Revelation11
1ओकर बाद फिन एगो स्वर्गदूत हमरा एगो नापे वाला छड़ी के जईसन एगो सरकण्डा देलन आउर परमेश्वर हमरा से कहलन, “हमर मन्दिर में जा, आउर एकरा में मौजूद वेदी के नापऽ, आउर ऊहाँ आराधना करे वाला लोगवन के गिनती करऽ। 2बाकि मन्दिर के बाहरसी अँगना के मत नापऽ। हम ओकरा अन्यजातियन के दे देली हे। येहिसे ऊ यरूशलेम में रहे वालन पर पवित्र नगर के बयालीस महीना लागी अत्याचार करतन।3हम दूगो गवाहवन के भेजम जे टाट ओढ़ के बारह सौ साठ दिन लागी उनका पर प्रकट करल जाय वाला बात के भविष्यद्वाणी करतन। ऊ बकरी के बाल से बनावल खुरदरा कपड़ा पेहेन के देखईतन कि ऊ लोगवन के पाप के बारे में दुःखी हथन।”4ई गवाह ऊ हथन जिनकर निशान दूगो जैतून के पेड़ आउर दूगो दीवट हे। ऊ पेड़ आउर दीवट धरती पर प्रभु के शासक के सामने हथन। 5अब जदि कोई ऊ गवाह के क्षति पहुँचावे के कोशिश करत, तऽ ऊ अपन मुँह से आग फूँक के उनकर दुश्मन के जला देतन। ई तरह से ऊ दूनो गवाह ऊ सभे के मार देतन जे उनका हानि पहुँचावे लागी चाहऽ हथन।6ऊ गवाहवन के ई अधिकार होत कि ऊ ऊ घड़ी आसमान से वरसा नऽ होवे देतन जखनी ऊ परमेश्वर द्वारा प्रकट करल गेल बात के घोषणा कर रहलन होत। उनका झील आउर नदियन के पानी के लहू में बदले के भी अधिकार होत। उनका धरती पर कई तरह के विपत्तियन लावे के भी अधिकार होत। ऊ ई काम तखनी करतन जखनी उनका लगत कि एकरा परमेश्वर के तरफ से उनकर संदेश पर जोर पड़त।7बाकि जब ऊ परमेश्वर के गवाही सुनावे ला बंद कर देतन, तऽ ऊ जानवर जे बड़ी अथाह कुण्ड गबड़ा से निकलत, तऽ ऊ जानवर ओकरा पर हमला करत। ऊ जानवर ओकरा पराजित करत आउर मार डालत।8अखनी दूगो गवाह ऊ बड़का शहर में प्रभु के संदेश के घोषणा कर रहलन हल जेकरा लोग आत्मिक रूप से सदोम कहऽ हथन काहेकि उनकर लोग बड़ी बुरा हथन। लोग ऊ शहर के मिस्र भी कहऽ हथन काहेकि उनकर लोग प्रभु के लोगवन के जौरे बुरा वर्ताव करऽ हथन। ई ओही शहर हे जेज्जा यीशु, जिनकर ओखनी गवाह सेवा कर रहलन हल, क्रूस पर मरलन हल। गवाहवन के अपमान करे लागी, शहर के लोग उनकर लाश के नऽ दफनईतन। ऊ उनकर लाश के शहर के खुला जगह में पड़ल रहे देतन।9ढेरमनी लोग, कुल, भाषा आउर देश ऊ लाश के साढ़े तीन दिन ला देखते रहतन। बाकि शहर के लोग कोई के भी ऊ लाश के दफनावे ला कब्र नऽ देतन।10जब ऊ लोग जे परमेश्वर के आदर नऽ करऽ हथन, देखतन कि गवाह मर चुकलन हे, तऽ ऊ बड़ी खुश होतन आउर जश्न मनईतन। ऊ एगो-दोसरा के भेंट भेज के जश्न मनईतन। ऊ बड़ी खुश होतन काहेकि ऊ दूनो भविष्यद्वक्ता मर गेलन हे जौन धरती के रहवईयन के विपत्तियन भेजलन हल आउर उनका दुःख पहुँचईलन हल।11बाकि साढ़े तीन दिन के बाद परमेश्वर उनका फिन से जिनगी के श्वाँस देतन। आउर ऊ मरल पड़ल रहे ला छोड़ देतन।, आउर खड़ा हो जईतन; आउर जेतना लोग उनका फिन से जिन्दा देखतन, ऊ डेरा जईतन।12तऽ ऊ दूनो गवाह स्वर्ग से एगो बड़ी जोर से आवाज सुनतन जे उनका से कहतन, “ईहाँ ऊपर आवऽ!” तऽ ऊ बादल में स्वर्ग में ऊपरे चल जईतन। आउर उनकर दुश्मन उनका ऊपरे जईते देखत।13ओही घड़ी एगो बड़का भूकम्प आवत, जेकर नतीजा ई होत कि शहर के दस मंजिला इमारत ढह जायेत। एकरा से सात हजार लोग मारल जईतन। बाकि लोग बड़ी डर जईतन आउर सच्चा स्वर्ग के परमेश्वर के महिमा मान लेतन कि गवाहवन के मारे लागी उनका उचित सजा देलन हे।14ई दोसरा भयानक घटना होत। धियान रहे कि तिसरका भयानक घटना एकर तुरन्त बाद घटित होत।15तऽ सातवाँ स्वर्गदूतवन अपन तुरही फूँकलन, आउर स्वर्ग में बड़ी तेज आवाज में आवाज गूंजल, "आउर हमनी के प्रभु परमेश्वर आउर उनका द्वारा, नियुक्त मसीह अब दुनियाँ के सभे लोगवन पर शासन करतन! ऊ हमेशा ऊ लोगवन पर शासन करते रहतन! 16परमेश्वर के सिंहासन के चारो पट्टी सिंहासन पर बईठल चौबीसो प्राचीनवन जमीन पर अपन मुँह के बल झुक के उनकर आराधना करलन।17ओखनी कहलन: “हे सर्वशक्तिमान प्रभु परमेश्वर, तूँही ऊ हऽ जे सभे पर शासन करऽ हऽ तूँही ऊ हऽ जे अखनी भी अस्तित्व में हऽ! तूँही ऊ हऽ जे हमेशा से अस्तित्व में हलऽ! हम तोरा धन्यवाद करऽ ही कि तूँ ऊ सभे के एतना सामर्थी रूप से परास्त करलऽ हे जे तोर खिलाफ विद्रोह करलन हे, आउर अब तूँ संसार के सभे लोगवन पर शासन करऽ हऽ।18अन्यजातियन के अविश्वासी लोग तोरा पर गोस्सा से भड़कल हल। जेकर नतीजा, तूँ ओकरा दण्ड देलऽ हे। तूँ फईसला लेलऽ हे कि जे लोग मर गेलन हे, उनकर न्याय करे के येही सही समय हे। तूँ अपन दास भविष्यद्वक्तावन के, जे तोर पवित्र संदेश सुनईलन, आउर जे लोग तोर हथन, उनका ई नाम दे रहलन हे। तूँ ऊ सभे के ई नाम दे रहलऽ हे जे तोर नाम से डरऽ हथन, चाहे ऊ कोई भी होतन। तूँ फईसला लेलऽ हे कि जे लोग धरती के नष्ट कर रहलन हे, ओखनी के नष्ट करे के येही समय हे।” 19तब परमेश्वर स्वर्ग में अपन मन्दिर के दुआरी खोललन, आउर ओकरा में हम पवित्र वाचा के सन्दूक देखली जेकरा में परमेश्वर के वाचा के निशान हल। बिजुली चमक रहल हल। हम गड़गड़ाहट के गड़गड़ाहट सुनली। धरती हिल गेल, आउर आसमान से बड़का-बड़का ओला गिरे लगल।
Bridge Connectivity Solutions Pvt. Ltd.