1 Timothy1
1पौलुस के तरफ से एगो आदमी जौन यीशु मसीह के अगुवाई करऽ हथन। परमेश्वर, जौन हमनी के उद्धारकर्ता हथन, आउर प्रभु यीशु मसीह के प्रेरित, जिनका से हम आशा लगावऽ ही, कि ऊ हमरा अईसन करे के आज्ञा देलन।2हे तीमुथियुस, तूँ एगो सच्चा साथी विश्वासी के जईसन हमरा लागी एगो सच्चा बेटा के जईसन हऽ। हमर इच्छा ई हे कि परमेश्वर पिता आउर प्रभु मसीह यीशु तोरा पर दया आउर अनुग्रह करते रहतन आउर तोरा शान्ति मिलते रहत।3जईसे कि हम तोरा से विनती करली हल जखनी हम मकिदुनिया प्रान्त जा रहली हल, कि तूँ इफिसुस के शहर में रहऽ। उँहें रहऽ जेकरा से तूँ ऊहाँ के कुछ खास लोग के आज्ञा दे सकऽ कि ओखनी के सच से हट के दोसरा बात नऽ सिखावे। 4ओखनी के बेकार के पुराना कहानी आउर पुरखावन के अंतहीन सूचि पर धियान लगावे से रोके लागी आदेश देतन, जौन खाली लोग के एक-दोसर के साथे बहस करे के कारण बनऽ हे। ऊ बात परमेश्वर के योजना के बढ़ावा नऽ दे हे, अईसन तब होवऽ हे जखनी हमनी परमेश्वर पर विश्वास करऽ ही।5ई आज्ञा के उद्देश्य शुद्ध मन आउर अच्छा विवेक आउर निष्कपट विश्वास से पैदा प्रेम हे6ओखनी झूठा शिक्षक ई अच्छा शिक्षा के नकार देलन हे। एकर जगह पर, ओखनी बेकार के बात आउर चीज के सिखावे ला पसन्द करऽ हथन।7ऊ व्यवस्था के अईसन शिक्षक बने के इच्छा रखऽ हथन, जेकरा परमेश्वर मूसा के देलन हलऽ बाकि ओखनी ऊ बात के नऽ समझऽ हे, जेकर बारे में ऊ बात करऽ हथन, ई अईसन बात हे जेकरा पर जोर दे हथन कि सच हे।8बाकि हम जानऽ ही कि परमेश्वर जौन व्यवस्था मूसा के देलन हे ऊ बढ़ियाँ हे जदि लोग ओकरा सही ढंग से इस्तेमाल करतन।9हमनी जानऽ ही कि परमेश्वर धर्मी लोग के न्याय करे लागी व्यवस्था के स्थापना नऽ करलन हे, बलुक अधर्मियन लोगवन के न्याय करे लागी जे अईसे बर्ताव करऽ हे कि मानऽ कोई व्यवस्था हईये नऽ हे आउर जौन कोई के माने से नकार दे हथन। परमेश्वर व्यवस्था के स्थापना ऊ लोगवन लागी करलन हे जौन परमेश्वर के आदर नऽ करऽ हे आउर जौन पाप करऽ हे, ओखनी लागी जौन परमेश्वर के आदर नऽ करऽ हे आउर जौन उनकर तरफ कोई धियान नऽ दे हथन। ऊ व्यवस्था के स्थापना ऊ लोग लागी करलन हे जौन अपन बाबूजी के हत्या करऽ हे, ऊ लोग लागी करऽ हे जौन अपन माय के हत्या करऽ हे, जौन दोसरा लोग के हत्या करऽ हे।10परमेश्वर अईसन लोग के न्याय करे लागी व्यवस्था के स्थापना करलन हे जौन लैंगिक रूप से अनैतिक हे, अईसन मरद जौन दोसर मरद के साथे यौन सम्बन्ध रखऽ हे, जौन आदमी के अपहरण करऽ हे आउर ओकरा दास के रूप में बेच दे हे, झूठ लोग लागी, जौन कानून के अदालत में झूठा गवाह होवऽ हे, आउर सभे काम ऊ गतिविधि लागी जौन हमनी के सच्चा शिक्षा के उल्टा हे।11ई सभे ई अनोखा शुभ समाचार से खुश हथन जेकरा परमेश्वर, जिनकर हम महिमा करऽ ही, हमरा विश्वासयोग्य समझ के देलन हे कि दोसर के एकर बारे में प्रचार करम।12हम यीशु अपन प्रभु मसीह के एहसानमंद ही जौन हमरा ई काम करे के लायक बनईलन हे, काहेकि ऊ विचार करलन कि हमरा पर विश्वास करल जा सकल हे। येहिसे ऊ हमरा उनकर सेवा करे लागी ठहरईलन।13बड़ी पहिले हम ओकर बारे में झूठ बात कहली हल, हम उनकर लोग के निन्दा करली हल, आउर हम ओकर प्रति बड़ी हिंसक बर्ताव करली हल। बाकि मसीह हमनी के प्रति दयाभाव से बर्ताव करलन काहेकि हमनी के नऽ पता हल कि हम जे कर रहली हे ऊ गलत हल, काहेकि हमरा ओकरा पर अविश्वाश हल।14बाकि हमर प्रभु हमरा लागी अनुग्रह के साथे ऊ करलन जेकरा लागी हम लायक नऽ हली, ऊ हमरा मसीह यीशु पर विश्वास करे के आउर उनका से प्रेम करे के अनुमति कोई अईसन तरह देलन जे उनका से जुड़ल हे।15सभे कोई ई बात पर विश्वास करतन आउर कबूल करे के चाही कि “यीशु मसीह ई दुनियाँ में पापी लोग के बचावे लागी अईलन हल, जेकरा से परमेश्वर ओखनी के पाप के सजा नऽ देलन।” जहाँ तक हमर बात हे हम दोसर के तुलना में जादे पाप करली हे।16बाकि येही चलते हे कि मसीह यीशु हमरा पर अपन दया से भरल वर्ताव करलन। ऊ लोग के ई देखावे ला चाहऽ हल कि ऊ ओखनी के साथे पूरा तरह से धीरज रखऽ हथन। हमहीं ऊ आदमी ही जौन दोसर सभे के तुलना में जादे बुरा पाप करली हे। येहिसे ऊ हमरा अईसन लोग लागी एगो उदाहरण के रूप में इस्तेमाल करलन हे जौन बाद में उनका पर विश्वास करतन आउर ओकर नतीजा स्वरूप, हमेशा लागी जिन्दा रहतन।17परमेश्वर अनन्तकाल के राजा हथन, जौन अविनाशी हथन, आउर जिनका कोई देख नऽ सकलन हे। ऊ एक मात्र परमेश्वर हथन। येहिसे आवऽ हम युगानुयुग उनकर इज्जत आउर बड़ाई करम! आमीन!18हे तीमुथियुस, तूँ हमरा लागी तूँ एगो बेटा के जईसन हऽ। लोग के द्वारा तोरा बारे में पहिले करल गेल भविष्यद्वाणी के साथे सहमत होके, हम तोरा आदेश दे ही कि तूँ ऊ हौसला के इस्तेमाल कड़ा आदेश ऊ लोग के खिलाफ में दऽ, जौन गलत बात के शिक्षा दे हथन19प्रभु यीशु में निरंतर विश्वास आउर बढ़ियाँ विवेक के पकड़ले रहऽ आउर खाली ओही करऽ जौन तूँ जानऽ हऽ कि सही हे! कुछ लोग अईसन करे लागी बंद कर देलन हे आउर ई चलते ओखनी परमेश्वर के साथे अपन सम्बन्ध के खतम कर देलन हे।20जौन लोग अईसन करलन हे, ओखनी में हुमिनयुस आउर सिकन्दर हे। हम ओखनी के शैतान के अधीन में दे देली हे, जेकरा से जखनी शैतान ओखनी के सजा देत, तऽ ओखनी परमेश्वर के निन्दा करे लागी नऽ सीख पईतन।
Bridge Connectivity Solutions Pvt. Ltd.