2 Thessalonians3
1आखिर में, हे भईवन, हमरा लागी प्रार्थना करऽ जेकरा से प्रभु के वचन फैलत आउर महिमा पावत, जईसन तोहनी जौरे भी होलक,2आउर जेकरा से हमनी गलत चाहे बुरा लोगवन से बचावल जा सकम, काहेकि हर कोई के पास विश्वास नऽ हे।3बाकि प्रभु विश्वासयोग्य हथन, जे तोरा दृढ़ करतन आउर ऊ दुष्ट से सुरक्षित रखतन।4हमरा भी प्रभु में तोरा पर भरोसा हे कि तूँ जे कर रहलऽ हे आउर जे तूँ करवऽ ऊ ओही बात हे जेकरा हम आज्ञा देली हे।5अखनी प्रभु तोर हृदय के परमेश्वर के प्रेम आउर मसीह के धीरज के तरफ निर्देशित करतन।6अखनी हे भईवन, हम अपन प्रभु यीशु मसीह के नाम से तोरा आज्ञा दे ही, कि तूँ अईसन हरेक भाई से दूर रहऽ, जे अव्यवस्थित रीति वाला चाल चलऽ हे, आउर ऊ परम्परावन के जईसन नऽ चले जे तूँ हमरा से प्राप्त करलऽ हे।7काहेकि तूँ तऽ खुद ही जानऽ हऽ कि कौन तरीका से हमर अनुकरण करे ला ठीक हे, काहेकि हम तोहनी के बीच अव्यवस्थित तरीका से व्यवहार नऽ करली,8आउर नऽ हम कोई के मुफ्त में रोटी खईली, बाकि रात दिन मेहनत आउर कठिनाई में काम करली, कि तोहनी में से कोई पर बोझ नऽ पड़त,9अईसन येहिगुने नऽ कि हमरा भीर अधिकार नऽ हे, बाकि येहिगुने कि हम तोहनी लागी नकल करे ला खुद के एगो उदाहरण के रूप में हाजिर कर सकऽ ही।10काहेकि जखनी हम तोरा साथे हली, तखनी भी हम तोहनी के ई आज्ञा दे रहली हल, जदि कोई काम करे ला तईयार नऽ हो, तऽ ओकरा खाय ला भी नऽ दऽ।11काहेकि हम ऊ लोगवन के बारे में सुनली हे, जे तोहनी के बीच में आलसी चाल चलऽ हे, आउर काम नऽ करऽ हे, बाकि दोसर के काम में रुकावट करऽ हे।12बाकि हम अईसन लोगवन के प्रभु यीशु मसीह में आज्ञा दे ही आउर समझावऽ ही, कि चुपचाप काम करते घड़ी, ऊ अपन ही रोटी खईतन।13बाकि हे भईवन, तूँ सही काम करे से नऽ थकऽ।14अखनी जदि कोई आदमी ऊ चिट्ठी के जरिये से कहल गेल हमर बात के नऽ मानत तऽ ओकरा पर धियान दिहऽ आउर ओकर साथे संगति नऽ करिहऽ जेकरा से ऊ लज्जित होवे।15आउर ओकरा दुश्मन नऽ समझऽ, बाकि साथी भाई समझके ओकरा चेता दऽ।16अखनी शान्ति के प्रभु यीशु खुद ही तोहनी सभे के हर तरह से शान्ति देतन। ऊ हर हालत में तोहनी सभे के साथे रहतन।17ई नमस्कार हम पौलुस के हाथ से लिखल गेल हे जे हर चिट्ठी में एगो चिन्ह हे। हम एही रीति से लिखऽ ही।18हमनी के प्रभु यीशु मसीह के अनुग्रह तोहनी सभे के जौरे बनलऽ रहत।
Bridge Connectivity Solutions Pvt. Ltd.