Meng Lai29
David kowh meng.
1Mukuang kramamu-uüa low, CHAKRAMANG kowi kiow büa diah,aia kowh kürra hai kri kraingra lawnguan krawi phuang büa diah.2CHAKRAMANG kowh kraingra uowima mih ming kowi kiow büa diah,kri kraingma hai chimsaima mih CHAKRAMANG kowi chupiia büa diah.3CHAKRAMANG kowh klow dow sata tui luk kowi ta reng chekhai,kri kraingma mih Thurai dow kaikreng tün kowi tüng klow reng,now tui talowng phunglung mih klow kowi aia kowh hek klow dow ta reng chekhai.4CHAKRAMANG kowh klow dow lainowmma kür chekhai,aia kowh klow kowi dow kri kraingra atekma chekhai.5Nami klow hown dow sidar singh paw talak phar reng chekhai,Lebanawn kowi kowh sidar singh paw tadi naknak reng chekhai.6Aia dow Lebanawn kowi kowh hungma mawngma kowi chia chah lo dowklowk mih iawng changah khai,now Harmawn hungh kowi paw chiarowngla chah chet dawklawk mih iawng aia changah khai.7CHAKRAMANG kowh klow hown dow kuang kowi pla nowi reng chekhai.8Nami klow hown dow süngrüp süngkangma paw chür nukluk reng,Kades kowi kowh süngrüp süngkangma kowi paw aia pe chürah reng chekhai.9Aia kowh klow hown dow akhin nadowi tak khe ngahiu pawm khowm pen reng chekhai,now kaurawng kowi kowh singh ram kauram paw prua reng chekhai.Aia chup kim kowi kowh uowi mih maru maten,“Kraingra uowi lai kowbow!” pahai atünma tek reng chekhai.10Tuikling mangma paw CHAKRAMANG low kowi kowh uowi mih chowtaih,CHAKRAMANG dow chowngchowng saksakma chowm mang reng chekhai.11CHAKRAMANG dow aia maru-uüa kowi peah kür reng,now amatni kowi peah thaulangra hanow peah prasi reng chekhai.The Seed Company