Luke22
1เทศกาลกินขนมปังไร้เซื้อที่เอิ้นว่าปัสกาจ้อมาแล้ว2ซุมพวกหวหน้าปุโรหิตกับซุมพวกอาจารย์ทวมหาป่องว่าสิฆ่าพระเยซูแนวได๋ ย้อนซุมพวกเขาย่านไทบ้าน3ซาตานเข้าดลใจยูดาสที่เอิ้นว่าอิสคริโอทซึ่งเป็นผู้นึ้งในลูกศิษย์สิบสองคน4ยูดาสไปปรึกษากับซุมพวกหัวหน้าปุโรหิตและซุมพวกนายทหารเฝ้ายามอยู่โบสถ์ว่าสิส่งโตพระเยซูให้กับซุมพวกเขาจั๋งได๋5ซุมพวกเขาดีใจและสัญญากับยูดาสว่าสิให้เงิน6ยูดาสจั่งยอมตกลงและคอยหาโอกาสเหมาะที่สิส่งโตพระเยซูให้กับซุมพวกเขายามบ่อมีคน7พอฮอดยามมื้อกินขนมปังร้เชื้อ ยามที่เขาสิฆ่าลูกแกะสำหรับปัสกา8พระเยซูใซ้เปโตรกับยอห์นไป สั่งซุมพวกเขาว่า "จั่งไปจัดเกียมปัสกาให้ซุมพวกเฮาไว้กิน"9ซุมพวกเขาจั่งถามพระเยซูว่า "สิให้ซุมพวกข้าน้อยจัดเกียมหม่องได๋"10พระเยซูเว้าตอบซุมพวกเขาว่า "ฮั่นหละยามเข้าไปในเมืองแล้ว สิมีผู้ซายผู้นึ้งยอหม้อน้ำมาพ้อ ผู้นั้นสิเข้าไปในเฮือนได๋ กะให้นำเข้าไปในเฮือนนั้น"11ละจั่งให้เว้ากับเจ้าของเฮือนว่า พระเยซูให้ถามเจ้าว่า "ห้องที่สิให้เฮากินปัสกากับซุมพวกลูกศิษย์ของเฮาอยู่หม่องได๋"12เจ้าของเฮือนสิซี้ให้เห็นห้องใหญ่ซั้นเทิงที่ตกแต่งไว้แล้ว บ่อนฮั่นหละที่ให้เกียมไว้เถาะ13ซุมเขาทั้งสองจั่งไปและพ้อคือจั่งที่พระเยซูเว้ากับซุมพวกเขา แล้วกะเกียมปัสกาไว้พร้อม14ยามฮอดเวลา พระเยซูนั่งลงและกินพร้อมกับซุมพวกลูกศิษย์15พระเยซูเว้ากับซุมเขาทั้งเบิ๊ด "เฮามีความตั้งใจอย่างยิ่งที่สิกินปัสกานี้กับเจ้า ก่อนที่เฮาสิถืกจับ"16เฮาบอกซุมเจ้าทั้งหลายว่า เฮาสิบ่อกินปัสกานี้อีกจนกว่าจะสำเร็จ ความหมายของปัสกานั้นในสวรรค์ของพระเจ้า"17พระเยซูหยิบถ้วย ยามขอบพระคุณแล้วจั่งเว้า"ให้ฮับถ้วยนี้ไปแบ่งกันดื่ม18เฮาบอกซุมเจ้าทั้งหลายว่า เฮาสิบ่อดื่มจากผลขององุ่นอีกต่อไปจนกว่าสวรรค์พระเจ้าสิมา"19พระเยซูจั่งหยิบขนมปัง ยามขอบพระคุณแล้วก็ักส่งให้ซุมพวกเขา เว้าว่า "นี่เป็นกายของเฮา ซึ่งให้ไว้สำหรับซุมพวกเจ้าทั้งเบิ๊ด จั่งเฮ็ดแนวนี้เพื่อเป็นการคึดเถิงเฮา"20ยามกินแล้ว จั่งหยิบถ้วยและเฮ็ดแนวคือกันเว้าว่า "ถ้วยนี้ที่ถอกออกมาให้ซุมเจ้าซุผู้ซุคน เป็นพันธสัญญาใหม่โดยเลือดของเฮา"21แต่มือของผู้ที่สิทรยศเฮากะอยู่กับเฮาในโต๊ะนี้22ย้อนพระเยซูสิไปคือที่เว้าไว้แต่ก่อนแล้ว แต่ความพินาศสิมาฮอดผู้นั้นที่ทรยศเจ้า"23ซุมพวกเขาจั่งเริ่มถามกันและกัน ว่าผู้ได๋ในซุมพวกเฮาที่สิเฮ็ดแนวนั้น24มีการโต้เถึยงกันในซุมพวกลูกศิษย์ว่า ไผ๋ในซุมพวกเขาที่นับว่าเป็นใหญ่25พระเยซูจั่งเว้ากับซุมพวกเขาว่า "กษัตริย์ของคนต่างชาติ ย่อมเป็นเจ้านายเหนือซุมเขาทั้งหลาย ละผู้ที่มีอำนาจเหนือซุมเขานั้น เอิ้นเจ้าของว่า เจ้าบุญนายคุณ"26แต่ซุมพวกเจ้าสิบ่อเป็นแนวนั้น ในซุมพวกเจ้าคนที่เป็นใหญ่ต้อเป็นคือเด็กน้อย และคนที่เป็นนายต้องเป็นคือจั่งคนใซ้27ไผ๋เป็นใหญ่กว่ากัน ผู้ที่นั่งกินหรือผู้เฮ็ดนำ ผู้ที่นั่งกินบ่อแม้นบ่อ แต่ว่าเฮาอยู่ท่ามกลางซุมพวกเจ้าคือกับคนใซ้28"เจ้าทั้งเบิ๊ดเป็นคนที่อยู่กับเฮาในยามที่เฮาถืกทดลอง"29พระเจ้าจัดเกียมและมองอาณาจักรให้กับเฮาจั่งได๋ เฮากะเกียมและมอบให้ซุมพวกเจ้าคือกัน30เพื่อที่เจ้าทั้งเบิ๊ดสิได้กินและดื่มอยู่โต๊ะของเฮา ในอาณาจักรของเฮา ละเจ้าสิได้นั้งเทิงบัลลังก์ตัดสินอิสราเอลสิบสองเผ่า31"ซีโมน ซีโมนเอ๋ย นี่แนะ ซาตานขอซุมพวกเจ้าไว้ เพื่อสิฟัดเอาคือฟัดเม็ดข้าวสาลี32แต่เฮาอธิฐานให้โตเจ้า เพื่อความเซื่อของเจ้าสิบ่อได้ขาด ละยามเจ้าหันคืนเมือแล้ว จั่งซุกำลังพี่น้องทั้งเบิ๊ดของเจ้า"33เปโตรจั่งเว้ากับพระเยซูว่า "องค์พระผู้เป็นเจ้า ข้าน้อยพร้อมแล้วที่สิไปนำพระองค์ เถิงสิต้องติดคุกหรือสิตาย"34พระเยซูเว้าว่า "เปโตรเอ้ย เฮาบอกเจ้าว่า มื้อนี้ก่อนไก่ขัน เจ้าสิปฏิเสธบ่อฮู้จักเฮาสามทื่อ"35พระเยซูจั่งเว้าถามซุมพวกลูกศิษย์ว่า "ยามเฮาใซ้ซุมพวกเจ้าออกไปโดยบ่อมีเงินหรือย่ามหรือเกิบนั้น เจ้าขาดหยังแน" ซุมพวกเขาตอบว่า "บ่อขาดหยังเลย"36พระเยซูจั่งเว้ากับซุมเขาว่า "แต่ตอนนี้ไผ๋มีถุงเงินให้เอาไปนำ มีย่ามกะให้เอาไปคือกัน ละผู้ที่บ่อมีดาบกะให้ขายเสื้อไปซื้อดาบ"37เฮาบอกซุมเจ้าซุผู้ซุคนว่า แนวที่แล้วเขียนไว้แล้ว สิต้องสำเร็จในเฮา คือที่ว่า เจ้าถืกนับเข้ากับคนซั่ว ย้อนว่าแนวที่เล็งฮอดเฮานั้นทวมสิสำเร็จแล้ว38ซุมพวกเขาเว้าตอบว่า "องค์พระผู้เป็นเจ้า นี่แน่ะ มีดาบสองเล่ม" พระเยซูเว้ากับลาวว่า "พอแล้ว"39พระเยซูย่างออกไปที่ภูเขามะกอกเทศตามเคย ละซุมพวกลูกศิษย์ของพระองค์กะนำไป40ยามไปฮอดฮั่นแล้ว พระเยซูเว้ากับซุมพวกเขาว่า "จั่งอธิษฐานเพื่อสิได้บ่อตกอยู่ในการทดลอง"41แล้วพระเยซูย่างไปจากซุมพวกเขาไกลท้อระยะดึกหินละคุกเข้าลงอธิษฐาน42ว่า " ข้าแต่พระเจ้า ถ้าพระองค์พอใจ ขอให้ถ้วยนี้เลื่อนพ้นไปจากข้าพระองค์ แต่จั่งได๋กะดี อย่าให้เป็นไปตามใจข้าพระองค์ แต่ให้เป็นไปตามใจของพระองค์"43(มีเทวดาผู้นึ้งมาจากสวรรค์ปรากฏต่อหน้าพระเยซูและซ่อยซูกำลังพระเยซู)44บัดยามพระเยซูต้องเป็นทุกข์ พระองค์กะแฮงอธิษฐานแบบจริงจัง เหงื่อของพระองค์เป็นคือเลือดเม็ดใหญ่ไหลลงดิน45ยามลุกขึ้นจากการอธิษฐานแล้ว พระเยซูย่างมาหาซุมพวกลูกศิษย์ พ่อว่าซมพวกเขาหลับย้อนความทุกข์โศก46พระเยซูจั่งเว้ากับซุมเขาว่า "หลับอยู่เฮ็ดหยัง ให"ลุกขึ้นอธิษฐาน เพื่อเจ้าสิบ่อตกอยู่ในการทดลอง47พระเยซูเว้ายังบ่อทันขาดคำ นี่หละ มีคนหลายคนและคนที่ซื้อยูดาส ที่เป็นผู้นึ้งในลูกศิษย์สิบสองคนนั้น นำหน้าซุมพวกเขามา ยูดาสเข้ามาใกล้พระเยซูเพื่อจูบพระองค์48แต่พระเยซูเว้าถามเขาว่า "ยูดาส เจ้าสิส่งโตเฮาด้วยการจูบบ่อ"49บัดซุมพวกลูกศิษย์ของพระเยซูเห็นว่ากำลังสิเกิดหยังขึ้น ซุมพวกเขาจั่งถามพระเยซูว่า "องค์พระผู้เป็นเจ้า ให้ซุมพวกข้าน้อยเอาดาบมาสู้บ่อ"50ผู้นึ้งในซมพวกสาวกฟันทาสของมหาปุโรหิต ถืกหูข้าวขวาขาด51แต่พระเยซูเว้าว่า "พอเถาะ" แล้วพระองค์จับหูของผู้นั้นและปัวลาว52พระเยซูเว้ากับพวกหัวหน้าปุโรหิต ซุมพวกนายทหารเฝ้ายามโบสถ์ ละซุมพวกผู้ใหญ่ที่ออกมาคุบพระเยซูนั้นว่า "ซุมพวกเจ้าเห็นเฮาเป็นโจรบ้อ คือสิได้ถือดาบถือกระบองออกมา"53ยามที่เฮาอยู่นำซุมพวกเจ้าในโบสถ์ซุมื้อ เจ้าบ่อยอมมาคุบเฮา จั่งได๋กะตาม นี่เป็นยามของซุมพวกเจ้า และเป็นอำนาจของความซั่ว54ซุมพวกเขากะคุบพระเยซู พาเข้าไปในเฮือนของมหาปุโรหิต เปโตรกะนำพระเยซูไปห่างๆ55ยามซุมพวกเขาดังไฟอยู่กลางลานบ้านและนั่งลงนำกัน เปโตรกะนั่งอยู่ในซุมพวกเขา56มีสาวใซ้ผู้นึ้ง เห็นปโตรนั่งอยู่ในแสงไฟ จั่งแนมเบิ่งแล้วเว้าว่า "ผู้นี้กะอยู่นำเขานำ"57แต่เปโตรกะปฏิเสธว่า "แม่หญิงเอ้ย ผู้นั้นข่อยบ่อฮูจัก"58แปบนึ้งกะมีอีผู้นึ้งเห็นเปโตร จั่งเว้าว่า "เจ้าเป็นคนของซุมพวกนั้นนำ" เปโตรจั่งเว้าว่า "ผู้บ่าวเอ้ย ข่อยบ่อได้เป็น"59ต่อมาอีกหนึ่งชั่วโมง มีอีกผู้นึ้งยืนยันอย่างมั่นใจว่า "แม้นแท้ ผู้นี้อยู่นำเขา ย้อนว่าเป็นคนกาลิลี"60แต่เปโตรเว้าว่า "ผู้บ่าวเอ้ย ที่เจ้าเว้าฮั่น ข่อยบ่อฮู้เรื่อง"บัดเปโตรทวมเว้ายังบ่อทันขาดคำ ไก่กะขัน61พระเยซูแนมเบิ่งเปโตร แล้วเปโตรกะคึดพ้อคำเว้าของพระเยซูที่เว้ากับลาวว่า "มื้อนี้ก่อนไก่ขัน เจ้าสิปฏิเสธเฮาสามเทื่อ"62แล้วเปโตรกะออกไปทางนอก ไห้ย้อนความทุกข์ใจ63ซุมพวกที่คุมพระเยซูกะเยาะเย้ย ตีพระองค์64ละบัดยามซุมพวกเขาเอาผ้าปิดตาของพระเยซูแล้ว ซุมพวกเขากะถามว่า "ทายเบิ่งดู๋ ว่าไผ๋ตบเจ้า"65แล้วซุมพวกเขายังเว้าคำหยาบใส่พระเยซูอีกหลายอย่าง66พอตอนเซ้า ซุมพวกผู้ใหญ่ของไทบ้านกับซุมพวกหัวหน้าปุโรหิตและซุมพวกธรรมมาจารย์กะมาประชุมกัน เขาพาพระเยซูเข้าไปในสภาของซุมพวกเขาและเว้าว่า67"ถ้าเจ้าเป็นพระคริสต์ กะจั่งบอกเฮา" แต่พระเยซูตอบเขาว่า "เถิงเฮา บอกซุมพวกเจ้า เจ้ากะบ่อเซื่อ"68ละเถิงเฮาถามเจ้า เจ้ากะบ่อตอบเฮา69จั่งได็กะตาม ตั้งแต่นี้ไป เฮาสินั่งด้านขวาของพระเจ้าสูงสุด70ซุมพวกเขาซุคนจั่งถามว่า "เจ้าเป็นพระบุตรของพระเจ้าบ้อ" พระองค์เว้ากับซุมพวกเขาว่า กะเจ้าเว้าแล้วว่าเฮาเป็น"71ซุมพวกเขาจั่งเว้าว้า "เฮาต้องการพยานอีหยังอีก" ย้อนว่าเฮาได้ยินจากปากของลาวเองแล้ว"
Son Light Foundation