Meng Lai73
Asaf kowh meng.
1Thurai dow Israeluüa tut-e lainowmma iung khai,aia dow saktuak achinawmma miuüa tut-e lainowmma iung khai.2Nachenganchepaw ang dow tim kown nau ditchow towbowt diah,ang kowh owmra tama kown nau ditchow towbowt diah.3Tawngplawng kowchow panow maru ngakuüa dow asowrma ka uowi reng chekhai;naiawngün bawrima miuüa kowi ang khi hanow ang irsi khai.4Amatni kowh dow tawng iawng mih krat pusara uowi dowi chekhai;amatni kowh kow paw aiungma hai akürma chekhai.5Akeng mih maru kla phih iawng amatni dow kla phih dowi chekhai,akeng miuüa kawmkrat iawng amatni dow kawmkrat dowi chekhai.6Naiawng rakowi amatni dow amatni kowh bawri mih kuh leng iawng krawi tüngah büah khai,now amatni krawi chang nowng mih dow khup dawnguan sar iawng krawi tüngah büah khai.7Amatni dow kau lai bowt kowh mik tapit prang towbowt,amatni kowh sak kowi dow sangkrangra ngak kangowh chekhai.8Amatni dow maru kowi prawngren laiklow hai lai ngak chowtaih krawi tek reng,abawrima hown maru kowi chang nowng kownkow thawp prengia ngak reng chekhai.9Amatni dow mukuang Thurai kowi kingküala mih laiklow tek reng chekhai,now lusa kowi kowh maru maten kowi amatni low iawng krawi pe uowiah khai.10Naiawng rakowi Thurai maru-uüa dow tiama ngak prakowi plan büah khai,now maru ngakuüa tekah mih laiklow anowm pahai ka tuak büah khai.11Amatni dow tek mih, “Tawng iawng chow Thurai tuk kown pe?Tawng chow own mih tawngpaw Thurai tuk dowi,” pakhai.12Maru ngakuüa dow maiawng chekhai;amatni dow asowrma hown dawngthawnguan mih pawngah büah khai.13Saktuak chinawmma ang uowi mih tawngpaw asung uowi dowi,chang lup ngak dowi hown ang uowi mih tawngpaw mrawk dowi chekhai.14Ni chut chi ang kham ngare khai,rau towng ang ka ripra reng chekhai.15“Thurai tuk kown pe bow?” pami ang krawi tek dowi;ang krawi tek e en maru-uüa tut-e kaah sakowm dowi mih maru ang nachowng kown.16Maru ngakuüa ka iungra mih lawnguan kowi natuk kownkow ang paw tuak chowdiah.Tawkche naiawngün lawnguan mih ang tut-e lainowmma krat chekhai.17Nachenganchepaw aw Thurai, en kowh kim chimsaima mih kowi ang uowi khe,achur kowi naiawngün maru-uüa tawng chow naown kown mih ang tuk khai.18Amatni kowi dow aklaima mih rah kowi en towah khai,amatni kowi dow piak rakowi en kuakah mih chekhai.19Amatni dow linlanma sang natapiak kown,amatni dow kramra uowima mih phih hown asaima natama kown.20Mang lak kowi khi-ah mih maten dow thowr müi hanow tama bowk chekhai,aw CHAKRAMANG, en awr rü hanow nami iawng maru ngakuüa paw natama kown.21Ang kunmarau lai kowh sak kowi rau mih khin khe abualama ang uowi khai,now tawngpaw asung uowi dowi mih iawng ang uowi khai.Nami khin khe en pur kowi prengia uowi dowi mih tawncher iawng ang na khai.23Nachenganchepaw atungma en hown ang taiua uowi reng chekhai;en dow ang kowh hawmlawm rut kowi dowk ang reng chekhai.24En low iawng hai en kruitown ang reng chekhai,achur kowi ang naka kraingra kownkow en kruitown ang mih chekhai.25Mukuang pren kowi dow en chowtaih ang kowh lowra sia,ang ka en rakowi lusa kowi paw tawngpaw ang nau mih sia uowi dowi bowt.26Ang kowh kow hai sak dow napiak rürü chepaw naia;nachenganchepaw aw Thurai, en chowtaih ang kowh kürra,now en chowtaih ang kowh chowngchowng saksakma mih dawngthawnguan.27Aw Thurai, en hownia alakma kowi uowi miuüa dow nachur bowk kown;en kaah sakowm iawng uowi dowi miuüa kowi dow en napiakta bowk kown.28Nachenganchepaw ang vüi dow Thurai hown taiua uowi mih lainowmma iung;CHAKRAMANG Thurai kowi mih ang kowh tatung tanimra ang changla khai.Naiawng rakowi aia kowh lup lawnguan maten ang naphuang reng kown.The Seed Company