1 Tesalonika1
Mabwehe
1Ni me Pahuli, itwadi na Silaasi na Timoteho, ndi mu utsindaha muhanda mo wunuwu huli libundu la bisu Tesalonika, li lili mu Nzambi Taata na mu Pfumu Yisu Kristo. Nyaha bava benu hyese na hyenze.Imiinu na ifwaani hi libundu la Tesalonika
2Bisu libaafutala matondo taangu yoosi huli Nzambi mu tooni a benu boosi, na libaatangula benu mu masambulu ma bisu.3Bisu lili mu uyibwala moonyi pasi taangu ŋa busu bwa Nzambi Taata a bisu, mu tooni isalu hi imiinu hya benu, isalu hi litondo la benu, na kwadili a benu mu hiitu mu Pfumu a bisu Yisu Kristo.4Baana baa ngu baa Nzambi hatondo, bisu layaaba ti benu lili ba baamisoolo,5mu tooni ati ndongisili a bisu yi Musamu wu Mubwe huli benu ndulu a mu mikuma ve. Ka ndongisili a bisu yaaba yi matwala, mu itwadi hi Livupu la Ngidi, na hiitu hyoosi. Benu layaaba buni mbiili a bisu yaaba ŋa hati la benu, mu libwe la benu.6Benu laduukala ifwaani hya bisu na hya Pfumu. Mu taangu mo yiina, benu laamono mapasi ma manono, ka benu laayaka Mambu ma Nzambi na kinya yi Livupu la Ngidi.7Na benu kaka lika ifwaani mu boosi ba bali mu usa imiinu hu itaanzi hya Masedonya na hu tsi a Ahayi.8Eye, isalu hya Mambu ma Pfumu ŋa hati la benu, hyaduma hu Masedonya na Ahayi. Ka hyo a hyasuka ŋaana ve. Tsangu imiinu hya benu mu Nzambi yamiitsamuha tsi yoosi. Ni mu buuna luuveletsuha mu lo.9Boosi bali mu utoyo mu nzakili yi benu laayaki bisu. Bo bali mu utoyo kaka, bu benu laakinguhi huli Nzambi. Benu laatiimbi bifwita mu usalila Nzambi wu li moonyi na wu li mbuli,10na mu ukeele bu Mwana a nde humata hu mayulu. Ni nde Nzambi hasuuli ŋa hati la babaakwa, Yisu wu uyobolo bisu ŋa busu bwa tsyembili a Nzambi yi yili mu uya.Wycliffe Bible Translators, Inc.