Meng Lai9
Mami dow David kowh meng chekhai. Mami meng dow “Chapa kowng mih” meng owi iawng natekah kown.
1Aw CHAKRAMANG, ang kowh sak maiow hown ang nakiow en kown,en kowh lakkhiara lup lawnguan maten ang nakrawi phuang kown.2En rakowi chowtaih piaw pama hai awmrawmma ang nauowi kown,aw lang kri lang kraing mih Thurai, en ming vüi ang natek rowsi meng kown.3Ang kowh ransu-uüa dow khi en hanow plan bowk khai,amatni dow en pur kowi tim hanow kowng bowk khai.4Tawngplawng kowchow panow en tawi tangila ang khükhü en chet ang tara khai,en kowh mang chowm rah hownia en chet tara nowm khai.5Akeng chenchap kowi en nangah khai,now maru ngakuüa kowi dow en piakah khai.Amatni kowh ming dow chowngchowng saksakma vüi en phiawkta pe khai.6Ransu-uüa kowi dow chowngchowng saksakma vüi en piakta bowk khowk,amatni kowh marow maten dow asaima en piakta bowk khai.Amatni kowh ming khowm padow maru sak kowi uowi dowi bowt.7Nachenganchepaw CHAKRAMANG dow chowngchowng saksakma chowm mang reng,aia dow tara chet müa vüi thawp mang chowm rah khai.8Aia dow anowmma lusa kowi nauang chet tara kown,achinawmma hown chenchapuüa kowi nauang kruitownah kown.9Aia dow nowng chang powng changra kowi uowi miuüa vüi akhawtma mih kangchawngra kim chekhai,akrat pusara ni khe kowh vüi aia dow akhawtma mih kangchawngra kim chekhai.10Aw CHAKRAMANG, en ming tuk miuüa dow en luk kowi neplawng nesak reng chekhai.Naiawng rakowi krawi cham en miuüa kowi dow katpaw en nuata dowi chekhai.11Zaiawn hungh kowi uowi mih CHAKRAMANG vüi tek rowsi meng büa diah,aia changah mih lup lawnguan palusama maru kowi phuangla pe diah.12Aia dow sai maru miuüa kowi naripah kown mih tamata dowi chekhai,ngaraima miuüa kowh kar klow dow towsakma hown aia sünta pe reng chekhai.13Aw CHAKRAMANG, saksing sana ang diah;ang kowh ransu-uüa chang ang nowng mih iu mü diah,kowng kown mih hownia lawng ang diah.14Nahanow Zaiawn tapplawt kowi ang naia kiow en kown towbowt,now en uang lawng ang mih rakowi ang naia piaw kown towbowt.15Akeng chenchapuüa dow amatni thaiah mih kuam kowi dowh khai bowt,amatni dow amatni krawi chakah mih leng kowi tasowk büah khai bowt.16CHAKRAMANG dow aiamat lawnguan pe tuk a-i reng,aia dow chet tara nowm reng chekhai.Maru ngakuüa dow maru kowi krawi chang ngak reng,amatni dow amatni kowh lup ngak rakowi piak reng chekhai.17Maru ngakuüa dow makowng tiama prakowi uowi mih chekhai,Thurai kowi nuata mih chenchapuüa paw napiak kown.18Akhawr hown uowi miuüa kowi dow chowngchowng saksakma Thurai natamata kown nadowi,aia dow ngarawng ngarai miuüa kowh sakowmra nauang pe tachiah ngengche kown.19Aw CHAKRAMANG, awr rü diah, maru kowi mih hangkow pe awngah diah,akeng chenchapuüa kowh tara mih en pur kowi chet pe diah.20Aw CHAKRAMANG, amatni kowh sak kowi mih peah kramra diah,amatni dow maru chowtaih pami akeng chenchapuüa pacham tuk lah.The Seed Company