O Yohanes11
1Naga womatengo wopanya'e'u, awi ronga o Lazarus. Una de awi bila-bilanga, o ngo Maria de o ngo Marta yomanoa o Betania ma hoano'a.2Ongo Mariau nage modalihi o Yesus awi dou'u de o gooro ma bounu ihemo-hemo ge ma ronga o mur, de mohii'ili de ami utu. O Lazarus ge wigo-gogama geena ami ilanga.3Ongo Maria de o ngo Marta yohidingoto o behehongo o Yesusi'a: <<Jou, mia ilanga nage nowihiboho-bohono, guuna wopanya'e.>>4Wa'utu o Yesus woihene ma habari geena, Una wotemo: <<Awi panya'e geena aha awohi honengua, ma de awi panya'e geena, ho ma Jou ma Dutu wihiie, de ma hababu geena ma, ma Jou ma Dutu awi Ngoa'a ma wihiie.>>5O Yesus duru wo'ihibohono o ngo Marta, o ngo Maria de o Lazarus.6Duga wa'utu Una woihene ma habari geena, na'o o Lazarus wopanya'e, de 'a Una awi hininga ho awi wange modidiohi awi dingiio'a.7Geena ipaha'a de Una wotemo awi ni-nii'i'a: <<Niainou poma'ilio o Yudea'a ma daera'a.>>8Awi ni-nii'i yopaluhu, <<Aba guru, 'aitaaowahi neena o Yahudio'a ma nyawa yomau niheleo, de nomau no'ai'ali?>>9O Yesus wopaluhu, <<Ngini niana'o to? Na'o o wange moi geena o dada'o mogio'o de modidio'a. Nagonau yomadagi o wange-wange geena ayopele'ua, hababu yama'e o dunia ma daraanga.10Ma nagonau yomadagi o wutu-wutu, maraio'au yopele'e, hababu o daraanga o iwa ona'a.>>11O Yesus 'ogeenau wotemo. De Una wotemoli, <<Nanga manai o Lazarus womaiduo'a, ma aha to'ai'a towitomanga.>>12Geena'a de awi ni-nii'i yotemo Una'a, <<Jou, na'o o Lazarus awomaiduo'a, done aha woai'i.>>13Duga o Yesus awi dumutu geena o Lazarus wohonengo'au, ma awi ni-nii'i yotemo bali o Yesus awi dumutu 'awomaiduo'a.14Geenau ho o Yesus wohingahu wohito-tongoti'a: <<O Lazarus wohongeno'au.15Duga amaowa'a ho wa'utu geena Ngoi aiiwa geena'a, hababu 'ogeena iholoi yaowa mangale ngini, la ngini idadi nio nga'u Ngoino. Niaino po'ai'a o Lazarusi'a.>>16Geena'a de o Tomas nage wihironga <<O Hago,>> wotemo awi ma-manai'a, geenalah o Yesus Awini-nii'i ma reguoli: <<Niaino powinii'i, ngaro ngone pomaho-hongene dede una!>>17Wa'utu o Yesus womahiadono geena'a, o Yesus Woihene na'o o Lazarus awi wutu hoatou o boohu'o'a.18O Betania ma hoana geena 'ai'a'uluwa ima'atinga'a de o Yerusalem, poelua o kilo haange'a.19Geena'a o Yahudio'a manga lepe yoboano o ngo Marta de ngo Mariano mangale manga hininga yohi'uata hababu manga ilanga wohonenge.20Wa'utu o ngo Marta moihene, na'o o Yesus wobo'au de midajai-jai ena o ngo Maria muna 'ao woa'a21Ongo Marta mihobo'i'a o Yesus de motemo, <<Jou, na'o ma oraha geena la de de Ngona neena'a, tanu 'ai ilanga 'a wohonengua.22Ngoi tana'o, o oraha neena o 'iau bato Ngona nogaaho'o ma Jou ma Dutude, geena aha Nowi'ula.>>23O Yesus wotemo o ngo Marta'a, <<Ani ilanga aha wowango'oli.>>24O Marta mopaluhu, <<'iyolo ngoi tana'au o Lazarus aha womomi'oli, nage ma oraha yohone-honengeo'au yo'ihimomi'i o dunia ma baha'a.>>25De o Yesus wotemoli o ngo Marta'a, <<Ngoiou neena nage o nyawa yohone-honengo'au de to'ihiwangoli de to'i'ula o wowango 'ahiado-adoni'a. O nyawa nage yonga'u-nga'u Ngoino, ngaro yohonengo'au ma aha yowangoli.26De o nyawa yowango-wango nage yonga'u-nga'u Ngoino, ona aha 'ayohonengua 'ahiado-adoni'a. Ngona nonga'u?>>27Ongo Marta mopaluhu, <<'iyolo Jou. Ngoi to nga'u ngona geena ma Jou ma dutu awi Ngoa'a, ma Oana o Nyawa wohiha-halamata nage ma Jou ma Dutu wojajio'au nage aha noboa o duniano neena.>>28Iduangino o ngo Marta momaade-ade 'ogeena, de motagi miaho'o ami lia'a o ngo Maria de mihudu muna'a: <<Ma Aba guru Una do'au, Una nowiaho'o ngona'a.>>29Wa'utu o ngo Maria woihene o geena, de 'amogila-gila momagoa'a ho motagi o Yesusi'a.30Ma oraha geena o Yesusu 'awomahiadonuahi o hoanino. Una awi dingio'ahi nage 'aano yoma'ama'e de o ngo Marta.31O Yahudi ma nyawa nage o ngo Maria ami woa'a ya'aino ami hingina yohi'ua-'uata, mima'e o ngo Maria momagoa'a mohupu de motagi momatai-taiti ho mininii'i, hababu ona yomangitu o boohui'a momado-dora.32Ho nage o ngo Maria momahiadoni'a o Yesusia de mima'e Una de matilabu'u'u awi biono'a de motemo, <<Jou, na'o ma oraha geena de ngona'a neena'a, ma raio'au 'ai ilanga 'awohonengua.>>33Nage o Yesus mima'e o ngo Maria moali 'amohowo-howou, de o Yahudio'a nage ngo Maria mininii'ino ma yoali, ho o Yesus awi hininga duru 'ihuha de duga witootaholi,34ho wohano ona'a, <<Ho 'iaa'a niwipoohu'u?>>
Ona yopaluhu, <<Jou, na'aino awi boohu'u nataila'o.>>35Geena'a de o Yesus woali.36Ho o Yahudi ma nyawa ge yotemo, <<Odo niwima'e ee, duru wihibohono o Lazarusi'a!>>37Duga geena'a dau munu'a yoma'atemo, <<'Unau wodiai nage o nyawa yopilo-pilo'o idadi yomahima'e, de dodoau ho 'awohiai'uwa o Lazarus awi panya'e la uwa wohongene?>>38O Yesus awi hininga duru ihuhali, ho wotagi o boohu'i'a. O boohu'u ge'ena o aru'o'a de o heleo 'iamo-amo'o yohitamuni'a.39De o Yesus wotemo, <<Niahelo ma heleo ge'ena.>>
De o ngo Marta nage wohone-honenge awi bilanga gumuna mopaluhu, <<'Ae Jou, 'una awi wange hoatou o boohu'u ma doda'a, ho ma raio'au wobouno'au.>>40O Yesus wotemo o ngo Martaka, <<Ee Marta, tonihidemo'au to? Na'o ngona nonga'u, aha nama'e ma Jou ma Dutu awi 'uaha nage duru 'ilamo'o.>>41Ho ona yahelo ma heleo geena. Geena'a de o Yesus womatawagade o diwangie de wotemo, <<'Amaowa'a Aba, hababu ngona nohigiheno'au 'ai ga-gaaho'o!42Ngoi tana'o'au ngona 'aitauri'a noihigihene, ma Ngoi totemo onane o nyawa 'ihigi-gilolitino noona nage yoihene la yonga'u ma nao ngoi neena ngona noihulo'ino.>>43'A 'ogeena wotemo'a de o Yesus woaho'o wa'ua-'uatie, <<Lazarus, Na'aino nohupuno!>>44Ho wohonge-hongenu'u nage wohupu. Awi giama de awi dou 'a de ma ha-hao'ahi o moha 'iare-'arehe nage biaha yohihao o honenge, de wi biono ma 'ailuwungo'ahi de o moha. O Yesus wo'ihulo'o o nyawa-nyawa'a geenaa gee wotemoli, <<Awi ha-hao niahohe de niwimada'a wotagi-tagi!>>45O Yahudi ma nyawa o ngo Maria'a yaino-ino gee manga lepe yonga'u o Yesusi'a ma oraha yama'e o Lazarus wohonengu'ou de wihimomi'i.46Duga mareguoli yamuluo naga geena'a dau, yotagi o Farisi ma nyawa'a de yohingahu o 'iau naga ge o Yesus wodiaio'au.47Ho o Farisio'a de o 'imam ma hae-hae'e yomatoomu de yoiaho'oli o agama'a ma Ha'imi. De ona yotemo, <<Ngone halingou o'iau padiai? O nyawa nuuna wodiai 'ao lepe o haala 'ihera-heranga!48Na'o ngone 'apowidipidili'a oneena, o nyawa moi-moi aha yonga'u Una'a, de ma baha'u o Roma'a manga balu-baluhu aha 'inadoboano de yahoroma yatiiha ma Jou ma Dutu awi Woa de nanga nyawa moi-moi!>>49Ma ona'a naga womatengo awi ronga o Kayafas, 'una o 'Imam ma Amo'o ma taunu geena, wotemo, <<Ngini 'ao'iawa niana'o.50Ngini 'animana'owa, 'iholoi yaowa mangale ngini womatengo wohongene, mangale nanga nyawa uwa hiadono ngone o Yahudio'a moi-moi pobootu'u>>51O Kayafas 'ogeena wotemo, geena 'a to 'unawa ma hirete awi hinginano ma wohingahu o behehongo, ma Jou ma Dutuno, hababu 'una o 'Imam ma Amo'o ma taunu geena ho 'una wohidemo'au na'o o Yesus aha wohongene ma ngale o Yahudio'a ma nyawa.52De duga o Yahudio'awa ma, ma mangale watoomu de wohi'arimoi ma Jou ma Dutu awi ngowa-ngowa'a gee 'ia'a naga ma yomati-tingai'a.53'Imulaenge ma wange geena o Yahudio'a manga balu-baluhu yomahi'aduga ma ngale o Yesus wito'oma.54Geenau ho o Yesus 'awomahidumutuawau o 'awaha'a o Yahudi ma nyawa'a. 'Una woma'ai'i geena'a dau de wohi'ai'a o bendari'a gee ma ronga o Efraim, o tona'a 'i'a-'a'aha ma date'o'a. Geena'a dau 'una de awi do-domote'e yomanoa.55Ma oraha ge'ena 'ihorio'au o Yahudio'a manga wange ma amo'o nage ihironga o Paskah. O nyawa o hoa-hoano'a manga lepe yopaha'au o Yerusalemi'a la yadiai manga agama'a ma adata ma ngale manga roehe yaberehi, ma wange ma amo'o geena 'aya'adonu'ahi.56Ona wihali'i o Yesus, de gee yomatoomuno ma Jou awi Woa'a, ona yoma'atemo moi de moi'a, <<Cara'au ngini 'ania di-dibanga? Poelua ma una 'awoboawa o wange ma amo'o'a neena.>>57Ma oraha geena o'imam ma hae-hae'e de o Farisio'a manga pareta yohihupuo'au nagoonau yana'o o Yesus 'ia'a naga ma, halingou yohidemo la idadi witago'o Una'a.
Ona yopaluhu, <<Jou, na'aino awi boohu'u nataila'o.>>35Geena'a de o Yesus woali.36Ho o Yahudi ma nyawa ge yotemo, <<Odo niwima'e ee, duru wihibohono o Lazarusi'a!>>37Duga geena'a dau munu'a yoma'atemo, <<'Unau wodiai nage o nyawa yopilo-pilo'o idadi yomahima'e, de dodoau ho 'awohiai'uwa o Lazarus awi panya'e la uwa wohongene?>>38O Yesus awi hininga duru ihuhali, ho wotagi o boohu'i'a. O boohu'u ge'ena o aru'o'a de o heleo 'iamo-amo'o yohitamuni'a.39De o Yesus wotemo, <<Niahelo ma heleo ge'ena.>>
De o ngo Marta nage wohone-honenge awi bilanga gumuna mopaluhu, <<'Ae Jou, 'una awi wange hoatou o boohu'u ma doda'a, ho ma raio'au wobouno'au.>>40O Yesus wotemo o ngo Martaka, <<Ee Marta, tonihidemo'au to? Na'o ngona nonga'u, aha nama'e ma Jou ma Dutu awi 'uaha nage duru 'ilamo'o.>>41Ho ona yahelo ma heleo geena. Geena'a de o Yesus womatawagade o diwangie de wotemo, <<'Amaowa'a Aba, hababu ngona nohigiheno'au 'ai ga-gaaho'o!42Ngoi tana'o'au ngona 'aitauri'a noihigihene, ma Ngoi totemo onane o nyawa 'ihigi-gilolitino noona nage yoihene la yonga'u ma nao ngoi neena ngona noihulo'ino.>>43'A 'ogeena wotemo'a de o Yesus woaho'o wa'ua-'uatie, <<Lazarus, Na'aino nohupuno!>>44Ho wohonge-hongenu'u nage wohupu. Awi giama de awi dou 'a de ma ha-hao'ahi o moha 'iare-'arehe nage biaha yohihao o honenge, de wi biono ma 'ailuwungo'ahi de o moha. O Yesus wo'ihulo'o o nyawa-nyawa'a geenaa gee wotemoli, <<Awi ha-hao niahohe de niwimada'a wotagi-tagi!>>45O Yahudi ma nyawa o ngo Maria'a yaino-ino gee manga lepe yonga'u o Yesusi'a ma oraha yama'e o Lazarus wohonengu'ou de wihimomi'i.46Duga mareguoli yamuluo naga geena'a dau, yotagi o Farisi ma nyawa'a de yohingahu o 'iau naga ge o Yesus wodiaio'au.47Ho o Farisio'a de o 'imam ma hae-hae'e yomatoomu de yoiaho'oli o agama'a ma Ha'imi. De ona yotemo, <<Ngone halingou o'iau padiai? O nyawa nuuna wodiai 'ao lepe o haala 'ihera-heranga!48Na'o ngone 'apowidipidili'a oneena, o nyawa moi-moi aha yonga'u Una'a, de ma baha'u o Roma'a manga balu-baluhu aha 'inadoboano de yahoroma yatiiha ma Jou ma Dutu awi Woa de nanga nyawa moi-moi!>>49Ma ona'a naga womatengo awi ronga o Kayafas, 'una o 'Imam ma Amo'o ma taunu geena, wotemo, <<Ngini 'ao'iawa niana'o.50Ngini 'animana'owa, 'iholoi yaowa mangale ngini womatengo wohongene, mangale nanga nyawa uwa hiadono ngone o Yahudio'a moi-moi pobootu'u>>51O Kayafas 'ogeena wotemo, geena 'a to 'unawa ma hirete awi hinginano ma wohingahu o behehongo, ma Jou ma Dutuno, hababu 'una o 'Imam ma Amo'o ma taunu geena ho 'una wohidemo'au na'o o Yesus aha wohongene ma ngale o Yahudio'a ma nyawa.52De duga o Yahudio'awa ma, ma mangale watoomu de wohi'arimoi ma Jou ma Dutu awi ngowa-ngowa'a gee 'ia'a naga ma yomati-tingai'a.53'Imulaenge ma wange geena o Yahudio'a manga balu-baluhu yomahi'aduga ma ngale o Yesus wito'oma.54Geenau ho o Yesus 'awomahidumutuawau o 'awaha'a o Yahudi ma nyawa'a. 'Una woma'ai'i geena'a dau de wohi'ai'a o bendari'a gee ma ronga o Efraim, o tona'a 'i'a-'a'aha ma date'o'a. Geena'a dau 'una de awi do-domote'e yomanoa.55Ma oraha ge'ena 'ihorio'au o Yahudio'a manga wange ma amo'o nage ihironga o Paskah. O nyawa o hoa-hoano'a manga lepe yopaha'au o Yerusalemi'a la yadiai manga agama'a ma adata ma ngale manga roehe yaberehi, ma wange ma amo'o geena 'aya'adonu'ahi.56Ona wihali'i o Yesus, de gee yomatoomuno ma Jou awi Woa'a, ona yoma'atemo moi de moi'a, <<Cara'au ngini 'ania di-dibanga? Poelua ma una 'awoboawa o wange ma amo'o'a neena.>>57Ma oraha geena o'imam ma hae-hae'e de o Farisio'a manga pareta yohihupuo'au nagoonau yana'o o Yesus 'ia'a naga ma, halingou yohidemo la idadi witago'o Una'a.
The Seed Company