1 Timothy2
1सभे से पहिला बात जेकर हम निवेदन करऽ ही कि विश्वासी लगातार सभे लोग के तरफ से परमेश्वर से प्रार्थना करतन। ओखनी के परमेश्वर से पूछे के चाही कि ओखनी के का चाही, आउर ई भी कि दोसरा लोग के का करे के चाही, आउर जौन कुछ ऊ करलन हे, ओकरा ला उनका परमेश्वर के धन्यवाद करे के चाही।2राजा लोग आउर ऊ सभे के लागी जे अधिकारी हे, ताकि हमनी सभे शान्ति आउर भक्ति आउर गरिमा में शान्ति जिनगी जी सकतन3ई तरह से प्रार्थना करे ला अच्छा हे, आउर ई परमेश्वर के खुश करऽ हे, जौन हमरा उद्धार करऽ हथन।4परमेश्वर सभे लोग के बचावे लागी इच्छा रखऽ हथन। ऊ चाहऽ हथन कि सभे कोई उनका पूरा तरह से जानतन आउर उनकर सच्चा सन्देश के पूरा तरह से मानतन।5खाली एक ही सच्चा परमेश्वर हथन आउर खाली एगो ही आदमी हे जौन सभे लोग के आउर परमेश्वर के एक साथ कर सकलन हे। ऊ आदमी मसीह यीशु हथन, जे खुद एगो आदमी हथन!6ऊ अपन इच्छा से सभे लोगवन के बचावे लागी खुद के एगो बलिदान के रूप में दे देलन। ऊ सही समय पर मर गेलन, आउर उनकर मौत गवाही देलक कि परमेश्वर सभे लोग के बचावे के इच्छा रखऽ हथन।7ई समाचार के प्रचार करे लागी परमेश्वर हमरा अन्यजाति के तरफ से बोले ला आउर उनकर प्रेरित करे लागी नियुक्त करलन हे। जईसन कि तय हे कि हम मसीह से जुड़ल ही, हम सच कह रहली हे। हम झूठ नऽ बोल रहली हे! परमेश्वर हमरा भेजलन हे, ऊ सभे के शिक्षा देवे लागी जौन यहूदी नऽ हे, कि उनका परमेश्वर के सच्चा सन्देश पर विश्वास करे के चाही।8येहिगुने, हम चाहऽ ही कि हर जगह जहाँ विश्वासी आराधना करऽ हथन परमेश्वर से प्रार्थना करतन। जखनी ऊ प्रार्थना में अपन पवित्र हाथ उठावऽ हथन आउर अईसन पवित्र जिनगी जिय हथन जौन परमेश्वर के खुश करऽ हे, तऽ ओखनी के कोई पर गोस्सा नऽ करे के चाही आउर ओखनी के केकरो साथे लड़ाई नऽ करे के चाही।9अईसहीं, औरतियन के सही ढंग के कपड़ा पेहेन के चाही जौन सभ्य आउर सुहावना रहे। उनका अपन बाल के चोटी के नऽ गूँथे के चाही, चाहे सोना के गहना, चाहे मोती, चाहे कीमती कपड़ा के साथे सजावे के कोशिश नऽ करे के चाही।10बाकि जे औरतियन भक्ति ग्रहण करऽ हे ओखनी के अच्छा कामवन के दूबारा ओही करे चाही जे ओखनी के शोभा दे हे11औरतियन के मण्डली के अगुवा से, शान्त रह के सीखे के चाही, आउर पूरा तरह से उनकर शिक्षा के स्वीकार करे के चाही।12बाकि हम ई इजाजत नऽ दे ही कि औरत, मरद के शिक्षा देवे, आउर नऽ मरद के ऊपर अधिकार रखे। एकर जगह पर, औरतियन के शान्त रहे के चाही।13आखिरकार, परमेश्वर पहिले आदम के बनईलन हल, आउर बाद में ऊ हव्वा के बनईलन, 14आउर साँप आदम के धोखा नऽ देलक। साँप औरत के धोखा देलक जेकरा से ऊ ओही करलन जौन परमेश्वर उनका नऽ करे लागी कहलन हल, आउर ऊ एगो पापियन बन गेल। 15बाकि परमेश्वर औरतियन के लईकन के जनम देवे द्वारा बचईतन, जदि ऊ परमेश्वर में लगातार विश्वास रखऽ हे, आउर दोसरा के प्रेम करऽ हे, आउर अईसन पवित्रता से जिनगी के बितावऽ हे जौन परमेश्वर के खुश करऽ हे, आउर समझदारी से बर्ताव करऽ हे।
Bridge Connectivity Solutions Pvt. Ltd.