O Yohanes10
1O Yesus wotemoli, neena tinihingahu tohigou-goungu <<Nioda-danganono nihidi-diai e: Nagoonau yoohama o duba ma gugurunga de 'a ma ngoani'awa yaboa, ma 'a o pagaraie yadoa ona geena yotohi-tohi'i de yoora-ora.2Ma o nyawa nage yoohama yaboa ma ngoani'a, una geena o duba yogoa-goana.3Ho o ngoana ma goa-goana wo'idepelenga o ngoana, de ma duba-duba ge 'iihene awi ilingi waaho'o to ena ma ronga moi-moi de winii'i de watuda wohihupu.4Na'o ma duba geena ihupuo'au ma gugurunga'a ma duduno'a, de ma duba wogoa-goana guuna wotagi wohila-hila, de awi duba geena 'i'o'inii'i hababu awi ilingi yana'o.5Ma o nyawa ma homoa geena aha 'ainii'ua ho 'ailoa hababu yana'o unawa awi ilingi.>>6O Yesus wohijarita ma hi'atero geena, ma ona 'a yomamangaritiwa awi ma'uhuutu o 'iau.7Ho, o Yesus wotemo ma moioli, <<Neena Tinihingahu tohigou-goungu'u: Ngoiou neena tomahi'atero o duba ma ngoana.8Ngoi 'iiwahi ena ona o nyawa moi-moi yoboa'au de yomatehongo na'o ona geena o duba yogoa-goana, ona geena harage de yotohi-tohi'i de yoora-ora de o duba geena 'aihigihenua manga ilingi.9Ngoi neena harage 'a o ngoana. Nagoonau yohoma yoboa ngoino aha yohalamata de aha ihupuohama la 'imadama'e o inomo.10Yotohi-tohi'i yoboa geena duga 'ayotohi'i, yotooma, de o nyawa yabinaha. Ma Ngoi toboa, ma ngale o nyawa yama'e o wowango ma dutu, de 'ao'iawa yo'ihidu'uranga.11Ngoi neena harage de o duba ma go-goana yaowa-owa. O duba ma go-goana yaowa-owa geena womode'e wohongene ma ngale wohi halamata awi duba-duba.12O nyawa ge o duba wogoana 'awihewa, nage 'a ma duba ma go-goanua de 'a ma duba ma dutuwa ma, aha wa'o'ida'damada 'a de wo loa ma duba na'o wama'e o 'aewani 'iti-tingi'ai 'iboa. Ho o duba-duba geena aha o 'aewani 'iti-tingi'ai ya'aboto de munu'a 'iloa 'ima'ati-tinga'o'a.13Wihewa-hewa guuna 'awoloa, hababu 'una wo'arajaanga geena 'awihewa, ho una 'a ma 'awodaali'awa ma duba-duba geena.14Ngoi neena o go-goana ma owa. Harage 'ai Dea woinao Ngoi de Ngoi towina'o 'ai Dea, 'ogeenali ma Ngoi tana'o 'ai duba, de 'ai duba-duba 'ina'o Ngoi. Ngoi tomode'e tohongene ma ngale ta halamata 'ai duba-duba geena.16'Ai duba ma homoa de ma 'enahi, ma 'aihidotodoimua de o domba ma duono'a neena. 'Ena ma halingou ta'ahali de aha 'ihigihene 'ai 'ilingi. 'Ena moi-moi aha idadi 'a o duono moi de 'awomatengo wogoa-goana.17'Ai Dea woihibohono, hababu Ngoi tomode'e tohongene la ngoi idadi towangoli.18Ngoi aha 'amoiwa moi idadi 'itooma ma 'a Ngoi ma hirete tomahigiama ma hoata imote'e 'ai mau. Ngoi to'uaha ma ngale tomahigiaa ma hoata 'iho-honenge, de to'uaha ma ngale towangoli. Geenau to ngoi 'ai 'arajaanga 'ai Dea wohulo'o tadiai.>>19Hababu o Yesus womaade-ade 'ogeena, ho o Yahudi ma nyawa yoma'aributu.20Manga lepe yotemo, <<Una o to'ata widongohamu'u ma de witogohanga! Dodoau ho niohigihene una'a?>>21Ma naga ma yotemo, <<O nyawa o to'ata yo'idongahamu'u 'a'ogeenawa yomaade-ade! O to'ata 'oyaa'unuwa 'idiai o nyawa yopilo-pilo'o yomahima'e!>>22O Yerusalemo'a yodiai ma gi-giria'a ma Jou ma Dutu awi Woa 'Itabisi ma Wange ma Amoo, ma oraha geena o loo'o ma oraha.23O Yesus wo'a'adagi ma Jou ma Dutu awi Woa ma bibino'a o teraso'a, nage yohironga o Salomo awi Terasa,24de o Yahudio'a yamuluo naga yoboa yomatoomu o Yesus wihigilolitino de yotemo, <<Hiadono muluo'a Ngona nimimada'a ngomi miana'o itiaiwa ngona ge'ena naguunau? Nimihingahu nohiti-tiaino, na'o ngona ma gou-goungu ma Oana o Nyawa Wohiha-halamata guuna.>>25O Yesus wopaluhu, <<Ngoi tohidemo'au ngini'a, ma ngini 'anionga'uwa. O hagala 'arajaanga todiaio'au de 'ai Dea awi 'uaha, 'ihinyata ma ngale Ngoi neena naguunau.26Ma ngini 'anionga'uwa hababu ngini 'a to ngoiwa 'ai duba.27To Ngoi 'ai duba-duba geena ihigihene 'Ai 'ilingi, Ngoi ta'o'ina'o 'ena de 'ena 'imote'e Ngoi.28Ngoi to'ula 'ena'a o wowango 'ahiado-adoni'a, de 'ena aha 'ahiado-adoni'a 'aimurutuwa. 'Ena aha 'amoiwa moi idadi yaora to ngoi 'ai giama ma hoatoa.29'Ai Dea wo'ihigiama ma hoato'au Ngoino. De Una awi 'uaha 'iholoi 'iamo'o de nagoonau bato, ho 'amoiwa moi idadi yo'i'ora 'Ai Dea awi giama ma hoato'a.30Ngoi de 'Ai Dea geena 'a moi.>>31Geena'a de o Yahudio'a goona o heleo yomageheli mangale o Yesusi'a wiheleo.32Ma o Yesus wotemo ona'a, <<Ngini niama'e'au Ngoi todiai 'aolepe o arajaanga yaowa-owa, gee 'Ai Dea wo'ula'au Ngoino. Moi-moi ma 'arajaanga geena, 'ia'a ma hababu ho ngini niomau niheleo Ngoino?>>33O Yahudio'a ma nyawa-nyawa go'ona yopaluhu, <<Ma hababu 'a ani arajaangua yaowa-owa geena ho ngomi miomau nimiheleo, ma ena hababu ngona nowihohedu ma Jou ma Dutu'a. Ngona o nyawa biaha de nomau nomadiai ma Jou ma Dutu.>>34Geena'a de o Yesus wopaluhu, <<Naga nia hu'umu ma bo'uo'a ihitulihu'u, ma Jou ma Dutu wotemo onane: <Ngini geena harage o jou>35Ngone pana'o oiau naga gee 'itulihu'u o Bo'u 'Iofi-ofi'u 'ena geena 'ahi'ado-'adoni'au. Ho na'o ma Jou ma Dutu wo'ihironga <o jou> nage naga yadawo-dawongo Awi demo,36idodoau ho ngini niotemo na'o Ngoi tohohedu ma Jou ma Dutu, ma hababu Ngoi totemo na'o Ngoi ma Jou ma Dutu awi Ngoa'a? 'Ena momongo Ngoi 'ai Dea woiili'o'au la towileleani de woihulo'o o duniano.37Na'o Ngoi 'atadiaiwa o 'arajaanga nage 'ai Dea wo'ula'au, 'uwa nionga'u ngoino.38Ma hababu Ngoi tadiaio'au, ho halingou nionga'uou o 'arajaanga gee Ngoi tadiai, ngaro ngini nioolu'u nionga'u Ngoino. De geenau aha ngini niana'o de niomangariti na'o 'ai Dea de de ngoi 'a moi, de ngoi de 'ai Dea 'a moi.>>39Ona yohi'ahali'ioli witago'o o Yesus, duga womahia'ata de wotagio'au.40O Yesus woma'ilioli o Yordan ma ngaili ma hononga'o, nage ma hila o Yohanes o nyawa woohi-ohi'i'o'a, de womanoa geena'a do'a.41O nyawa manga lepe ya'ai'a 'una'a de yomahi'ademo yotemo, <<O Yohanes 'awodiaiwa o haala 'ihera-heranga, ma moi-moi nage wohidemo-demo ma ngale o nyawa nuuna geena 'igoungu.>>42Geena'a de manga lepe geena'a do'a yonga'uo'au o Yesusi'a.
The Seed Company