Meng Lai10
1Aw CHAKRAMANG, tawngplawng kowchow alakma kowi en lang iowng phulu khai?Tawngplawng kowchow ang kawm ang krat mih khin khe en lang tapet khai?2Maru ngakuüa dow abawrima rakowi ngarai miuüa kowi krawi chang nowng reng,amatni dow amatni krawi chakah mih leng kowi pacham tasowk lah.3Amatni dow amatni nau changah kown mih lup ngak lawnguan kowi chang bawri reng,lawphama miuüa dow CHAKRAMANG kowi pe piati reng, now aia kowi nuata reng chekhai.4Maru ngakuüa dow abawrima rakowi CHAKRAMANG kowi cham dowi chekhai,amatni dow Thurai uowi dowi pahai ka tuak büah reng chekhai.5Amatni dow amatni changah mih lup kowi chawn reng,amatni dow en kowh ripra tuk mat büah dowi chekhai,amatni dow amatni kowh ransu-uüa kowi nüah klowkah dowi chekhai.6Amatni tatuak mih, “Miapaw uang nowng taing a-i kown nadowi,a-i luk kowi dow tawng iawng mih phih paw katpaw nauang kla kown nadowi,” pabüah khai.7Maru ngakuüa nawr hownia dow piati laiklow chowtaih lawt reng,now dai lai hai chang nowng kown mih laiklow chowtaih lawt reng.Amatni kowh dai dow maru sak kowi raula mih laiklow tek reng,now maru napiakla kown mih laiklow kangowh tek reng.8Amatni dow sai maru kownkow kharia kowi hawt pawm reng chekhai;amatni dow achinawmma miuüa kowi hawt sai reng,now kür uowi dowi miuüa kowi krawi matah reng chekhai.9Amatni dow krangsi iawng kukpa hawt pawm reng;kür uowi dowi miuüa kowi amatni dow hawt pawm hanow khümah reng.10Nahanow naiawngün maru-uüa dow maru ngakuüa rut kowi tapham reng,now amatni rut kowi dow kür uowi dowi miuüa piak reng chekhai.11Amatni tatuak mih, “Thurai khi a-i dowi;aia bengta mik khai, katpaw aia nakhi kown nadowi,” pabüah khai.12Aw CHAKRAMANG, awr rü diah;aw Thurai, maru ngakuüa kowi iu ripah diah,ngarema miuüa kowi hangkow tamata diah.13Tawngplawng kowchow Thurai kowi maru ngakuüa nüah klowkah dowi?Amatni ka tuak mih, “Katpaw Thurai narip a-i kown nadowi,” pabüah khai.14Aw Thurai, amatni rakowi krat pusara uang ting mih maten en khi bowk chekhai;naiawngün en khi khowk chedow amatni kowi ripah diah.Ngarawng ngaraima miuüa dow en tut-e chowtaih uang taap reng;saratchowuüa kowi dow en khowngah reng chekhai.15Maru ngakuüa kowh kür piakta pe diah,now amatni ia chang lup ngak dowi bowt pat amatni kowi ripah diah.16CHAKRAMANG chowtaih chowngchowng saksakma mih mang,aia kowh pren kowi mih akeng chenchapuüa dow napiak bowk kown.17Aw CHAKRAMANG, ngarema miuüa kowh sakdawng laiklow dow en ta reng,amatni kowh kar klow dow en ta reng, now en peah sakkhawtra reng chekhai.18Saratchowuüa hai ngarawng ngarai miuüa kowi en tawi tangila hanow en chet pe tara nowm reng chekhai.Naiawng rakowi lusa maru-uüa dow amatni kowi nakrawkah kown nadowi bowt.
The Seed Company