Romans16
1अखनी हम तोरा से अपन बहिन फीबे के तारीफ करऽ ही, जे ऊ कलीसिया के सेविका भी हे जे किंख्रिया में हे, 2जेकरा से कि तोहनी पवित्र लोगवन के योग्य रीति से, प्रभु में उनकर स्वागत करऽ, आउर जे कोई बात में उनका तोहनी के जरुरत पड़त, तोहनी उनका जौरे खड़ा रहऽ। काहेकि ऊ भी बड़ी सा के परोपकारी बनल हे, आउर हमर भी।3मसीह यीशु में हमर सहकर्मी, प्रिस्का आउर अक्विला के नमस्कार कहिहऽ,4जे हमर जान के बचावे लागी अपन खुद के जिनगी दाव पर लगा देलन, जेकरा लागी नऽ खाली हम धन्यवाद दे ही, बाकि अन्यजातियन के सभे कलीसियावन भी;5आउर ऊ कलीसिया के जे उनका घर में स्थित हे। हमर प्रिय इपैनितुस के नमस्कार करिहऽ, जे मसीह के लागी आसिया के पहिला फल हे।6मरियम के नमस्कार करिहऽ, जे तोहनी लागी बड़ी कड़ा मेहनत करलन हे।7हमर कुटुम्बी आउर हमर साथी कैदी अन्द्रुनीकुस आउर यूनियास के नमस्कार करिहऽ, जे प्रेरितवन में प्रमुख हे, आउर जे हमरा से पहिले मसीह में आ गेलन हल।8प्रभु में हमर प्रिय दोस्त, अम्पलियातुस के नमस्कार करिहऽ।9मसीह में हमर सहकर्मी उरबानुस के, आउर हमर प्रिय इस्तखुस के नमस्कार कहिहऽ।10मसीह में स्वीकारल गेल अपिल्लेस के नमस्कार कहिहऽ। अरिस्तुबुलुस के घरे वालन के नमस्कार कहिहऽ।11हमर कुटुम्बी, हेरोदियोन के नमस्कार कहिहऽ। नरकिस्सुस के घरे वालन के नमस्कार कहिहऽ, जे प्रभु में पावल जा हे। 12त्रूफैना आउर त्रूफोसा के, जे प्रभु में कड़ा मेहनत करऽ हे, नमस्कार कहिहऽ। प्रिय पिरसिस के, जे प्रभु में बड़ी कड़ा मेहनत करलन हे, नमस्कार कहिहऽ।13प्रभु में चुनल गेलन रूफुस के, आउर उनकर आउर हमर माता के, नमस्कार कहिहऽ।14असुंक्रितुस, फिलगोन, हिर्मेस, पत्रुबास, हर्मास आउर उनकर साथे जे भाई हे, ओखनी के नमस्कार कहिहऽ।15फिलुलुगुस आउर यूलिया, नेर्युस आउर उनकर बहिन, आउर उलुम्पास, आउर उनकर साथे जे सभे पवित्र लोग हथन, ओखनी के नमस्कार कहिहऽ।16पवित्र चुम्बन से एक दोसर के नमस्कार कहिहऽ। मसीह के सभे कलीसियावन तोहनी के नमस्कार कहऽ हथन।17हे भईवन, अखनी तोहनी से विनती करऽ ही कि ऊ लोगवन से सावधान रहऽ जे फूट डाले आउर ठोकर के कारण बनऽ हे आउर जाल बिछावऽ हे, ऊ शिक्षा के उल्टा करऽ हे जे तोहनी सिखलऽ हे, आउर ओखनी से दूर रहऽ।18काहेकि अईसन लोग हमनी के प्रभु यीशु मसीह के नऽ, बाकि अपन खुद के पेट के दास हे, आउर अपन चिकना-चुपड़ा बात आउर चापलूसी के बात से ओखनी भोला-भाला लोगवन के मन के बहका दे हे।19काहेकि तोर आज्ञाकारिता सभे लोगवन तक पहुँच गेल हे। येहिगुने, हम तोरा से खुश ही, बाकि हम चाहऽ ही कि तूँ भलाई के लागी बुद्धिमान, बाकि बुराई लागी भोला बनऽ।20अखनी शान्ति के परमेश्वर शैतान के तोर गोड़ के तरे तुरन्त कुचल देतन। हमनी के प्रभु यीशु मसीह के अनुग्रह तोहनी पर बनल रहत। 21हमर सहकर्मी, तीमुथियुस, आउर लूकियुस आउर यासोन आउर सोसिपत्रुस, जे हमर कुटुम्बी हे, तोरा नमस्कार कहऽ हथन।22हम तिरतियुस, जे ई चिट्ठी के लिखलन हे, प्रभु में तोरा नमस्कार कहऽ ही।23हमर आउर सभे कलीसिया के अतिथिसत्कार करे वाला, गयुस, तोरा नमस्कार कहऽ हथन, नगर के भण्डारी, इरास्तुस आउर भाई क्वारतुस तोरा नमस्कार कहऽ हथन।24हमनी के प्रभु यीशु मसीह के अनुग्रह तोहनी सभे पर बनल रहे। आमीन।25अखनी जे तोरा हमर सुसमाचार आउर यीशु मसीह के प्रचार के मुताबिक, स्थापित करे के लायक हे, ऊ भेद के प्रकाशन के मुताबिक, जेकरा अनन्तकाल ला छिपा के रखल गेल हल,26बाकि अखनी प्रकट होके, आउर भविष्यद्वक्तावन पवित्रशास्त्र के माध्यम से, हमेशा परमेश्वर के आज्ञा के मुताबिक, विश्वास के आज्ञाकारिता लागी, सभे जातियन पर प्रकट करल गेल हे,27ऊ एक मात्र बुद्धिमान परमेश्वर के, यीशु मसीह के माध्यम से, उनकर ही महिमा अनन्तकाल ला होते रहत। आमीन।
Bridge Connectivity Solutions Pvt. Ltd.