Romans15
1अखनी हमनी, योग्य होके, ऊ लोगवन के कमजोरी के सह लेवे के चाही जे कमजोर हे, आउर खुद के खुश नऽ करतन।2हमनी में से हर कोई अपन पड़ोसी के उनकर भलाई लागी ओखनी के निर्माण ला खुश करतन।3काहेकि मसीह भी अपने आप के खुश नऽ करलन। एकर बदले, जईसे कि ई पवित्रशास्त्र में लिखल हे, तोर अपमान करे वालन के अपमान हमरा पर आ पड़त। 4काहेकि पहिले जे कुछ भी पवित्रशास्त्र लिखल गेल हल, ऊ हमनी के अपन निर्देश लागी लिखल गेल हल, जेकरा से धीरज के माध्यम से आउर पवित्रशास्त्र के प्रोत्साहन से हमरा आशा मिलत।5अब धीरज के आउर प्रोत्साहन के परमेश्वर तोरा ई आश्वासन देतन कि तूँ मसीह यीशु के द्वारा एक दोसर के जौरे एक ही विचार रखऽ।6जेकरा से तूँ एक मन होके आउर एक्केगो स्वर में हमर प्रभु यीशु मसीह के पिता आउर परमेश्वर के महिमा करऽ।7येहिगुने, एक दोसर के स्वीकार करऽ, जईसे मसीह भी तोहनी के परमेश्वर के महिमा लागी, स्वीकार करलन हे।8काहेकि हम कहऽ ही कि परमेश्वर के सच्चाई के कारण मसीह खतना वालन के सेवक बन गेलन, कि पुरखावन के प्रतिज्ञावन के साबित करतन, 9आउर अन्यजातियन लागी भी उनकर दया के कारण परमेश्वर के महिमा करऽ, जईसन कि ई पवित्रशास्त्र में लिखल हे, “ई कारण, हम अन्यजातियन के बीच में तोर के अंगीकार करम आउर तोर नाम के भजन गायेम।” 10आउर फिनो से पवित्रशास्त्र कहऽ हे, हे “अन्यजातियन, उनकर लोगवन के साथ आनन्द करऽ।” 11आउर फिनो से, “तोहनी सभे हे अन्यजातियन, प्रभु के स्तुति करऽ; आउर सभे लोग उनकर बड़ाई करतन।” 12आउर फिनो से यशायाह कहऽ हथन, “यिशै के एगो जड़ी उगतन, जे अन्यजातियन पर शासन करे लागी भी उठतन; उनका पर अन्यजातियन आशा रखतन।” 13अब आशा के परमेश्वर तोहनी के विश्वास में सभे आनन्द आउर शान्ति से भरतन जेकरा से तूँ पवित्र आत्मा के सामर्थ के द्वारा ई आशा में बढ़ते जा।14बाकि हे हमर भईवन, हम खुद भी तोहनी के बारे में जरुर जानऽ ही, कि तूँ खुद भी भलाई से भरल हऽ, सभे ज्ञान से भरल हऽ, आउर एक दोसर के निर्देश देवे के लायक हऽ।15बाकि हम तोहनी के जादे हिम्मतगर होके चिट्ठी में लिखली हे कि परमेश्वर के द्वारा हमरा देवल गेल अनुग्रह के चलते, तोहनी के याद दिलायेम,16जेकरा से हम अन्यजातियन लागी मसीह यीशु के सेवक बन के, परमेश्वर के सुसमाचार के सेवा याजक के रूप में सेवा करम, जेकरा से अन्यजातियन के चढ़ावा पवित्र आत्मा के द्वारा भावे वाला आउर पवित्र ठहरत।17येहिगुने, मसीह यीशु में हम परमेश्वर से सम्बन्धित बात में गर्व करऽ ही।18काहेकि ऊ बात के अलावे हम कुछ भी कहे के हिम्मत नऽ करम, जे मसीह अन्यजातियन के आज्ञाकारिता लागी हमर माध्यम से वचन आउर कर्म के द्वारा पैदा करलन हे,19चिन्ह आउर अचरज के कामवन के सामर्थ में, आउर पवित्र आत्मा के सामर्थ में, जेकरा से यरूशलेम से लेके आउर चारो तरफ लगभग इल्लुरिकुम देश तक, हम मसीह के सुसमाचार के पूरा करली हे;20बाकि ई रीति से, सुसमाचार के प्रचार करे के सम्मान के जईसन गिनऽ ही, ऊहाँ नऽ, जहाँ मसीह के नाम लेवल गेल हे, जेकरा से कि हम कोई दोसर आदमी के नींव पर घर नऽ बनावऽ।21बाकि जईसन कि ई पवित्रशास्त्र में लिखल हे: “जेकरा परमेश्वर के बारे में ई समाचार नऽ मिलल हे, ओखनी देखतन, आउर जिनकनी नऽ सुनलन, ओखनी समझतन।” 22येहिगुने, हमहूँ तोहनी भीर आवे से बार-बार ई रोकल गेली। 23बाकि अखनी, ई इलाका में रहे के स्थान नऽ रहलन, आउर गौर करे लायक कि केतना साल से तोहनी पास आवे के ललसा रखऽ ही।24जब कभी हम इसपानिया देश के यात्रा करम, तऽ हमरा सचमुच आशा हे, कि ऊहाँ से जईते समय तोरा देखूँ, आउर ऊहाँ से आगे तोहनी हमरा पहुँचा दऽ, कि पहिले हम कुछ समय लागी तोर संगति से संतुष्ट हो जायेम।25बाकि अखनी हम पवित्र लोगवन के सेवा करे लागी, यरूशलेम के यात्रा कर रहली हे।26काहेकि मकिदुनिया आउर अखाया के प्रान्त ई अच्छा लगल कि यरूशलेम के पवित्र लोगवन के गरीब विश्वासी लागी कुछ चन्दा करतन।27काहेकि ओखनी खुश हलन, आउर ओखनी उनकर प्रति कर्जदार हे। काहेकि जदि अन्यजातियन उनकर आत्मिक बात में भागी बनईलन हे, तऽ ओखनी भौतिक बात में उनकर सेवा करे लागी भी मजबूर हे।28येहिगुने, एकरा पूरा कर के आउर ई फल के ओखनी लागी मुहरबन्द कर के, हम तोर माध्यम से इसपानिया देश जायेम।29बाकि हम जानऽ ही कि तोरा भीर आके, हम मसीह के आशीष के भरपूरी में आयेम।30अब हे भईवन, हमनी के प्रभु यीशु मसीह के द्वारा आउर पवित्र आत्मा के प्रेम के द्वारा, हम तोरा से विनती करऽ ही, कि हमरा लागी परमेश्वर से प्रार्थना करे में हमर साथे लौलीन रहऽ।31जेकरा से हम यहूदिया प्रान्त के अविश्वासी लोगवन से बचावल जायेम, आउर, जेकरा से कि हमर सेवा जे यरूशलेम लागी हे पवित्र लोगवन के स्वीकार होत;32जेकरा से कि हम परमेश्वर के इच्छा से तोहनी भीर आनन्द से आयेम, आउर तोहनी जौरे विश्राम पायेम।33अखनी परमेश्वर के शान्ति तोहनी सभे के साथे बनल रहत। आमीन।
Bridge Connectivity Solutions Pvt. Ltd.