1 Koliito14
Ndongisili mu tsalili bungodu bu Livupu mutso mabundu
1Ni mu buuna, baasahaani ubaha hati a tsomi litondo. Baasahaani kaka ubaha bungodu bu Livupu la Ngidi bwosi, ka hi hyafulala tsoongo, ni bungodu bu ubihula.2Wu li mu utoyo mu ndaha yi bumwenyi, a habaatoyo huli baatu ve, ka huli Nzambi. Mu tooni ati, a hu li na muutu wu li mu utsikaha ma nde ali mu uleele ve. Mu matwala ma Livupu, nde li mu uyaabisa matswehi.3Ka wu ubaabihula, ubaatoyo huli baatu. Nde ubaakulasa imiinu hya bo, mu uhwadisa bo na ubombesele bo.4Ni mu buuna, muutu wu li mu utoyo mu ndaha yi bumwenyi, ubaahwadisa nde mwakulu mu imiinu. Ka muutu wu ubaabihula, ubaahwadisa libundu loosi.5Me tondi ti benu boosi libaatoyo mandaha ma bumwenyi, ka me pfulitondo ti benu libaabihula. Mu mbuli, muutu wu ubaabihula, tsoongo bele a wu ubaatoyo ndaha yi bumwenyi ve. Tso mumosi ŋa hati la benu ubaatoyo ndaha yi bumwenyi, hwafwana uba na muutu wu ukaabindula yo, mana libundu loosi likula mu imiinu.6Na bunuubu baana ba ngu, tso me nzidi huli benu, na tso me toyili benu mu ndaha yi bumwenyi, ki kaluha benu luubaha? Kaluha ve, beedi bubwe, me mbehele benu mambu ma nzabisili, ma nzaabili, ma mbihulili, buuve ma ndongisili.7Livolwaani ifwaani hi bisihili bya nyimbu we muvembe na kuda, tso byo a bili mu upalisa munyingu wu asobohono ve, buni luutwala uyaaba ti muniingu mo wunuuwu wu muvembe, buuve wa kuda?8Tso kulambeete a yipalisi muniingu wa tsiki ve, buni balwani buuyaaba tso bo baamiivangama mu mudingu?9Bumosi kaka, buni baatu buutsikaha ma benu lili mu utoyo, tso mambu ma benu lili mu upalisa, a mali tsiki ve? Benu lili mu utoyo mu pu.10Hu li mandaha ma pila mu pila mu tsi, ka a hu li na ndaha tso mosi yi yaavele na lisuunga ve.11Ka, tso me a handi mu utsikaha ndaha yi me ndi mu unzuha ve, wu ubaatoyo yo sa aba mwenyi ŋa busu bwa me, na me kaka tsamba mwenyi ŋa busu bwa nde.12Buuna, bu benu lili na nzala ubaha bungodu bu Livupu, sahaani uba bisina bi bungodu, fulafula bu bubaakulasa libundu.13Ni mu buuna, wu ubaatoyo mu mandaha ma bumwenyi, afwana uvondo huli Nzambi bungodu bu ubiindula mo.14Mu tooni ati, tso me ndi mu utsambila mu mandaha mo maana, mutima a me li mu usambila, ka buyedi bwa me a buli mu usala ve.15Me ka buni utsa? Me tsatsambila na mutima a me, na me tsatsambila kaka na buyedi bwa me. Me tsanzimba na mutima a me, ka me tsanzimba kaka na buyedi bwa me.16Mu mbuli, tso we futili matondo huli Nzambi ndulu na mutima a we, buni muutu wu li mu uyuha we mu libundu, huutwala ufutala: «Ameni» mu lisambulu la we la pfutili matondo? Nde a hayaabi ma we li mu uleele ve.17Tso lisambulu la we la pfutili matondo lili lilibwe, lo a lili mu uhwadisa baatu ba bali mu uyuha we ve.18Me ndi mu upfutala matondo huli Nzambi, bu me umbaatoyo mu mandaha ma bumwenyi, ufulala benu boosi.19Ka ŋa busu bu libundu li limiikuukama, hufwani huli me mu uleele mikuma mitaanu mi baatu buutsikaha mu ulongese bakima, ka a mu uleele kuumi li biveeve (10 000) bi mikuma, mu mandaha ma bumwenyi ve.20Baana ba ngu, a liba we bangebe mu tsimili a benu ve, ka benu lafwana uba bangeele mu tsimili a benu. Baani we bangebe ba bali mu ukuka linyutu, ŋa busu bu bubi.21Mabaasonehe ma Ngidi mali mu uleele bunuubu:Me tsapyohele mu baatu ba ndaha yi bumwenyi mu utoyo huli baatu mo baniiba,buleeli Pfumu.«Me tsatoyele bo mu minywa mya byenyi,tso buuna, bo a buusiinga uyahula me ve.»22Buuna, matwala ma uyambila mandaha ma bumwenyi, mali iliimbu huli ba baavelesa imiinu, ka a huli ba bali mu usa imiinu ve. Ka bungodu bu ubihula, buli iliimbu huli ba bali mu usa imiinu, ka a huli ba baavelesa imiinu ve.23Tso libundu loosi likuukimi, na baatu boosi babwidi mu utoyo mu mandaha ma bumwenyi, na tso baatu ba baavelesa imiinu, bayakoto koto la hati a tsomi mu libundu, na uyuha mandaha mo maana, bo sa baleele ti benu banga maladi lili.24Ka tso boosi bali mu ubihula, na tso baatu ba baavelesa imiinu, bayakoto koto la hati a tsomi mu libundu, sa basiinga masumu ma bo mu tooni a ma bo bali mu uyuha. Sa batsundasa bo mu mambu moosi ma bo bali mu uyuha25na matsimi ma bo ma tswehi, sa mamonehele paayalala. Na bo sa bakongemene na ukuunda Nzambi, na ubaaleele ti: «Nzambi mu mbuli ali ŋa hati la benu!»Ukeelese butsitu mu nzo a Nzambi
26Baana ba ngu, buni lafwana ubaasa? Ŋa benu libaakuukama, mumosi mu benu sa ayimba mukuunga, wuna sa aba na dyambu la ndongisili, mukima sa ayaka dyambu li luumata huli Nzambi, mukima sa atoyo mu ndaha yi bumwenyi na mukima sa ava mbindulili a mo. Mambu mo maana moosi mafwana ukumbasa libundu mu ukula mu imiinu.27Tso baatu bali mu utoyo mu ndaha yi bumwenyi, nyaha baatu boole buuve batatu ndulu batoyo, muutu-muutu mu ya nde tangu. Na mumosi afwana ubindula ma bo bali mu uleele.28Tso mubinduli veli, pasi nde mu bo anyaha upandula ndaha mutso likutuunu. Muutu muutu atoyo na mutima a nde na huli Nzambi.29Ka uto ti mu mimbihuli, nyaha baatu boole buuve batatu batoyo, mana bakima basilasa ma bo bali mu uleele.30Ka tso muutu mukima yaki dyambu li luumata huli Nzambi, nyaha muutu wu li mu utoyo aba swii.31Na buuna, benu utwala ubihula ilandi-ilandi, mana boosi babaha nzaabili na bahwada.32Nyaha ba bali mu ubihula, bayaaba utuma bungodu bu bo baayaka.33Mu tooni ati, Nzambi a hali Nzambi a hyalasasa ve, ka nde Nzambi wu ubaapalisa hyenze.We bu hu li mu uvangama mutso mabundu ma Kristo moosi,34nyaha bakaasu mu mabundu moosi, babaaba swii mu makutuunu. Bo a bali na muswa mu utoyo mu makutuunu ve. Ka bo baafwana uba na kulimini we bu Mikele mili mu uleele.35Tso bo batoondi uyaaba dyambu, bo baafwana ufuula balumi ba bo hu nzo. Hu li tsonyi huli mukaasu mu ubaatoyo mu likutuunu.36Mambu ma Nzambi huli benu maabaandiha? Buuve mo ndulu huli benu maayato?37Tso muutu li mu utsima ti nde li mumbihuli, buuve ti nde li na bungodu bu Livupu, nde afwana usilasa ti mambu ma me ndi mu utsonehele benu, mali tumili a Pfumu.38Ka nde avelesilasa ti mo mali tumili a Pfumu, Nzambi a hayaabi nde ve.39Ni mu buuna baana bangu, baasahaani hati a tsomi bungodu bu ubihula, ka a likala baatu mu utoyo mu mandaha ma pila mu pila ve.40Ka, nyaha moosi mavangama we bu hwafwana, hutso butsitu na bu hwasungama.
Wycliffe Bible Translators, Inc.