Numbers17
1तब यहोवा मूसा से कहलन,2इस्राएली लोग से कहऽ, कि तोरा भीर बारहगो छड़ी लेके आवे। ऊ बारह गोत्र के ऊ सभे अगुवा के एक-एक गो छड़ी लावे के चाही। तोरा हरेक अगुवा के नाम उनकर छड़ी पर लिखे के चाही।3हरेक गोत्र के अगुवा लागी एगो छड़ी होत, ई तरह से लेवी के गोत्र लागी छड़ी पर हारून के नाम लिखिहऽ4ऊ सभे छड़ियन के पवित्र तम्बू के भीतरे, ऊ पवित्र सन्दूक के सामने रखिहऽ, जेकरा में ऊ तख्तियन हे, जेकरा पर दसगो आज्ञा लिखल हे। ई ऊ जगहिया हे जहाँ हम हमेशा तोरा से बात करऽ ही।5फिर जौन आदमी के हम याजक होवे ला चुनली हे, ओकर छड़ी में कलियन फूटत। जखनी लोग ई देखतन, तऽ ऊ तोर बारे में हमेशा ला शिकायत करे ला बंद कर देतन काहेकि उनका महसूस होत कि ऊ ओही हथिन जेकरा हम चुनली हे।6तऽ मूसा लोग से ओही कहलन। तऽ हारून सहित बारहगो इस्राएली अगुवन में से हरेक अपन छड़ी मूसा भीर ले अईलन। ऊ छड़ियन में हारून के भी छड़ी हल।7मूसा छड़ियन के पवित्र तम्बू में भीतरे पवित्र सन्दूक यहोवा के सामने रखलन।8विहान होके भोरे, जखनी मूसा तम्बू में गेलन, तऽ ऊ देखलन कि हारून के छड़ी में, जौन लेवी के गोत्र के अगुवाई करऽ हलन, कली फूट आयेल। एकरा में पत्ता आउर फूल लगल हल, आउर पकल बेदाम भी फरल हल!9मूसा सभे छड़ियन के पवित्र तम्बू से यहोवा के सामने बाहरे निकासलन आउर लोग के देखईलन। बारहगो अगुवन में से हरेक अपन-अपन छड़ी वापस ले लेलन।10तऽ फिर यहोवा मूसा से कहलन, “हारून के छड़ी के पवित्र सन्दूक के सामने रखऽ, आउर ऊ ओही सदा याजक बनल रहतन। ई ओखनी लागी एगो चिन्ह होत जौन हमर खिलाफ बगावत करे ला चाहऽ हथन। तऽ हमर खिलाफ शिकायत करे के चलते कोई आउर आदमी नऽ मरत।” 11येहिसे मूसा ओही कईलन जौन यहोवा आज्ञा देलन हल।12तब इस्राएलियन मूसा से कहलन, “हम तो मरे वाला ही! हमनी सभे एकदम से मरे वाला ही!13जौन कोई यहोवा के पवित्र तम्बू के नगीच आवऽ हे ऊ मर जा हे। का हमनी में से बाकी लोग भी मरे वाला हे?”
Bridge Connectivity Solutions Pvt. Ltd.