Meng Lai104
1Aw ang kowh sak, CHAKRAMANG kowi rowsiah diah;aw CHAKRAMANG, ang kowh Thurai, en dow kri kraing lai kowbow!En kowh kraingra hai ringkawra dow tawnguat iawng en khupah khai.2Tawnguat hown maru takhu iawng anowi hown en takhu khai,mukuang dow khupta tangbung hüah mih iawng en changah khai.3En kowh uowi rah chüng dow mukuang kowi kowh uangnim luk kowi en towah khai,uangnim kowi dow en changla kawrnga kari hanow li hown en krawi len khai.4Li kowi dow en changla en kowh kramamu khai;lün pluplup mih maih kowi dow en changla en kowh nar khai.5Lusa kowi dow aia kowh akhawtma mih achüng luk kowi en towah khai.Naiawng rakowi nami dow katpaw nachü kown nadowi bowt.6Uan hown khuah mih iawng lusa dow sata tui hown en khuah khai,now hungma mawngma kowi paw nami sata tui hown en khuah khai.7Nachenganchepaw en ana hown nami tui dow sut khai.Nami dow en kowh muk tün rakowi cham powt khai.8Hungma mawngma dow nami tui lak-e uang lang lowng khai bowt,now lawngrawi ün paw uang lang nem khai bowt.Naiawngün dow en khowm bowkta mih arah mowr uang towm khai.9Naiawng hai tui rihi dow en khowm bowkah khai,naiawng en chang mih dow lusa naplan lim dowi kownkow chekhai.10Lawngrawi kowi dow tui hawr klunglung mih aw en thawpah khai,nami tui dow lawngrawi takra iawng uang hawr khai.11Nami hownia kaurawng uaramchak hawmh dow ka tui khai,now kaurawng kowi kowh kawrngaramchük paw ka tui khai.12Uakling uaber hawmh dow aw pang kowi chang bai khai,now amatni dow singh mia towng chang klow sawmlawm khai.13En uowi rah hownia hungma mawngma luk kowi uang en uang pe uangah khai.Naiawng rakowi lusa dow en kowh prasira hown atekma chekhai.14Tawncher hawmh vüi kowi dow pram en awr pe awmah khai,maru nalupah kown mih vüi kowi cha ru cha pawi en awr pe ruah khai.Naiawng en changah mih dow krawng bawn hownia maru naka chakkham kownkow chekhai.15Grep tui kham dow maru piaw reng,kanrawn sau phawk dow pik mia klangiung reng chekhai.Now chakkham hownia dow maru ka kür reng chekhai.16CHAKRAMANG thawpah mih singh kau maten dow ahuma ka uang reng,now Lebanawn süng kowi kowh en chowkah mih sidar singh paw ka uang reng chekhai.17Naiawngün singh mia kowi dow uaklinguüa chang bai reng,tuipai paw karpowng singh kowi chang bai reng chekhai.18Kaurawng rua dow alowng alowngma mih hungh kowi ün krawi uowi reng,ngaia hawmh dow hungh kowi kowh puk kowi tatung tanim reng chekhai.19Lama dow akhin natukla kownkow en thawpah khai,now sat dow aia kowh kup khin khe kup reng chekhai.20En uang pawla aiiu hanow uariiu reng chekhai.Nakhowk khe kaurawng uaramchak maten dow krawi lenla pang reng.21Krangsila powrchow dow cham krawi kram chak khe hek reng,amatni dow Thurai tut-e awr lü chakkham reng chekhai.22Amatni dow sat lawt now amatni kowh puk kowi powt reng,now nakowi cham mawkla phu büah reng chekhai.23Nakhowk khe maru-uüa dow amatni kowh lup cham chang reng,now amatni dow sat kup pat cham chang lup reng chekhai.24Aw CHAKRAMANG, en dow achap akawm uanh en thawpah khai,naiawngün dow en kowh chanlaira hown en thawpah mih chekhai.En kowh uanh thawp dow lusa kowi atekma chekhai.25Sata prakowi tang mü madiah! Nami dow mün khowt chow phia mih!nakowi dow aiuk asowm lenla pang mih asak uowi mih chap atekma chekhai.26Sata kowi dow chawnlawngün sanh khai,now Leviathan paw nakowi uowi khai.Aia kowi dow nakowi ngawk kownkow en thawpah khai.27Akhin khe naia kala chakkham reng kownkow,naiawngün asak uowi mih chap dow en luk kowi owmsak reng.28En iu peah chakkham hanow amatni dow cha reng,en iu peah chakkham hanow amatni dow sak-ih reng chekhai.29Tawkche en petta pe lumowr hanow amatni dow kram reng.En pawta pe asak hanow amatni dow kowng now plan chowng dinchow reng chekhai.30En uang suang pe kawli hanow amatni dow sing reng,naiawng hai lusa kowi dow en peah chownglawng sar khai.31CHAKRAMANG kowh kiowrira dow chowngchowng saksakma pacham uowi lah,aia dow aiamat kowh uanh thawp kowi pacham awmrawm reng lah.32Aia che lusa prakowi iu mü hanow lusa dow chü reng;hungma mawngma kowi aia iu kak hanow nami hownia akhük uang lawt reng chekhai.33Chownglawng prat CHAKRAMANG vüi kowi ang natek meng kown,ang sing uowi mowr ang kowh Thurai vüi kowi ang natek rowsi meng kown.34Ang kowh tuak maten dow aia tut-e aiungma pacham phaw lah,ang dow CHAKRAMANG hown chowtaih napiaw reng kown.35Lusa hownia maru ngakuüa dow pacham tama lah,chang lup ngak miuüa pacham piak bowk lah.Aw ang kowh sak, CHAKRAMANG kowi rowsi diah,CHAKRAMANG kowi kiow diah.
The Seed Company