Romans14
1जदि कोई विश्वास में कमजोर हे, ओकरा अपना लऽ, बाकि ओकर शंका पर राय करे लागी नऽ।2एक आदमी कुछ भी खा लेवे पर विश्वास करऽ हे, बाकि जे कमजोर हे, ऊ सागपात ही खा हे।3खाय वाला नऽ खाय वाला के तुच्छ नऽ जानतन, आउर नऽ खाय वाला नऽ खाय वाला पर न्याय नऽ करतन काहेकि परमेश्वर उनका स्वीकार करलन हे।4तूँ कौन हऽ, जे ऊ घरवईया सेवक पर फईसला करऽ हऽ जे दोसर से सम्बन्धित हे? ऊ तऽ अपन मालिक लागी ही स्थिर रहऽ हे चाहे गिरा हे। बाकि ओकरा स्थिर करल जायेत, काहेकि प्रभु ओकरा स्थिर करे में सक्षम हथन।5सचमुच में, कोई आदमी एक दिन के दोसर दिन के बढ़ के मानऽ हे, बाकि दोसरा आदमी कोई दिन के एक जईसन मानऽ हे। येहिगुने, सभे कोई अपने ही मन में पूरा तरह से फईसला कर लेतन। 6जे कोई दिन के मानऽ हे, ऊ ओकरा प्रभु लागी मानऽ हे; आउर जे खा हे, ऊ प्रभु लागी खा हे, काहेकि ऊ परमेश्वर के धन्यवाद दे हे, आउर जे नऽ खा हे, प्रभु लागी नऽ खा हे; ऊ भी परमेश्वर के धन्यवाद दे हे।7काहेकि हमनी में से कोई भी खुद लागी जिन्दा नऽ हे, आउर कोई भी खुद लागी नऽ मरऽ हे।8काहेकि हमनी जदि जिन्दा ही, तऽ हम प्रभु लागी जिन्दा ही, आउर जदि मरऽ ही, तऽ हम प्रभु लागी मरऽ ही। येहिगुने, चाहे हम जिन्दा रहम चाहे हम मर जायेम, हम प्रभु के ही।9काहेकि एही मकसद लागी मसीह मरलन आउर फिन से जिन्दा हो गेलन, जेकरा से कि ऊ मरल आउर जिन्दा दूनो के प्रभु हो जईतन।10बाकि तूँ काहे अपन भाई के न्याय करऽ हऽ? आउर तोहूँ, काहे अपन भाई के तुच्छ जानऽ हऽ? काहेकि हमनी सभे परमेश्वर के न्याय-आसन के सामने अपने आप के पेश करम।11काहेकि अईसन लिखल हे, “हम जे जिन्दा ही, प्रभु कहऽ हथन, ‘हमनी लागी सभे कोई घुटना टेकतन, आउर सभे जीभ परमेश्वर के अंगीकार करत।’” 12येहिगुने फिन, हमनी में से सभे कोई खुद अपन बारे में परमेश्वर के लेखा देतन।13येहिगुने, आगे से हमनी एक दोसर के न्याय नऽ करऽ, बाकि एकर बदले ई बात के न्याय करम: कि भाई लागी कोई ठोकर नऽ रखतन चाहे जाल नऽ बिछईतन।14हम जानऽ ही, आउर प्रभु यीशु में हमरा भरोसा मिलल हे, कि कोई चीज अपने आप से अशुद्ध नऽ हे, बाकि ओही, जे कोई भी चीज के अशुद्ध समझऽ हे, ओकरा ला अशुद्ध हे।15काहेकि जदि तोर भाई के तोर भोजन के कारण ठोकर लगऽ हे, तऽ फिन तूँ प्रेम के मुताबिक नऽ चलऽ हऽ। जिनका लागी मसीह मरलन, ओकरा तूँ अपन भोजन से नाश मत करऽ।16येहिगुने अपन भलाई के निन्दा होवे के इजाजत मत दऽ।17काहेकि परमेश्वर के राज खाना आउर पीना नऽ हे, बाकि पवित्र आत्मा में धार्मिकता आउर शान्ति आउर आनन्द हे।18काहेकि जे कोई ई रीति से मसीह के सेवा करऽ हथन, ऊ परमेश्वर के अच्छा लगऽ हे आउर सभे आदमी के द्वारा स्वीकारल जा हे।19येहिगुने फिन, आवऽ, हमनी शान्ति के बात के आउर एक दोसर के निर्माण के बात के पीछा करम।20भोजन लागी परमेश्वर के काम नऽ बिगाड़ऽ। सभे चीज शुद्ध तऽ हे, बाकि ई ऊ आदमी लागी अशुद्ध हे, जेकरा भोजन के द्वारा ठोकर लगऽ हे।21बढ़ियाँ तऽ ई हे कि तूँ नऽ तऽ मांस खईहऽ, आउर नऽ दाखमधु पियहऽ, आउर नऽ ही कोई अईसन चीज खईहऽ, जेकरा से तोर भाई के ठोकर लगऽ हे, चाहे नाराज हो जईतन चाहे निर्बल हो जईतन।22तोरा खुद के जे विश्वास हे, ओकरा परमेश्वर के सामने अपना इच्छा मुताबिक रखऽ। धन्य हथन ऊ, जे ऊ बात में खुद के न्याय नऽ करऽ हथन, जेकरा ऊ जानऽ हथन।23बाकि जे न्याय करऽ हथन, जदि ऊ शंका कर के खईतन तऽ दोषी ठहरऽ हथन, काहेकि ई विश्वास से नऽ हे। आउर जे विश्वास से नऽ हे, ऊ सभे पाप हे।
Bridge Connectivity Solutions Pvt. Ltd.