Иер2
1Мыланем Господьын шомакше лийын:2«Кай да Иерусалимыште чылаштлан увертаре – тыге Господь ойла:”Шарнем: самырыкет годым тый ӱшанле лийынат,оръеҥ улмет годым Мыйым йӧратенат,почешем ир мландыш каенат,кушан нигунам нигӧ ӱден огыл.3Израиль – Господьын святой калыкше,Тудын лектышыжын икымше саскаже.Кӧ тудым авызлен, чылан титаканыш лектыныт,ойгыш логалыныт”», – ойла Господь.4Колыштса Господьын шомакшым,Иаковын эргыже-влак,Израиль калыкын чыла тукымжо!5Господь тыге ойла:«Могай титакем тендан ача-кочада-влак муыныт?Молан нуно Мый дечем кораҥыныт?Кӱлдымӧ юмо-влак почеш каен,шкештат кӱлдымыш савырненыт.6Йодын огытыл нуно: ”Кушто Господь,Кудо мемнам Египет мланде гыч луктын,наҥгаен ир мланде дене,пуста да кошташ лӱдыкшӧ кундем дене,кукшо да колымаш ӱмылан мланде дене,кушто айдеме коштын огыл,куштыжо нигӧ илен огыл?”7Мый тендам сад-пакчан мландыш конденам,те тудын чапле саскажым кочкында.Те толында да Мыйын мландем шакшыленда,кучен илаш пуымо мландем йырныкыш савыренда.8Иерей-влак йодын огытыл: ”Кушто Господь?”Законым туныктышо-шамыч Мыйым пален огытыл,он-влак Мый дечем кораҥыныт.Пророк-шамыч Ваалын лӱмжӧ дене ойленыт,полшен кертдыме юмо-влак почеш каеныт.9Садлан Мый тендан дене судым угыч ыштем, – ойла Господь, –эргыда-влакын эргышт денат судитлалтам.10Кайыза Киттим отролашке да ончалза,колтыза еҥ-влакым Кедарыш да ончен лекса,пален налза: тыгае иктаж-кушто лийын мо?11Вашталтен мо иктаж калык шке юмыжо-влакым,кеч нунышт чын юмо огытыл?А Мыйын калыкем шке Чапшымполшен кертдыме юмо-влаклан вашталтен.12Ӧрткӧ тидлан, кава,чот лӱдын чытырналт! – ойла Господь.13Кок сулыкым Мыйын калыкем ыштен:Мыйым, илыше вӱдан памашым, коден каенда вӱд аралыме верлам шке ыштен –нунышт шелшан улыт, вӱдым огыт керт кучен.14Кул мо Израиль але шочынак тарзе?Молан тудо руалтен кучымо лийын?15Самырык лев-влак тудын ӱмбак ырленыт,йӱкыштым кугемденыт.Тудын мландыжым еҥ илыдыме кундемыш савыреныт,олаже-влак йӱлалтыме улыт,кодыныт илыше-влак деч посна.16А Мемфис ден Тафнисын эргыже-влак вуетым нӱжыныт. 17Шкеак огыл мо тидлан титакан улат?Господьым, шке Юметым, коден каенат,кунам Тудыжо тыйым вӱден наҥгайыше лийын!18А кызытше молан Египетыш Нилын вӱдшым йӱаш кает?Молан тый Ассирийыш тусо эҥерын вӱдшым йӱаш кает?19Осал пашат-влак тыйым мут кучаш шогалтат,Господь деч кораҥмет тыйым шылтала.Шоналте да умыло:Господь Юметым кодымет тылат уда ден кочым конда,Мый дечем лӱдмашет уке, –ойла Господь Юмо Саваоф. –20Шукертак тый шке омытат шалатенат,шинчыр-влакетым кӱрлынат да каласенат:”Тылат мый служитлаш ом тӱҥал!”Но кажне кӱкшакаште да ладыра пушеҥге йымалнетый, яжарланен, юмет-влаклан вуетым савенат.21Мый тыйым шынденам,тый эн чапле нӧшмӧ деч шочшо эн сай вондо лийынат.Но Мыйын шинча ончылнем тый ирыш каенат,йот вондын укшышкыжо савырненат.22Шовын але конвӱд дене кеч-мыняр мушкылт,сулык лавырат садак Мыйын ончылнем, –ойла Господь Юмо. –23Кузе тый ойлен кертат:”Мый шкемым шакшылен омыл,Ваал-влак почеш коштын омыл”?Ончал, кузе шкендым лапверыште кученат,шоналте, мом тый ыштылынат.Тый кучен кертдыме, самырык вӱльӧ верблюд улат,тышке да тушко кудалыштат!24Тый ир мландыште шочын-кушшо ава осёл улат,кӱтлымӧ жап шумеке, ӱпшынчын коштат!Кӧ тыйым кучен кертеш?Кажне, кӧ кычал кая,тӱжаҥме жапыште тыйым куштылгын муэш.25Чарнен шогал, кунам эше йолчиемет пытен огылда логарет кошкен огыл.Но тый каласышыч: ”Итат тӧчӧ!Мый вес юмо-влакым йӧратем,кошташ тӱҥалам нунын почеш”.26Кузе кучымо вор вожылмашыш пура,тугак намысыш пура пӱтынь Израиль –калык, кугыжа ден онжо, иерей ден пророкшо-влак.27Ойлат нуно пушеҥгылан: ”Тый ачам улат”,кӱлан каласат: ”Тый мыйым шочыктенат”.Нуно Мый декем чурийышт дене огыл,а тупышт дене савырненыт.Но кунам ойго толеш, нуно ӱжыт:”Тол, мемнам утаре!”28А шкаланда ыштыме юмыда-влак кушто улыт?Ойгет годым тыйым утарен кертыт гын, тек нуно толыт.Вет тыйын мыняр олат, Иуда, тынарак юмет.29Молан тыланда Мыйын ӱмбакем вуйым шияш?Те чыланат [осал пашам ыштенда,]Мыйын ваштареш шогалында, – ойла Господь. –30Арам Мый тендам кыренам,те туныктымым кӱлдымыш луктында.Тендан кердыда пророк-влакдам пытарен,лев семын нуным пуштын,[да те лӱдын огыдал].31О, кызыт илыше-влак,колыштса Господьын шомакшым:лийынам мо Мый Израильлан ир мландеале тӱп пычкемыш кундем?Молан Мыйын калыкем ойла:”Ме шкаланна шке оза улына,Тый декет тетла огына пӧртыл”?32Монда мо ӱдыръеҥ шке сӧрастарыше настаже-влакымда оръеҥ – шке сӱан вургемжым?А Мыйын калыкем Мыйым пеш шукертак монден.33Кузе тый куштылгын пӧржмарий-влак деке корным муат!Яжар ӱдырамаш-влакланат уло тый дечет молан тунемаш.34Вургем урвалтыштет – титакдыме йорло еҥ-влакын вӱрышт.Кӱнчен пурышо вор семын нуным кучен отыл гынат,тый нуным пуштынат.Чыла тидым шотыш налде,35тый ойлет: ”Титакдыме улам,садлан Господьын шыдыже мыйым эртен кая”.”Сулыкым ыштен омыл” манметланМый тыланет судым ыштем.36Мом тый перныл коштат,коштмо корнетым вашталтылын?Кузе тыйым Ассирий намысыш пуртен,тугак Египет тыйым намысыш пурта.37Чуриет шылтен, кает тый тушечын.Вет кӧлан инаненат, нуным Господь шӱкалын –нимогай полыш ок лий нунын дечын!
Institute for Bible Translation, Finland