Kolosaayi4
1Benu bapfumu, baatumaani basalili ba benu mu lisuunga na mu butsiitsa. Yibuhalaani moonyi ti, benu kaka lili na Pfumu hu mayulu.
Matumili ma tsyelele
2Sambilaani na mukonono; baani likanda na baafutalaani matondo huli Nzambi.3Baasambilaani kaka mu bisu, mana Nzambi adibula bisu nzila yi yayelemene mu uta ibila mu mambu ma nde, mu uyabisa tswehi yi liyobolo ya Nzambi, ni Kristo. Yaabaani lo, ni mu tooni mo yiniiyi, me ndi mu kondayi.4Bunuubu, sambilaani mana me nzabisa tswehi mo yiina paayalala, we bu hwafwana huli me mu usa yo.5Baani na mbiili ya tsiki ŋa busu bwa boosi ba baavele mu Kristo, mu ulebe bo mu pasi tangu yi yimiimonehele.6Nyaha mambu ma muupala mu minwya mya benu, maba ma mabwe mu uyuha na ma lisuunga. Yaabaani ufutala mvutu huli pasi muutu we bu hwafwana.Mabwehe ma tsyelele
7Tisiike, mwana a ngu wu litondo, mukeelisi libundu wa ngetetee, mbaahi a bisu wu isalu hya Pfumu, sa ayabisa benu moosi mu me.8Me miitsindaha nde huli benu, mana benu liyaaba bu bisu lili huni, na mana nde ahwadisa benu.9Me miitsindaha nde na mwana a ngu wu litondo, wu li wa ngetetee, Onesiime, musi tsi a benu. Bo sa bayabisa benu moosi ma mali mu uvyoho huni.10Arisitake, wu li na me mu kondaayi, tsindihi benu mabwehe, bumosi kaka, Malako, ikuta hya Baranabasi. Benu laamiiyaka tumili mu tooni a nde: nde aya huli benu, yakaani nde bubwe.11Yisu, nga kuumbu Yusetuusi, nde kaka tsindihi benu mabwehe. Ndulu ni batatu ba baakete banga imiinu baana, bali mu usala na me mu ipfumu hya Nzambi.12Epafasi wu li kaka musi tsi a benu, viidi benu mabwehe. Musalili a Kristo Yisu mo wunuuwu, li mu ubaasambila Nzambi mu benu na mifudi, mana benu liba ba bahwada, ba baayele mu Livupu, na ba baamiivolo kesili yi ukuhasa litondo la Nzambi mu pasi lo.13Me ndi mu utiila nde imbangi mo hiniihi: Nde li mu usala bulahi mu tooni a benu, mu ba bali hu musyenge a Lawodise na ba bali hu musyenge a Hyerapolisi.14Luuka, mbaahi a me wu li ngaanga wu afulala litondo, na Demasi baviidi benu mabwehe.15Vaani mabwehe huli baana ba ngu ba bali hu Lawodise, na Niifa, na libundu li libaapfuutana hu nzo a nde.16Benu limana utaanga muhanda mo wunuuwu, tsindahaani nde hu libundu la Lawodise, mana bo kaka bataanga nde. Benu kaka, taangaani muhanda wu umata hu Lawodise.17Leelaani huli Arikiipe: «Sa isalu hi baava we mu tooni a Pfumu, na bukuhu.»18Mu hooho hwa me mwakulu, me ndi mu utsonehe mikuma mo miniimi: Me Pahuli miipa benu mabwehe. A laabaavusahana ti me mu kondayi me ndi. Nyaha hyese hya Nzambi hiba na benu!Wycliffe Bible Translators, Inc.