O Yohanes9
1Wa'utu o Yesus wotagi-tagi, de wima'e o nyawa wopilo-pilo'o 'awomaboanohi.2O Yesus awi ni-nii'i yohano o Yesusi'a, <<Aba Guru, idodoau ho o nyawa nuuna wopilo'o 'awomaboanohi? Nagoonau manga baradoha una mahirete, e'ola awi eha de wi dea manga baradoha?>>3O Yesus wopaluhu, <<Una wopilo'o geena 'a to 'unawa awi baradoha de 'a awi baluhuwa manga baradoha, ma 'ena 'ihimaiti ma Jou ma Dutu awi 'uaha 'i'arajaanga 'una'a.4Na'o o wangehi geena halingou padiai nage Una woihulo-hulo'o awi 'arajaanga. Hababu o wutu aha iboa geena 'amoiwau idadi yo'arajaanga.5Ma oraha Ngoi 'a o dunia'ahi neena, Ngoiou neena to'ula-'ula o daraanga o nyawa'a o dunia'a.>>6O Yesus 'ogeena wotemo de waobili o tona'u'u, de wohi'aruae awi obili geena de o tona'a de aha wohii'ili wopilo-pilo'o guuna awi la'o'o,7de wotemo una'a, <<Tagi 'ani biono namamahau o Siloam ma a'ele 'ilupa-lupango'a.>> O Siloam ma mangariti <<Wihulo-hulo'o>>. Ho o nyawa guuna wotagi woma-mamahau. Wa'utu woma'iliono ena womahima'e'au.8Awi hiridate'i'a de o nyawa nage ma hila wina'o una geena woga-gaaho'o ma oraha 'awomahima'ewahi, moi-moi yotemo, <<'Aunawa nuuna, nage biaha wogogelu'u woga-gaaho'o?>>9Munu'a yotemo, <<'Igoungu unau.>> Ma munu'ali yotemo, <<'awimodi ma hara 'a una.>>
Ma o nyawa guuna ma hirete wotemo, <<Ngoiou neena!>>10Ona yotemo una'a, <<Cara'iau ho ngona idadi nomahima'e?>>11Una wopaluhu, <<O nyawa nage awi ronga o Yesus guuna o tona'a ma ile wapeha'o'a de wohiehe'a 'ai la'o'o de wotemo, <Tagi 'ani biono nomamahau o Siloam ma a'ele 'ilu-lupango'a.> Geena'a de ngoi totagi ho tomamahau, de tomahima'e'au.>>12De ona yohano, <<Ma nyawa guuna 'ia'a una?>>
'Una wopaluhu, <<'Aiyaho.>>13Nage ma oraha o Yesus o tona'a de awi obili wohi'aruae mangale wohiehe wopilo-pilo'o awi la'o'o la idadi womahima'e, ma 'oraha geena o Sabat ma Wange'u. Ho o nyawa nage wopilo'uwau guuna wiaha o Farisi ma nyawa'a.15Ona ma yohano una'a cara'iau ho una idadi womahima'e. Una wopaluhu, <<O tona'a de awi obili wohiaruae de wohii'ili 'ai la'o'o, geena'a de tomamahauo'au de tomahima'e'au.>>16O Farisio'a yamuluo naga yotemo, <<O nyawa gee wihiai'i wopilo-pilo'o, guuna awi 'ahala 'a ma Jou ma Dutunowa, hababu una wodinii'i'ua o Sabat ma wange ma 'autoranga.>>
Ma o nyawa maregu yotemo, <<Cara'iau idadi o nyawa gee yoba-baradoha yodiai o haala ihera-heranga harage de neena?>> Geena'a de ona'a ge yoma'aributu.17Ho marai o Farisio'a goona yohanoli o nyawa'a nage 'awopilo'uwa guuna, <<Cara'iau na'o imote'e ngona ma ngale Una nage nowidiai nomahima'e'au?>>
O nyawa guuna wopaluhu, <<Una o nabi moi.>>18Ma o Yahudio'a manga balu-baluhu goona, yoolu'u yonga'u na'o o nyawa igou-goungu wopilo'o ma hila de neena womahima'e'au. Hababu geena yo'iaho'o to una awi baluhu,19de yohano awi baluhi'a, <<'Igoungu nuuna tingini nia ngoa'a, nage niotemo na'o wopilo'o 'awomaboanohi? Cara'iau ho neena una womahima'e'au?>>20O nyawa guuna awi baluhu yopaluhu, <<'I goungu nuuna to ngomi mia ngoa'a, de 'igoungu una wopilo'o 'awomaboanohi.21Ma cara'iau ho neena una womahima'e'au, ngomi miana'owa. De nagoona widiai 'una idadi womahima'e, geena ma ngomi miana'owa. 'A 'una'au niohano, 'una ma 'ao ngoa'uwau ho 'a una ma 'aidadi wohingahu.>>22O nyawa guuna awi baluhu 'ogeena yotemo, hababu yo'idomodongo o Yahudio'a manga balu-baluhi'a. Hababu o Yahudio'a manga balu-baluhu yoma'aaturo'au na'o o nyawa nage yonga'u o Yesus geena la ma Oana o Nyawa Wohiha-halamata guuna, ona 'aidadiwau yoohama o do-doomu ma woa'a.23Geenau ho o nyawa guuna awi baluhu yotemo, <<Una ao ngoa'uwau, ho 'a 'una'au niwihano.>>24Geena'a de ona wiaho'oli o nyawa nage 'aano wopilo'o guuna, de yotemo una'a, <<Ika no'oboto ma Jou ma Dutu awi biono'a na'o aha nomaade-ade ma gou-goungu. Ngomi miana'o o Yesus guuna woba-baradoha.>>25O nyawa guuna wopaluhu, <<Woba-baradoha e'ola 'ouwa, ngoi 'atana'owa. Ma o ngai moi tana'o, geena la ma hila ngoi topilo'o, ma neena tomahima'e'au.>>26Geena'a de 'ona yotemoli 'una'a, <<Una wodiai 'o'iau ngona'a? Cara'iau nowidiai ho nomahima'e?>>27O nyawa guuna wopaluhu, <<Wae, tohijarita'au ngini'a, ma ngini 'anihigihenua. Dodo'oau ho niomau niohigihenoli? Poelua ngini niomau niwinii'i Una'a ma?>>28Geena'a de ona widoana de yotemo, <<Ngona geena nowini-nii'i o Yesus, ma ngomi mianii'i to Musa awi dodoto'o.29Ngomi miana'o na'o ma Jou ma Dutu womaade-ade'au o Musa'a, ma mangale o Nyawa guuna ngomi 'amiana'owa awi 'ahala 'ianou.>>30O nyawa guuna wopaluhu, <<Wae, Cara duru toherana ngini 'aniana'owa awi 'ahala 'ianou, ena Una woidiai tomahima'e'au.31Ngone pana'o ma Jou ma Dutu 'awo'ihigihenua o nyawa yoba-baradora, ma Una wohigihene o nyawa nage wihuba-huba de nage yadiai Awi mau.32'A ma oraha o dunia idadi hiadono neena, 'omaiwahi poihene naga yohiai'i'o nyawa yopilo-pilo'o 'ayomaboanohi.33Na'o o nyawa guuna 'a ma Jou ma Dutunowa, una aha 'awaa'unuwa wodiai o haala 'ihera-heranga harage de geena.>>34Ona yopaluhu, <<'Oiau? Ngona o baradoha niomangu'u 'anomaboanohi, de nomau nimidoto'o?>> Ho imulaenge ma 'oraha geena una wihihupu o dodoomu ma woa'a de 'awihigumadawau woohama.35O Yesus woihene na'o o nyawa guuna 'awihigumadawau woohama o dodoomu ma woano, de Una wihali'i o nyawa guuna, ho de wima'eno de o Yesus wotemo una'a, <<Bote ngona nonga'u o Nyawa ma Ngoa'i'a?>>36O nyawa guuna wopaluhu, <<Aba Una geena naguunau? Bee'a nohingahingahuno la ngoi towingau Una'a.>>37O Yesus wopaluhu, <<Ngona nowima'e'au. Una geena Ngoiou nage ma oraha neena poma'aade-ade.>>38O nyawa guuna wotemo, <<Ngoi tonga'u Jou,>> geena'a de watilabu'u'u wohuba o Yesus awi biono'a.39O Yesus wotemo, <<Ngoi toboa o duniano neena mangale to'iha'imi la o nyawa yopilo-pilo'o yomahima'e de o nyawa nage yamatibanga'u yomahima'e idadi yopilo'o.>>40O Farisio'a yamuluo naga geena'a dau nage yoihene o Yesus wotemo 'ogeena, de yohano Una'a, <<Oo, ho Ani dumutu ngomi neena ma miopilo'o?>>41O Yesus wopaluhu, <<Na'o ngini niopilo'o, geena 'aniobaradohawa. Ma hababu niotemo, nimahima'e geena ma mangariti na'o ngini aniobaradoha'ahi.>>
Ma o nyawa guuna ma hirete wotemo, <<Ngoiou neena!>>10Ona yotemo una'a, <<Cara'iau ho ngona idadi nomahima'e?>>11Una wopaluhu, <<O nyawa nage awi ronga o Yesus guuna o tona'a ma ile wapeha'o'a de wohiehe'a 'ai la'o'o de wotemo, <Tagi 'ani biono nomamahau o Siloam ma a'ele 'ilu-lupango'a.> Geena'a de ngoi totagi ho tomamahau, de tomahima'e'au.>>12De ona yohano, <<Ma nyawa guuna 'ia'a una?>>
'Una wopaluhu, <<'Aiyaho.>>13Nage ma oraha o Yesus o tona'a de awi obili wohi'aruae mangale wohiehe wopilo-pilo'o awi la'o'o la idadi womahima'e, ma 'oraha geena o Sabat ma Wange'u. Ho o nyawa nage wopilo'uwau guuna wiaha o Farisi ma nyawa'a.15Ona ma yohano una'a cara'iau ho una idadi womahima'e. Una wopaluhu, <<O tona'a de awi obili wohiaruae de wohii'ili 'ai la'o'o, geena'a de tomamahauo'au de tomahima'e'au.>>16O Farisio'a yamuluo naga yotemo, <<O nyawa gee wihiai'i wopilo-pilo'o, guuna awi 'ahala 'a ma Jou ma Dutunowa, hababu una wodinii'i'ua o Sabat ma wange ma 'autoranga.>>
Ma o nyawa maregu yotemo, <<Cara'iau idadi o nyawa gee yoba-baradoha yodiai o haala ihera-heranga harage de neena?>> Geena'a de ona'a ge yoma'aributu.17Ho marai o Farisio'a goona yohanoli o nyawa'a nage 'awopilo'uwa guuna, <<Cara'iau na'o imote'e ngona ma ngale Una nage nowidiai nomahima'e'au?>>
O nyawa guuna wopaluhu, <<Una o nabi moi.>>18Ma o Yahudio'a manga balu-baluhu goona, yoolu'u yonga'u na'o o nyawa igou-goungu wopilo'o ma hila de neena womahima'e'au. Hababu geena yo'iaho'o to una awi baluhu,19de yohano awi baluhi'a, <<'Igoungu nuuna tingini nia ngoa'a, nage niotemo na'o wopilo'o 'awomaboanohi? Cara'iau ho neena una womahima'e'au?>>20O nyawa guuna awi baluhu yopaluhu, <<'I goungu nuuna to ngomi mia ngoa'a, de 'igoungu una wopilo'o 'awomaboanohi.21Ma cara'iau ho neena una womahima'e'au, ngomi miana'owa. De nagoona widiai 'una idadi womahima'e, geena ma ngomi miana'owa. 'A 'una'au niohano, 'una ma 'ao ngoa'uwau ho 'a una ma 'aidadi wohingahu.>>22O nyawa guuna awi baluhu 'ogeena yotemo, hababu yo'idomodongo o Yahudio'a manga balu-baluhi'a. Hababu o Yahudio'a manga balu-baluhu yoma'aaturo'au na'o o nyawa nage yonga'u o Yesus geena la ma Oana o Nyawa Wohiha-halamata guuna, ona 'aidadiwau yoohama o do-doomu ma woa'a.23Geenau ho o nyawa guuna awi baluhu yotemo, <<Una ao ngoa'uwau, ho 'a 'una'au niwihano.>>24Geena'a de ona wiaho'oli o nyawa nage 'aano wopilo'o guuna, de yotemo una'a, <<Ika no'oboto ma Jou ma Dutu awi biono'a na'o aha nomaade-ade ma gou-goungu. Ngomi miana'o o Yesus guuna woba-baradoha.>>25O nyawa guuna wopaluhu, <<Woba-baradoha e'ola 'ouwa, ngoi 'atana'owa. Ma o ngai moi tana'o, geena la ma hila ngoi topilo'o, ma neena tomahima'e'au.>>26Geena'a de 'ona yotemoli 'una'a, <<Una wodiai 'o'iau ngona'a? Cara'iau nowidiai ho nomahima'e?>>27O nyawa guuna wopaluhu, <<Wae, tohijarita'au ngini'a, ma ngini 'anihigihenua. Dodo'oau ho niomau niohigihenoli? Poelua ngini niomau niwinii'i Una'a ma?>>28Geena'a de ona widoana de yotemo, <<Ngona geena nowini-nii'i o Yesus, ma ngomi mianii'i to Musa awi dodoto'o.29Ngomi miana'o na'o ma Jou ma Dutu womaade-ade'au o Musa'a, ma mangale o Nyawa guuna ngomi 'amiana'owa awi 'ahala 'ianou.>>30O nyawa guuna wopaluhu, <<Wae, Cara duru toherana ngini 'aniana'owa awi 'ahala 'ianou, ena Una woidiai tomahima'e'au.31Ngone pana'o ma Jou ma Dutu 'awo'ihigihenua o nyawa yoba-baradora, ma Una wohigihene o nyawa nage wihuba-huba de nage yadiai Awi mau.32'A ma oraha o dunia idadi hiadono neena, 'omaiwahi poihene naga yohiai'i'o nyawa yopilo-pilo'o 'ayomaboanohi.33Na'o o nyawa guuna 'a ma Jou ma Dutunowa, una aha 'awaa'unuwa wodiai o haala 'ihera-heranga harage de geena.>>34Ona yopaluhu, <<'Oiau? Ngona o baradoha niomangu'u 'anomaboanohi, de nomau nimidoto'o?>> Ho imulaenge ma 'oraha geena una wihihupu o dodoomu ma woa'a de 'awihigumadawau woohama.35O Yesus woihene na'o o nyawa guuna 'awihigumadawau woohama o dodoomu ma woano, de Una wihali'i o nyawa guuna, ho de wima'eno de o Yesus wotemo una'a, <<Bote ngona nonga'u o Nyawa ma Ngoa'i'a?>>36O nyawa guuna wopaluhu, <<Aba Una geena naguunau? Bee'a nohingahingahuno la ngoi towingau Una'a.>>37O Yesus wopaluhu, <<Ngona nowima'e'au. Una geena Ngoiou nage ma oraha neena poma'aade-ade.>>38O nyawa guuna wotemo, <<Ngoi tonga'u Jou,>> geena'a de watilabu'u'u wohuba o Yesus awi biono'a.39O Yesus wotemo, <<Ngoi toboa o duniano neena mangale to'iha'imi la o nyawa yopilo-pilo'o yomahima'e de o nyawa nage yamatibanga'u yomahima'e idadi yopilo'o.>>40O Farisio'a yamuluo naga geena'a dau nage yoihene o Yesus wotemo 'ogeena, de yohano Una'a, <<Oo, ho Ani dumutu ngomi neena ma miopilo'o?>>41O Yesus wopaluhu, <<Na'o ngini niopilo'o, geena 'aniobaradohawa. Ma hababu niotemo, nimahima'e geena ma mangariti na'o ngini aniobaradoha'ahi.>>
The Seed Company