Meng Lai11
Mami dow David kowh meng chekhai.
1Ang dow CHAKRAMANG tut-e tatung tanim khai.Naiawng rakowi, “Uakling iawng hungh kowi cham tapet diah.2Maru ngakuüa mih kamrütta leba hüah khowk,amatni dow nakrawi ap maru iunguüa kownkow krawi tapet thüm khowk.3Lusa kowi kowh rirow maten maru ngakuüa krawi piakta bowk khai hanow,achinawmma mih maru-uüa tawng chow naia chang bowt kown chow?” pahai hauang tek ang büa diah.4Nachenganchepaw CHAKRAMANG dow aia kowh chimsaima mih kim kowi uowi khai,aia kowh mang chowm rah dow mukuang pren kowi chekhai.Aia dow lusa maru kowi tang müah reng,aia dow lusa maru tawng chow chang mih tuk bowk chekhai.5CHAKRAMANG dow achinawmma mih maru kowi achangma nachangah kownkow chaingah reng.Tawkche chang ngak miuüa hai chang nowng miuüa kowi dow aia suiah reng chekhai.6Maru ngakuüa luk kowi dow maih iawng mih phih aia nauang pe klaah kown,amatni kowi dow napawksi maih hai maih iawng mih li hown aia naripah kown.7CHAKRAMANG dow chinawmma rakowi achinawmma miuüa kowi sakrau reng,aia kowh lumowr dow achinawmma mih maru-uüa chowtaih nakhi kown.The Seed Company