าว่า คนในสมัยนี้สิบ่อตายไปจนกว่าซุแนวสิเกิดขึ้น33ฟ้าและดินสิเหี้ยไป แต่คำเว้าของเฮาสิอยู่ตลอดไป34"จั่งระวังโตให้ดี ย้อนย่านว่าใจของเจ้าสิเต็มไปด้วย การเสเพล การเมาเหล้า และการห่วงกังวลถึงซีวิตนี้ แล้วบัดยามนั้นสิมาฮอดเจ้าโดยบ่อคาดฝัน"35คือจั่งกับดัก ย้อนว่ามื้อนั้นกะสิมาฮอดซุผู้ซุคนที่อยู่ในแผ่นดินโลก36แต่จั่งเฝ้าระวังอยู่ตลอดเวลา จั่งอธิษฐานให้ซุมพวกเจ้าสิมีกำลังรอดพ้นเหตุการณ์ซุอย่างที่ิเกิดขึ้นนั้น ละสิยืนอยู่ต่อหน้าพระเจ้าได้"37พระเยซูสั่งสอนอยู่ในโบสถ์ตอนกลางเว็นและในตอนกลางคืน พระเยซูกะย่างออกไปเทิงภูเขาที่ซื่อมะกอกเทศ38ไทบ้านซุผู้ซุคนกะนำพระเยซูไปในโบสถ์แต่เซ้า เพื่อสิฟังพระองค์
Son Light Foundation