Meng Lai103
Mami dow David kowh meng chekhai.
1Aw ang kowh sak, CHAKRAMANG kowi rowsi diah;aw ang kowh saktuak maten, aia ming chimsaima mih kowi kiow diah.2Aw ang kowh sak, CHAKRAMANG kowi rowsi diah;aia chang en mih lup iung maten hangkow tamata diah.3Aia dow en kowh ngak maten lawtta en reng;en kowh rawka maten paw aia iungta en reng chekhai.4Kowngra hownia aia dow uang lawng en reng;aia kowh achur uowi dowi mih sakraura hai sanara dow en luk kowi uowi reng chekhai.5Aiung chap hown aia dow pe sak-ih en reng;aia dow uamu kür iawng pe en kür sar reng chekhai.6CHAKRAMANG dow anowmma mih lup chang reng,aia dow chang nowng miuüa kowi tara nowm chet pe reng chekhai.7CHAKRAMANG dow aia kowh sangkrangra Mosi kowi phuang pe khai,now aia kowh lup dow Israeluüa kowi aia tüng pe khai.8CHAKRAMANG dow saksing sanara atekma;aia dow kunmarau naklak dowi,aia kowh achur uowi dowi mih sakraura dow akhowk uowi dowi chekhai.9Changta angak khowk miuüa kowi aia dow atungma chawk towkah dowi;aia kowh kunmaraura dow chowngchowng saksakma sak kowi aia towah dowi chekhai.10A-i kowh angak ripra kak taing mowr khowm aia pe a-i dowi;a-i changah mih angak khowt aia ripah a-i dowi chekhai.11Krawng hai mukuang mün khowt chow tala mih achur uowi dowi iawng,aia kowi ringkaw miuüa luk kowi aia kowh achur uowi dowi mih sakraura dow kri kraingma chekhai.12Satlawt hai satkup mün khowt chow tala mih iawng,a-i kowh angak maten paw alakma kowi aia henta a-i reng chekhai.13Chauüa kowi upa-uüa sakrauah mih iawng,CHAKRAMANG paw aia kowi ringkaw miuüa kowi sakrauah reng.14A-i dow aiamat kowh uanh thawp pami aia tuk;dinchow klen kowi a-i dow tawngpaw nadowi pami aia sak kowi uowi reng.15Lusa maru kowh asak dow pram iawng chekhai.Nami dow dowm kowi kowh pau iawng uang awr thar reng;16Pau luk kowi li uang hut hanow pau dow taklek reng,nahanow nami pau thar rah khowm aia kowi tukah dowi bowt chekhai.17Nachenganchepaw CHAKRAMANG kowh achur uowi dowi mih sakraura hai iungra dow maiawng mih maru luk kowi chowngchowng saksakma nauowi reng kown:naiawngün dow aia kowi kowh ringkaw mih, aia kowh sangbowk laitawm chün mih hai aia kowh ari arow prakowi pe ching mih maru kowi chekhai.Nami dow amatni chuprek chaprekuüa kowh chuprek chaprekuüa luk kowi paw nauowi reng kown.19CHAKRAMANG dow aia kowh mang chowm rah mih mukuang kowi towah khai;aia dow bowkbowk luk kowi chowm mang reng chekhai.20Aw CHAKRAMANG kowh akürma mih kramamu-uüa,aia laiklow chün hai aia ana pek chün miuüa low,CHAKRAMANG kowi rowsi büa diah.21Aia nau iawng chang mih CHAKRAMANG kowh siphai akürma miuüa low,CHAKRAMANG kowi rowsi büa diah.22Aw lusa kowi kowh uowi mih CHAKRAMANG kowh uanh thawp maiow,CHAKRAMANG kowi rowsi büa diah,Aw ang kowh sak, CHAKRAMANG kowi rowsi diah.The Seed Company