Numbers16
1एक दिन यिसहार के बेटा कोरह आउर लेवी के बेटा कहात के वंशज दातान आउर अबीराम, जौन एलीआब के बेटा हल, आउर पेलेत के बेटा ओन साजिस रचलन। ऊ सभे रुबेन के गोत्र से हल।2ऊ तीनगो आदमी 250 दोसरा लोगवन के जौन इस्राएली लोग के अगुवन हल, मूसा के खिलाफ विरोध करे लागी अपना साथे मिलावे लागी उकसईलन।3ऊ हारून आउर मूसा के निन्दा करे ला जमा होलन। ऊ उनका से कहलन, “तोहनी दुन्नो अपन हक से जादे हक के इस्तेमाल कर रहलऽ हे! यहोवा हमनी सभे इस्राएली लोग के पवित्र कर देलन हे, आउर ऊ हमनी सभे के साथे हे। तऽ तूँ अईसन काहे वेवहार करऽ हऽ मानऽ हमनी में से बाकी लोगवन से, जौन यहोवा के हे, जादे खास हथन?”4जखनी मूसा सुनलन कि ऊ का कह रहलन हे, तऽ ऊ जमीन पर मुहँ भरे गिर पड़लन।5तब ऊ कोरह से आउर जौन कोरह के साथे हलन, उनका से कहलन, कल भोर के यहोवा हमरा बतईतन, कि ऊ किनका अपन याजक होवे लागी चुन लऽ हे, आउर कौन पवित्र हे, आउर ओकरा उनकर नगीच आवे के आज्ञा देतन। यहोवा खाली ओही लोग के अपन मौजूदगी में आवे के अनुमति देथिन जेकरा ऊ चुनऽ लेलन हे।6येहिसे कोरह, तूँ आउर तोर मंडली धूप जलावे लागी धूपदान तइयार करिहऽ।7तब ओकरा में आग जलइहऽ, आउर यहोवा के आगे धूप जलइहऽ। तब हम देखायम कि यहोवा हमनी में से केकरा अपन पवित्र सेवक होवे लागी चुनलन हे। ई तोहनिये लोग हऽ जौन लेवी के वंशज हथिन, जौन अपन जरुरत से जादे हक के इस्तेमाल करे के कोशिश कर रहलन हे!"8तब मूसा कोरह से फिनो बात कईलन। ऊ कहलन, "हे लेवियन के वंशज लोग, तूँ हमर बात सुनऽ!9तूँ जानऽ हऽ, कि इस्राएल के परमेश्वर यहोवा तोहनी लेवियन के इस्राएल के झुंड में से येहिसे चुन लेलन हे, कि तूँ उनकर पवित्र तम्बू में काम करऽ, आउर मण्डली के सेवा करऽ। का तोरा अईसन लगऽ हे कि ई तोरा लागी एगो छोटा बात हे?10हे कोरह, यहोवा तोरा आउर तोहर संगी लेवी के अपन नगीच ले अईलन हे। अखनी का तूँ भी याजक बने के माँग कर रहलऽ हे?11सच में यहोवा ही हे, जिनका तूँ आउर तोर संगी लेवी लोग के वंश के लोग बलवा करऽ हे। हारून ऊ नऽ हे जेकर बारे में तूँ सच में शिकायत कर रहलऽ हे।12तऽ मूसा एलीआब के बेटा दातान के अबीराम के बुलईलन, बाकि ऊ आवे से मना कईलन। ऊ खबर भेजलन, “हम तोरा भीर नऽ आयेम!13तूँ हमनी के मिस्र से जौन बड़ी जादे उपजाऊ देश हे, निकाल के ले अईलऽ, कि हमरा ईहें एही जंगल में मरवा दऽ। ऊ खराब हल। बाकि अखनी तूँ भी हमरा पर साहेब होवे के कोशिस कर रहलऽ हे, आउर ई आउर भी बुरा हे।14तूँ हमरा रहे लागी कोई नया देश नऽ देलऽ, मतलब कि अईसन देश जेकरा में बढ़िया खेती आउर अंगूर के बगईचा हे। तूँ खाली ई लोग के आंधर बनावे के कोशिस कर रहलऽ हे। येहिसे हम तोरा भीर नऽ आयेम।”15तऽ मूसा बड़ी गोस्सा होलन। ऊ यहोवा से कहलन, “जौन अन्नबलि ऊ लईलन हे ओकरा स्वीकार करिहऽ। हम उनका से कुच्छो भी नऽ लेली, एगो गदहा भी नऽ, आउर हम उनका साथे कहियो कुच्छो गलती नऽ कईली हे, येहिसे उनका भीर हमर खिलाफ शिकायत करे के कोई कारण नऽ हे।”16तब मूसा कोरह से कहलन, “तूँ आउर तोर सभे संगी कल हियाँ आके यहोवा के सामने खड़ा हो जाऽ। हारून भी हियाँ होतन17तूँ आउर तोरा साथे-सभे ढाई सौ आदमी धूप जलावे लागी एक-एक धूपदान लऽ, आउर ओकरा में धूप डाल के यहोवा लागी हव्य कर के जलावऽ। हारून भी एही काम करतन।”18बाकि ओखनी में से हर कोई के धूप जलावे लागी एगो धूपदान मिलल। ऊ ओकरा जलावे लागी ओकरा में धूप आउर आग डाललन, आउर ऊ सभे हारून आउर मूसा के साथे पवित्र तम्बू के दुआरी पर खड़ा होलन।19तब कोरह ऊ सभे लोग के जौन ओकर पछधर आउर मूसा के खिलाफ हल, बुला लेलन, आउर ऊ भी मिलापवाला तम्बू के द्वार पर जमा हो गेलन। तब यहोवा के महिमा ऊ सभे पर प्रकट होल।20यहोवा हारून आउर मूसा से कहलन,21ई सभे लोग से दूर हो जा, कि हम पल भर में ओकरा से मुक्ति पा लेम!"22बाकि हारून आउर मूसा जमीन पर गिर के दण्डवत कईलन। ऊ यहोवा से विनती कर के कहलन, “हे परमेश्वर, तूँही ऊ हऽ जौन ई सभे लोग के जिन्दा कईलऽ हे। एकरा में से खाली एगो आदमी पाप कईलन हे। तऽ, का तोरा लागी सभे लोग पर गोस्सा होवेला सही हे?” 23यहोवा मूसा से कहलन,24“ठीक हे, बाकि सभे लोग से कहऽ, कि कोरह, दातान, आउर अबीराम के तम्बूअन से दूर हो जईतन।”25तब मूसा खड़ा होलन, आउर दातान आउर अबीराम के तम्बू भीर गेलन। इस्राएली पुरनिया उनकर पीछे-पीछे गेलन।26ऊ लोगवन से कहलन, ई उत्पति लोग के डेरा भीर से दूर रहिहऽ, आउर जौन कुछ उनकर हे ओकरा मत छुइहऽ! जदि तूँ कुच्छो छूबऽ, तऽ तूँ ओकर पाप के कारण मर जईबऽ!"27येहिसे सभे लोग कोरह, दातान, आउर अबीराम के तम्बूअन से दूर चल गेलन। दातान आउर अबीराम अपन मेहरारू, बाल-बच्चा के जौरे अपन डेरवा से बहारसी निकललन, आउर अपन डेरा के द्वार पर खड़ा होलन।28तब मूसा कहलन, “जौन कुछ हम कईली हे, ऊ सभे करे वाला हम नऽ ही। ई यहोवा ही हथन जौन हमरा चुनलन आउर ओकरा करे लागी भेजलन। आउर अखनी ऊ खुद के ई साबित करतन।29जदि ई आदमी सधारन तरह से मरतन, तऽ ई प्रकट होत, कि यहोवा हमरा नऽ चुनलन।30बाकि जदि यहोवा अईसन कुछ करतन जे पहले कहिनो नऽ होल हे, आउर ऊ लोग के गोड़ के तरे के जमीन मुहँ खोल के ऊ आदमी आउर ओकर कुल आउर उनकर धन के निगल जायत, आउर ऊ गड़हा में गिर पड़तन, आउर उहीं दब जइतन। जदि तूँ जिन्दा रहबऽ तऽ जान लेवऽ कि ई सभे लोग यहोवा कि अपमान कईलन हे।”31जइसहीं मूसा ई कहलन, ऊ लोग के तरे से धरती फट गेल।32ऊ ओखनी आउर ओखनी के परिवार के लोग के आउर ऊ सभे के, जौन कोरह के आउर उनकर समूचे संपति के साथे उहाँ खड़ा हलन, निगल लेलक।33ऊ जिन्दा रहत हीं जमीन के गहिड़ाय में दफन हो गेलन, आउर उनकर समूचे दौलत गहिड़ा में तर हो गेल। ऊ नाश हो गेलन, आउर जमीन फिनो से बंद हो गेल।34ऊ गिरतहीं चिल्लईलन, आउर जेतना लोग खड़ी हल, ऊ सभे उनका चिल्लईते सुनलन। लोग डर गेलन आउर भागते घड़ी चिल्ला-चिल्ला के कहे लगलन, "हम नऽ चाहऽ ही कि जमीन हमरा निगल जाई!"35आउर तब यहोवा दने से आकाश से आग गिरल, जे धूप जलावे वाला अढाई सौ लोग के भसम कर देलक!36तब यहोवा मूसा से कहलन,37“हारून याजक के बेटा एलीआजर से कहऽ, कि जौन धूपदान में धूप हे ओकरा आग पर से उठा लऽ, आउर जलते अंगारा के एन्ने-ओन्ने छितरा दऽ। ऊ आदमी जौन धूपदान लेके जा रहलन हल, ऊ पवित्र हे, काहेकि ऊ ओकरा में हमरा ला धूप जलइलन हे।38ऊ आदमी अखनी अपन पाप के चलते मर गेलन। येहिसे एलीआजर के उनकर पत्तर लेवे के चाही आउर पत्तर पर हथौड़ी मारे के चाही जेकरा से ऊ पतला हो जाय। ओकरा ऊ धातु से वेदी के मढ़े के चाही। ऊ धूपदान के इस्तेमाल यहोवा के धूप चढ़ावे लागी करल जा हल, येहिसे ऊ पवित्र हे। ऊ धूपदान से होल हे ऊ अखनी इस्राएली लोग के चिन्ह देत।”39एलीआजर याजक पीतल के धूपदान जौन जरलकन आदमी काम में लेलन हल, ओकरा लेके वेदी लागी झाँपे ला पत्तर पिटलन,40कि इस्राएली लोग ईयाद रखतन, कि हारून के वंश से बहारसी के कोई आदमी यहोवा के सामने धूप जलावे ला नऽ आवे, अईसन नऽ होवे कि कोरह आउर उनकर टोली के जईसन हो जाय, जईसे यहोवा मूसा के द्वारा आज्ञा देलन हल।41बाकि अगला भोरे, सभे इस्राएली लोग हारून आउर मूसा के खिलाफ शिकायत करे लगलन आउर कहे लगलन, “तूँ यहोवा के बड़ी सा लोग के मार देलऽ हे!”42जखनी सभे लोग जमा होके हारून आउर मूसा के काम के विरोध करे लगलन, तब ऊ पवित्र तम्बू दने नजर कर के का देखलन, कि पवित्र बादल उनका घेर लेलक हे, आउर यहोवा के तेज प्रकट होल हे।43हारून आउर मूसा जा के पवित्र तम्बू के सामने खड़ा होलन44तब यहोवा मूसा से कहलन,45तूँ “एखनी के मंडली से दूर हो जा, जेकरा से हम तूँ दुन्नो के हानि पहुँचइले बिना तुरते ओकरा पल भर में भसम कर देम!” बाकि हारून आउर मूसा जमीन पर गिर के प्रार्थना कईलन।46मूसा हारून से कहलन, “जल्दी से दूसरा धूपदान लेलऽ, आउर ओकरा में वेदी पर से कुछ धधकते आग डाल दऽ। धूपदान में धूप डालऽ, आउर लोगवन के पाप के पछतावा करे लागी लोगवन के बीच में ले जा। यहोवा उनका पर बड़ी गोस्सा होलन हे, आउर हम जानऽ ही कि ओखनी में खतरनाक विपत्ति फैल गेल हे।”47येहिसे हारून ओही कईलन जौन मूसा से कहलन हल। ऊ जरते धूप के लोगवन के बीच में ले गेलन। महामारी पहले से लोग के मारे ला शुरू कर देलक हल, बाकि हारून लोगवन के पाप के पछतावा करे लागी धूप जरावे ला चालू रखलन।48आउर हारून लोगवन के बीच में खड़ी होलन जौन मर गेलन हल, आउर ऊ लोगवन के बीच जौन अभियो भी जिन्दा हल, तब मरी रुक गेल।49बाकि कोरह के साथे मरी से मरे वाला लोग के छोड़ के, ऊ महामारी से पहले ही 14, 700 लोग मर गेलन हल 50फिनो मरी खतम होवे के बाद हारून आउर मूसा पवित्र तम्बू के द्वारा पर लौट अईलन।
Bridge Connectivity Solutions Pvt. Ltd.