Revelation9
1फिन पाँचवाँ स्वर्गदूत तुरही फूँकलन, आउर हम एगो तरेगन देखली जे आसमान से धरती पर गिर पड़ल हल। परमेश्वर ओकरा अथाह कुण्ड के कुँजी देलन हल। 2जखनी ऊ अथाह कुण्ड के खोललन, तऽ ओकरा में से बड़ी जादे धुआँ निकसल, मानऽ ऊ कोई बड़ी बड़का जलते भट्ठी हे। आउर धुआँ के चलते कोई भी सूरज आउर आसमान के रोशनी नऽ देख सकऽ हथन। 3फिन ऊ धुआँ में से टिड्डियन निकसल आउर धरती पर झुण्ड बना के उड़े लगल। परमेश्वर ई टिड्डियन के इंसान के काटे के शक्ति देलन, ठीक ओईसहीं ही जईसे बिच्छा काटऽ हे।4परमेश्वर टिड्डियन से कहलन कि ऊ धरती पर के सभे घास आउर पेड़-पौधा आउर पत्ता के नऽ खाय जईसन कि टिड्डियन हमेशा करऽ हे। परमेश्वर टिड्डियन से कहलन कि ऊ खाली ऊ लोगवन के क्षति करे जेकर माथा पर परमेश्वर कि मुहर नऽ हे जे देखावऽ हथन कि ऊ परमेश्वर के हथन। 5परमेश्वर टिड्डियन के ऊ लोगवन के मारे नऽ देलन। एकर बदले, टिड्डियन पाँच महीना ला लोगवन के सतईते रहल। लोगवन के जे दरद महसूस होल ऊ ओकर दरद जईसन हल जे बिच्छा के काटे पर होवऽ हे।6ऊ घड़ी जब टिड्डियन ऊ लोगवन के सतईतक जे परमेश्वर के साथे सम्बन्ध रखे से मना करऽ हथन, ऊ लोग एतना दरद में होतन कि मरे ला चाहतन। बाकि परमेश्वर पक्का ऊ लोग के जिन्दा रखतन अपन पाप के सजा के अनुभव करे लागी। 7टिड्डियन युद्ध लागी तईयार घोड़वन के जईसन जना रहल हल। उनकर माथा पर सोना के मुकुट जईसन कुछ हल। उनकर चेहरा इंसान जईसन हल। 8उनकर बाल औरत के लम्बा बाल के जईसन लम्बा हल। आउर उनकर दाँत शेर के दाँत के जईसन मजबूत हल।9ऊ लोहा के बनल कवच पेहेनले हलन। जखनी ऊ उड़ऽ हल, तऽ ओकर पंख से अईसन आवाज निकलऽ हल, जईसे रथवन के खींचे वालन आउर युद्ध में भागते बड़ी मनी घोड़वन के गरजन होवऽ हे।10उनकर पूँछ बिच्छा के पूँछ के जईसन हल। ई पूँछ से ऊ लोग के काट सकऽ हल। ऊ पाँच महीना के दौरान लोगवन के क्षति पहुँचावे के शक्ति उनकर पूँछ में हल।11जे राजा उनका पर शासन करऽ हलन, ऊ अथाह कुण्ड के स्वर्गदूत हल। इब्रानी भाषा में ओकर नाम अबद्दोन हे। यूनानी भाषा में उनकर नाम अपुल्लयोन हे। ई दूनो नाम के मतलब हे विनाश करेवाला। 12पाँच महीना बाद टिड्डियन चल गेल। ई तरह से पहिला भयानक आफत खतम हो गेल। बाकि धियान रखऽ कि अखनी दूगो आउर भयानक घटना होवे ला बाकि हे।13फिन छठा स्वर्गदूत अपन तुरही फूँकलन, आउर हम परमेश्वर के सामने के सोना के वेदी के चारो कोना से एगो आवाज सुनली।14आउर ऊ आवाज छठा स्वर्गदूत से जे तुरही लेलऽ हलन कह रहलन हल, “ऊ चार स्वर्गदूतवन के छोड़ दऽ जेकरा हम बड़ा नदी फरात भीर बाँधली हे।”15फिन ऊ चार स्वर्गदूत आजाद हो गेलन। ऊ ओही घड़ी के इंतजार कर रहलन हल। ऊ आजाद करल गेलन जेकरा से ऊ अपन सिपाही के एक तिहाई मानवता के मारे में सक्षम बना सकतन।16हम केकरो ई कहते सुनली कि ऊहाँ केतना सिपाही घोड़वन पर सवार हलन। उनकर संख्या बीस करोड़ हल। 17हम दर्शन में देखली कि घोड़ा आउर ओकर पर सवार सिपाही कईसन दिखऽ हलन। आउर सिपाहियन कवच पेहेनले हलन जे आग के जईसन लाल, नीलम के जईसन नीला आउर गंधक के जईसन पियर हल। घोड़ा के माथा शेरवन के माथा जईसन हल। आउर ओकर मुँह से आग, धुआँ आउर जलते गंधक के धुआँ निकल रहल हल।18ऊ तीनगो महामारी आग, धुआँ, आउर घोड़वन के मुँह से निकसे वाला जलते गंधक के एक तिहाई मानवता के मार डाललक।19बाकि ऊ सभे घोड़ा के शक्ति ओकर पूँछ में भी हल। ओकर पूँछ साँपवन के जईसन हल, आउर उनकर माथा अईसन हल जे लोगवन के क्षति पहुँचावऽ हल।20बाकि फिन भी अईसन लोग हलन जे आग, धुआँ आउर जलते गंधक के विपत्तियन से नऽ मरल। ऊ लोग पाप से नऽ मन फिरईलन। ऊ दुष्टात्मावन आउर ओखनी राक्षसवन आउर सोना, चाँदी, काँसा, पत्थर आउर लकड़ी के बनल मूर्तियन के आराधना करे ला भी नऽ छोड़ऽ हलन। लोगवन मूर्तियन के आराधना करे ला नऽ छोड़लन, जबकि ऊ बेजान मूर्तियन हल जे लोगवन के मदत नऽ कर सकऽ हलन।21ओखनी दोसरा के हत्या करे ला, जादू-टोना करे ला, व्यभिचार काम करे ला आउर चिजवन के चुरावे से भी नऽ मन फिरईलक।
Bridge Connectivity Solutions Pvt. Ltd.