1 Samuel21
1Jonathan pur hownia powt hanow David dow Nawb marow kowi kowh uamow Ahimelek tut-e kowkowi khai. Nakhowk khe Ahimelek mih kram kowh chur klukluk se David pur kowi uang khai. Now David kowi aia lüntaah mih, “Tawngplawng kowchow en malowkchow? En hown miapaw uang tawi dowi bow?” pakhai.2Nakhowk khe David kuanah mih, “Nachang pe lup lowk kownkow mang uang chin ang mih chowbowt. Aia kowh lup dow maru tawi tuk dowi iawng aia uang pe chang ang mih chekhai. Naiawng rakowi akung kowi ang maru-uüa hown natakrum kownkow amülüng mih arah ang khowm pe khowk.3En tut-e chakkham uowi ne dowi bow? En ia pe ang kawm tanga pah kown bow? Nadowi now akeng mih chakkham chepaw pe ang ne dit,” pape khai.4Now uamow tek pe mih, “Ang tut-e dow iawngpa mih kawm uowi dowi kowbow! CHAKRAMANG pur kowi kowh towah mih chimsaima mih kawm taih uowi. En kowh maru-uüa che masiuüa hown cham taphua taiua dowi hanow nami kawm enni naia cha kown taih,” pakhai.5Nakhowk khe David tek pe mih, “Mapaw dai dowi, tawng iawng mih masiuüa hown paw anging taphua taiua dowi. Iawngpa mih lup cham chang kownkow cham kowi khe khowm padow masiuüa hown ang kowh maru-uüa taphua taiua dowi chekhai. Mami ngam padow apankrima mih lup chedow mapaw ang kowh maru-uüa tasür talawk dowi chekhai,” pape khai.6Naiawng rakowi naiawngün kawm mih David kowi uamow peah khai. Tawngplawng kowchow panow naiawngün kawm klen kowi dow tawng kawm paw aia tut-e uowi dowi chekhai. CHAKRAMANG pur kowi kowh kawm prim henta hanow naiawngün kawm den dow nami ni kowh towah mih tak chekhai.7(Nami ni khe Edawm prenchak Doeg pami Sawl kowh nar paw nakowi uowi lowk ia. Aia dow Sawl kowh tawncher thing miuüa pungmadawng kowi kowh lang kri mih chekhai. Aia dow CHAKRAMANG tut-e takhamta mih iawng nauang chang kownkow nakowi uang mih chekhai).8Ahimelek kowi David lüntaah mih, “Makowi en tut-e reh chepaw, saidawng chepaw uowi ne dowi bow? Mang kowh ana pek den lai rakowi ang matia kowh saidawng hai ang kowh tasen müa rutchün khawkleng tawngpaw ang ia pawla dowi,” pakhai.9Nakhowk khe uamow tek pe mih, “Ela lawngrawi kowi kowh en saiah mih Filistin siphai Goliat pami kowh saidawng makowi uowi apung. Nami saidawng dow ephawd kowrmow kung prakowi uan hown duata hüah. En che nau now nami saidawng en ia paw. Nami klen kowi dow tawng iawng mih saidawng paw uowi dowk chekhai,” pakhai.
David tek pe mih, “Nami saidawng lak-e lang iung mih uowi dowi bowt. Nami saidawng pe ang bowt,” pape khai.10David dow kram Sawl kowh nami ni khe nami hownia kutplan powt hanow Gat marow kowi kowh mang Akhis tut-e kowkowi khai.11Nakhowk khe Akhis kowh maru iukuüa tek pe Akhis mih, “Aia pren kowi chowm mang mih David nami chowbowt nadowi bow?
“‘Saul sai ransu-uüa mih dow athawng athawng ia chekhai,David sai ransu-uüa mih dow tasawng tasawng ia chekhai,’ pahai plai se maru tek meng mih aia lawnguan kowi chowbowt nadowi bow?” pakhai.12David dow naiawngün laiklow sak kowi towah khai, now aia dow mang Akhis kowi lainowmma kram khai.13Naiawng rakowi aia dow amatni pur kowi uowi mowr mih chang thuk iow khai. Aia dow athukma mih iawng tapplawt büng kowi krawi ke naklak khai, now aia kowh mawmpawi luk kowi kriapawp talowi chualua changah khai.14Nakhowk khe aia kowh maru iukuüa kowi Akhis tek pe mih, “Nami maru athukma mih enni khi khowk nadowi bow? Tawngplawng kowchow nami maru kowi ang tut-e enni uang tuk pawla khai?15Athukma mih maru kowi ang khawr mih nowm pabow? Tawngplawng kowchow naiawng athuklama mih kowi ang kim kowi enni uang tuk pawla khai?” pakhai.
David tek pe mih, “Nami saidawng lak-e lang iung mih uowi dowi bowt. Nami saidawng pe ang bowt,” pape khai.10David dow kram Sawl kowh nami ni khe nami hownia kutplan powt hanow Gat marow kowi kowh mang Akhis tut-e kowkowi khai.11Nakhowk khe Akhis kowh maru iukuüa tek pe Akhis mih, “Aia pren kowi chowm mang mih David nami chowbowt nadowi bow?
“‘Saul sai ransu-uüa mih dow athawng athawng ia chekhai,David sai ransu-uüa mih dow tasawng tasawng ia chekhai,’ pahai plai se maru tek meng mih aia lawnguan kowi chowbowt nadowi bow?” pakhai.12David dow naiawngün laiklow sak kowi towah khai, now aia dow mang Akhis kowi lainowmma kram khai.13Naiawng rakowi aia dow amatni pur kowi uowi mowr mih chang thuk iow khai. Aia dow athukma mih iawng tapplawt büng kowi krawi ke naklak khai, now aia kowh mawmpawi luk kowi kriapawp talowi chualua changah khai.14Nakhowk khe aia kowh maru iukuüa kowi Akhis tek pe mih, “Nami maru athukma mih enni khi khowk nadowi bow? Tawngplawng kowchow nami maru kowi ang tut-e enni uang tuk pawla khai?15Athukma mih maru kowi ang khawr mih nowm pabow? Tawngplawng kowchow naiawng athuklama mih kowi ang kim kowi enni uang tuk pawla khai?” pakhai.
The Seed Company