Meng Lai30
David kowh meng. Mami dow ap Thurai chup kim khe kowh meng chekhai.
1Aw CHAKRAMANG, ang nakiow en reng kown;tawngplawng kowchow panow kowngra hownia en uang lawng ang khai,ang kowh ransu-uüa kowi ang lawnguan kowi en pe ka piawah dowi chekhai.2Aw CHAKRAMANG, ang kowh Thurai,naiung ang arau kownkow ang haw en khai;nahanow ang kowh arau mih en uang iungta ang khai.3Aw CHAKRAMANG, kowngra hownia en uang lawng ang khai,tadupra kowi natingla dowi kownkow en uang pe sing ang khai.4CHAKRAMANG kowi owm miuüa low,CHAKRAMANG rowsi meng tek büa diah.Chimsaima mih Thurai changah mih lawnguan tuak büa diah,now aia kowi tek pe awmrawm lai büa diah.5CHAKRAMANG kowh kunmarau dow nawngchow taih.Tawkche aia kowh saksing sanara dow achowngma chekhai.Uar prowt kar hai mik tui hown uowi chepawrau-e khe dow awmrawmra uang ting reng chekhai.6Akrat pusara uowi dowi khe ang tek mih,“Miapaw uang nowng ang dowi bowt,” pakhai.7Aw CHAKRAMANG, en saksing sana ang rakowi thaulangma ang uowi reng.Tawkche en cham dangta ang khe dow lainowmma ang kram reng chekhai.8Aw CHAKRAMANG, en kowi chowtaih ang haw en reng,saksing sana ang kownkow CHAKRAMANG kowi ang tek pe mih,9“Ang kowng mih tawng chow en kowh maratra uowi?Ang chowng bawn khe ang ia kiow en kown pe bow?Nakhowk khe en dow kaah sakowmma pami ang krawi ia phuang kown pe bow?10Aw CHAKRAMANG, sünta diah, saksing sana ang diah,aw CHAKRAMANG, uang khowng ang diah,” pakhai.11Uowila uiting uangtak mih arah hownia plaira kowi en uang pawla ang khai,now uowila uiting uangtak mih tawnguat en klüpta ang hanow piawla kown mih tawnguat en khup ang khai.12Naiawng rakowi ririmma ang uowi phulu kown nadowk,en vüi kowi ang natek rowsi meng bowt kown.Aw CHAKRAMANG, en dow ang kowh Thurai,chowngchowng saksakma ang natek en awmrawm lai kown.The Seed Company