Revelation10
1एकर बाद फिन हम दर्शन में एगो आउर शक्तिशाली स्वर्गदूत के स्वर्ग से उतरते देखली। एगो बादल उनका घेर लेलक हल। उनकर माथा के ऊपर एगो इंद्रधनुष हल। उनकर मुँह सूरज के जईसन चमक रहल हल। आउर उनकर गोड़ आग के खम्भा के जईसन चमक रहल हल।2उनकर हाथ में एगो छोटा किताब खुलल हल। ऊ अपन दहिना गोड़ समुद्र पर आउर बामा गोड़ जमीन पर रखलन।3ऊ शेर के दहाड़ जईसन तेज आवाज में कुछ चिल्लईलन। जखनी ऊ चिल्ला रहलन हलन, तऽ हम सात बार बिजुली गिरे के आवाज सुनली। गड़गड़ाहट में कुछ शब्द अईसन हल जेकरा हम समझ सकऽ हली।4हम गरजे वाला बात लिख ही वाला हली कि तखनी स्वर्ग से एगो आवाज आयेल, “गरजे वालन जे कहलन, ओकरा मुहरबन्द कर के रखऽ! ओकरा मत लिखऽ!” 5तऽ जौन स्वर्गदूत के हम समुद्र आउर जमीन पर खड़ा देखली हल, ऊ अपन दहिना हाथ स्वर्ग के तरफ शपथ लेले लागी उठईलन। 6ऊ परमेश्वर से, जे हमेशा लागी जिन्दा रहऽ हथन आउर जे स्वर्ग आउर जमीन आउर सभे कुछ के बनईलन हे, पूछलन कि का ऊ जे कहलन ऊ सच हे। स्वर्गदूत कहलन कि परमेश्वर जे करे के योजना बनईलन हे ओकरा करे में अब आउर देर नऽ करतन।7ऊ कहलन कि जखनी सातवाँ स्वर्गदूत के तुरही बजावे के समय आवत, तऽ परमेश्वर अपन गुप्त योजना पूरा करतन। येही सुसमाचार परमेश्वर अपन सेवकवन के भविष्यद्वक्ता के बड़ी पहिले बतईलन हल। 8तऽ जे स्वर्ग से बोलते सुनलन हल, ओही हमरा से फिन कहलन, जा, जे स्वर्गदूत समुद्र आउर जमीन पर खड़ा हथन, उनकर हाथ से खुलल किताब लेलऽ।9तऽ हम स्वर्गदूत भीर गेली आउर उनका से प्रार्थना करली कि ऊ छोटका किताब हमरा दे दऽ। ऊ हमरा से कहलन, “एकरा लऽ आउर खा लऽ। जब तूँ एकरा खईवऽ, तऽ एकर स्वाद शहद जईसन मीठा लगत, बाकि जखनी तूँ एकरा खईवऽ, तऽ तोर पेट दुखत।” 10तब हम स्वर्गदूत के हाथ से ऊ छोटका किताब लेली आउर ओकरा खा लेली। जखनी हम ओकरा खईली तऽ ओकर स्वाद शहद के जईसन मीठा हल, बाकि जखनी हम ओकरा खईली तऽ हमर पेट में दरद होवे लगल।11तऽ कोई हमरा से कहलन, “तोरा फिन से ढेरमनी जातियन, ढेरमनी लोगवन आउर जातियन, दोसर-दोसर भाषा बोले वालन आउर बड़ी मनी राजा के बारे में परमेश्वर के भविष्यद्वाणी करे के होत।”
Bridge Connectivity Solutions Pvt. Ltd.