Иер1
1Иеремийын, Хелкий эргын, мутшо-влак – Хелкийже Вениамин тукым мландысе Анафоф олаште илыше иерей-шамыч кокла гыч иктыже улмаш.2Иеремийлан Господь деч шомак Иуда кугыжа Иосийын, Амон эргын, латкумшо ий вуйлатымыж годым,3Иуда кугыжа Иоакимын, Иосий эргын, вуйлатымыж годым да Иуда кугыжа Седекийын, Иосий эргын, латикымше ий кугыжаланымыж марте лийын шоген – тудо ийын визымше тылзынже Иерусалимыште илыше-влакым пленыш налыныт.4Мыланем Господьын шомакше лийын:5«Мый тыйым авагудышто ыштымем деч ончычак паленам,ава мӱшкыр гыч лекмет деч ончычак ойыренам,тыйым, святитлен, калык-влакын пророкыштлан шогалтенам».6Мый вашештенам: «О, Господь Юмем! Мый кутыренжат ом мошто, вет эше самырык улам».7Но Господь мыланем каласен:«Самырык улам манын ит ойло.Кӧ деке тыйым колтем – чылашт дек кает,да чыла, мом Мый кӱштем, каласет.8Нунын деч ит лӱд, вет Мый пеленет улам,Мый тыйым утарем», – каласен Господь.9Господь кидшым шуялтен да умшам деке тӱкнен. Тудо мылам каласен:«Теве Мый шке шомакем умшашкет пыштышым.10Таче Мый тыйын кидыш калык ден кугыжаныш-влакым пуэм:тый куклаш да шалаташ, пытараш да сӱмыраш,чоҥаш да шындаш тӱҥалат!»11Мылам Господьын шомакше лийын: «Иеремий, тый мом ужат?» Мый вашештенам: «Миндаль пушеҥгын укшыжым ужам».12Господь мылам каласен: «Тый чын ужат. Шомакем вашке шукталтше манын, Мый тудым Шке эскерем». 13Угыч мыланем Господь деч шомак лийын. Тудо йодын: «Мом тый ужат?» Мый вашештенам: «Шолшо подым ужам, тудо йӱдвечын кечывалвелкыла тайнен».14Господь мыланем каласен: «Тиде мландыште илыше-влак ӱмбаке йӱдвел гыч ойго толеш.15Вет Мый йӱдвел кугыжанышласе чыла калыкым ӱжам, – ойла Господь. – Нуно толыт, шке престолыштым Иерусалимын капкаж-влак пелен, чыла пырдыжше йыр, Иудан кажне олаштыже шындат.16Иудан чыла осал пашажлан Мый судым ыштем: тушто илыше-влак Мый дечем кораҥыныт, йот юмо-шамычлан тӱтыреныт, шке кидышт дене ыштыме полганлан кумалыныт.17А тый шогал, кыдалышкет ӱштым ӱштал да нунылан чыла кӱштымем каласе. Нунын деч ит аптыране, уке гын нунын ончылно Мый тылат лӱдмашым колтем.18Таче Мый тыйым тиде мландыште чоткыдемдыме ола, кӱртньӧ меҥге да той пырдыж гайым ыштышым – тый Иудан кугыжаже, он ден иерейже-влак ваштареш, тиде мландысе калык ваштареш шогаш тӱҥалат.19Нуно тый денет кредалаш тӱҥалыт, но огыт сеҥе, – ойла Господь, – вет Мый пеленет лиям да тыйым утарем».
Institute for Bible Translation, Finland