Meng Lai28
David kowh meng.
1Aw CHAKRAMANG, en dow ang kowh tatung tanimra Singku Huamang,ang haw en hanow hawt sünta ang diah.En che klang ang dowi hanowkowng miuüa iawng chowtaih ang naown kown.2Nakhowng ang kownkow ang haw en mih khin khe,en chupra kim lang chimsai mih prakowi dang hanow iaw rut se ang haw en khe,ang kowh hawk klow dow sünta ang diah.3Maru ngakuüa dow lowra maru hown aiungma taklowp taklang reng.Tawkche amatni kowh sak kowi angak tuak kangowh chekhai.Narip ang kownkow naiawngün thumchakuüa hown hauang küngla ang diah.4Amatni changah mih lup sung amatni kowi peah diah,amatni kowh lup ngak sung amatni kowi peah diah.5Amatni dow CHAKRAMANG changah mih lup kowi pe ching dowi chekhai.Naiawng rakowi CHAKRAMANG dow achowngma vüi amatni kowi napiakah kown.6CHAKRAMANG dow ang lü mih sünta ang khai.Naiawng rakowi aia dow akiow pauowi lah.7CHAKRAMANG dow ang kowh kür hai ang kowh kawngma chekhai;ang kowh sak dow aia luk kowi neplawng nesak reng chekhai,aia dow uang khowng ang khai.Naiawng rakowi lainowmma ang kowh sak piaw khai,now aia kowi dow meng hown ang kiowah khai.8CHAKRAMANG dow aia maru-uüa kowi peah kür reng,aia dow aia phawk pe sau mih manguüa kowi lawngah reng chekhai.9Aw CHAKRAMANG, en maru-uüa kowi takhula reng diah,en matia kowh maru-uüa kowi peah prasi reng diah.Ruapur thing mih iawng dow en maru-uüa kowi tawi uowila reng diah,chowngchowng saksakma amatni kowi mingkhetah reng diah.The Seed Company