Numbers18
1यहोवा हारून से कहलन, जदि पवित्र तम्बू के भीतर के सामान के जऊरे कुछ भी अधर्म होवे तऽ, “तूँ आउर तोर बेटा आउर तोर पिता के घराना दण्ड के भागी होतन। आउर जदि कोई याजक कोई अधर्म के काम करतन, तऽ तोरा आउर तोर बेटवन के दण्ड देवल जायत।” 2आउर जे तोर गोत्र, चाहे लेवी के गोत्र के हे ऊ पवित्र तम्बू में तोरा काम करते घड़ी आउर तोर बेटवन के मदत करतन।3बाकि जब ऊ अईसन काम करतन, तऽ तम्बू के भीतर चाहे वेदी भीर पवित्र सामान के नगीच नऽ जईतन। जदि ऊ अईसन करतन, तऽ ऊ मार देवल जईतन, आउर तूँ भी मार देवल जईबऽ!4ऊ पवित्र तम्बू के देख भाल के सभे काम करे में तोर सहायता करतन, बाकि लेवी वंश के अलावे कोई आउर के ऊ जगहा भीर आवे के इजाजत नऽ हे जहाँ तूँ काम कर रहलऽ हे।5जदि तूँ तोर बेटा पवित्र तम्बू के भीतर आउर वेदी पर पवित्र काम करिहऽ। जदि तूँ ई हुकुम के पालन करबऽ तऽ हम इस्राएली लोग पर फिनो से जादे गोस्सा नऽ होयम।6हम खुद ही दूसरा इस्राएलियन में से लेवी के वंश के येहिसे चुन लेली हे, कि ऊ तोर खास मददगार बनतन। ऊ ऊ इनाम के जईसन हे यहोवा के तोरा पवित्र तम्बू में सेवा करे लागी देली हे। 7बाकि तोरा आउर तोर बेटवन के, जौन याजक हे, उनके ऊ सभे काम पूरा करे पड़त जिनका वेदी के बारे में आउर अति पवित्रस्थान के भीतरे जे कुछ होवऽ हे, ओकरा बारे में आज्ञा देली हे। हम याजक के रूप में सेवा करे के काम तोरा दे रहली हे। येहिसे बाहरी कोई भी ऊ काम करे के कोशिश करतन, ओकरा मार देवल जाय के चाही।8यहोवा हारून से ई भी कहलन, हम खुद तोरा ऊ सभे पवित्र भेंट के देख-भाल करे लागी ठहरइली हे जौन इस्राएली हमरा भीर लावऽ हथन। हम ई सभे के पवित्र अभिषेक कर के तोरा तोर बेटवन के देली हे। तोरा आउर तोर वंशज के ई सभे अभिषेक वाला हिस्सा हमेशा ला दे देही। 9भेंट के जे भाग पूरा तरह वेदी पर नऽ जलावल गेल हे ऊ तोर नऽ हे। पवित्र भोज के ऊ भाग, जेकरा में अन्नबलि, पापबलि करे आउर दोषबलि के चढ़ावा शामिल हे, हम चाहऽ ही कि ओकरा अलगे रखल जाय। हम चाहऽ ही कि ओकरा तोरा आउर तोर बेटवन के दे देवल जाय।10तूँ एकरा परमपवित्र भेंट समझ के खईहऽ। तोर वंश के सभे आदमी एकरा खा सकलन हे। बाकि तोरा ई भेंट के आदर करे के चाही काहेकि तोरा लागी पवित्र हे।11याजक वेदी के सोझे खड़ा होके पवित्र भेट के ऊपरे उठईतन। ऊ सभे हिलावे वाला भेंट जे इस्राएली हमरा दे हथन। ऊ सभे तोर आउर तोर बेटा-बेटी के होत। ऊ हमेशा तोर हिस्सा रहत। तोर घराना, जे हमरा कबूल करे लागी धार्मिक काम कईलन हे, उनका ई चढ़ावा में से खाय के इजाजत हे।12हम तोरा ऊ पहला फसल भी दे ही जे लोग हर साल काटऽ हथिन आउर यहोवा भीर लावऽ हथिन, ताजा दाखमधु के तेल, आउर ताजा अनाज भी।13जौन लोग पहिला उपज काट के यहोवा भीर लावऽ हे, ऊ सब तोरे हे। तोर परिवार में जौन कोई भी हमरा कबूल करे लागी धार्मिक काम कईलन हे, ओकरा ऊ शुद्ध भोजन खाय के इजाजत दे ही।14इस्राएल में सभे कुछ अर्पण कईल गेल चीज तोर होत।15पहिलौठा नर, चाहे आदमी आउर पालतू जनावर ई दुन्नो, जे यहोवा के चढ़ावल जा हे, तोर होत। बाकि लोग के अपने पहिलौठ बेटा आउर पहिलौठ जनावर अशुद्ध हे तऽ दाम लेके छोड़ा लेवे के चाही जेकर इस्तेमाल बलि लागी नऽ कईल जा सकल हे।16जब ऊ महीना भर के हो जाइ, तऽ ओकरा वापस छोड़ा लेवे के चाही। ऊ सभे लागी जे उनका कीमत चुकावे के होत ऊ चाँदी के पाँचगो टुकड़ा होत। ऊ चाँदी के ऊ तराजू पर तौले पड़त जौन पवित्र तम्बू में हे। 17हम तोरा पहिलौठा जनावर चाहे भेड़ के बच्चा चाहे बकरियन बच्चा के छोड़ावे के आज्ञा नऽ दे ही। ऊ पवित्र हे आउर हम चाहऽ ही कि तूँ ओकरा हमरा ला अलगे रखऽ। ओकरा बलि करऽ आउर ओकर वेदी पर छिड़क दऽ। तब ऊ जनावर के चर्बी के वेदी पर पूरा रीति से जला दिहऽ कि ऊ हमरा ला भेंट होत। ओकर सुखदायक सुगंध यहोवा के बड़ी बढ़ियाँ लगत।18आउर ऊ बलि के मांस तोरे होत, ठीक ओईसहीं हिलावल गेल छाती आउर दाहिना जांघ हमरा भीर चढ़ावल जा हे, तोर ठहरत, जौन तरह से याजक उनकर वेदी के सामने ऊपरे उठावऽ हे, ओईसहीं तोर हे।19जेतना पवित्र चीज इस्राएली यहोवा लागी चढ़ावऽ हे, ऊ सभे के हम तोरा आउर तोर बेटा-बेटी के भी रोज अपन हिस्सा कर के दे देही। ई तोर आउर वंशज लागी यहोवा के सामने नीमक के वाचा हमेसा ला बांधे वाला ही।20यहोवा हारून से ई भी कहलन, तोहनी के याजक के ऊ जमीन चाहे सम्पत्ति में से कुछ हिस्सा नऽ मिलत, जईसन कि दोसरा इस्राएली लोग के मिलऽ हे। हमही तोरा ला ओही तोर भाग ही।21जब इस्राएली लोग सभे उपज के, आउर अपन नवजात पशुअन के दसवां अंश हमरा भीर ले अईतन, तऽ हम ओकरा लेवी के वंश के देम। ऊ पवित्र तम्बू में कईल गेल सेवा लागी तोर भाग होत। 22आउर याजक के छोड़ के कोई भी इस्राएली ऊ मिलापवाला तम्बू भीर नऽ जईतन। जदि ऊ ओकरा भीर जईतन, तऽ हम समझम कि उनका अईसन करे ला पाप हे, आउर ऊ ऊ पाप करे के कारण मार देवल जायत।23खाली लेवी के वंशज के पवित्र तम्बू में काम करे के इजाजत हे, आउर जदि ओकरा साथ कुछ बुरा होत तऽ ऊ दण्ड पइतन। ई एगो अईसन कानून हे जेकरा कहिनो नऽ बदलल जायेत। तोहनी लेवी के वंशज के दोसरा सभे इस्राएली लोग के बीच में कोई जमीन के हिस्सा नऽ मिलत।24इस्राएलियन के अपन सभे उपज आउर पशुअन के दसमांश यहोवा लागी भेंट कर के देवे पड़त, आउर ऊ दसमांश हम लेवी के वंशज के देम, जेकरा से ऊ अपन पालन पोषण कर सकतन। येहिसे हम कहली, कि हम लेवी के वंश के कोई जमीन के हिस्सा नऽ देम।25यहोवा मूसा से कहलन,26“लेवी के वंशज से ई कहऽ, कि जब तोर इस्राएल से सभे फसल आउर पशु के दसमांश मिलत, तऽ तोरा ऊ सभे के दसमांश यहोवा के सामने पेश करे के चाही27कि जईसे आउर इस्राएली अपने उपजावल गेल खलिहान के अनाज आउर दाखमधु के दसमांश चढ़ावल करऽ हथन।”28हे लेवियन तोरा इस्राएली लोग से जे कुछ मिलत ओकर दसमांश यहोवा के देवे के चाही। ऊ यहोवा लागी तोर पवित्र भेंट होत। तोरा एकरा हारून याजक के सोझे पेश करे के चाही।29जौन चीजवन तोरा देवल गेल हे, ओकरा में से सभे से बढ़ियाँ भाग चुन के यहोवा के दिहऽ।30आउर लेवी के वंश से ई भी कहिहऽ, जब तूँ अनाज आउर दाखमधु के ऊ बढ़ियाँ भाग हमरा भेंट के रूप में चढ़ईहऽ, तऽ हम मान लेम कि ऊ तोरे खलिहान के अनाज आउर दाखमधु से पैदा होल हे।31तूँ लेवी के वंशज आउर तोर घराना के ऊ भोजन में से बचल भाग खाय के इजाजत हे, आउर तूँ जहाँ चाहऽ उहाँ खा सकलऽ हे, काहेकि जौन काम तूँ पवित्र तम्बू में करऽ हऽ ओही तोर मेहनताना हे। 32जदि तूँ जे कुछ तोरा मिलऽ हे ओकर सब से बढ़ियाँ भाग याजक के देवऽ, तऽ जे भेंट लोग हमरा भीर लावऽ हे ओकर दसमांश लेवे के कारण तूँ दोषी नऽ ठहरव। बाकि तोरा ऊ चढ़ावा के पवित्र माने के चाही। जदि तूँ ऊ चीज के खा के अपवित्र करऽ हऽ, जे ऊ नियम के उल्टा हे जे हम तोरा देली हे, तऽ तोरा मार देवल जायत।
Bridge Connectivity Solutions Pvt. Ltd.