Judges18
1ऊ दिन में इस्राएल में कोई राजा नऽ हल। ऊ दिन में दानी लोग के गोत्र अपना रहे लागी कोई जमीन खोज रहलन हल; काहेकि ऊ दिन तक इस्राएल के गोत्र में से कोई के अपन जमीन कर के उनका नऽ मिलल हल।2दान के बेटवन अपन कुल में से सोरा आउर एश्ताओल के नगर से पांचगो पहलवान लोग के येहिसे भेजलन, कि पैदल जा के देश के भेद लेवे, आउर ओकरा बढ़ियाँ से छानबीन करतन। ऊ ओखनी से कहलन, जा! जमीन के बढ़ियाँ से छानबीन करऽ। येहिसे ऊ एप्रैम के पहाड़ी देश में मीका के घर में पहुँचलन, आउर उहाँ रात बितईलन।3ओखनी पहलवान लोग मीका के घर के पास हलन, आउर ऊ जमान लेवीय आदमी के आवाज पहचान लेलन। येहिसे ऊहें मुड़लन, आउर उनका से पूछलन, "तोरा हियाँ कौन लेके अईलन हे? तूँ ई जगह पर का कर रहलऽ हे? तोरा भीर हियाँ का हे?"4ऊ ओखनी के जबाब देलन, मीका हमरा ला अईसहीं कईलन हे; ऊ हमरा काम पर रखलन हे, आउर हम उनकर पुरोहित ही।5ओखनी मीका से कहलन, "परमेश्वर से सलाह लऽ, कि हम जान लियई कि हम जौन यात्रा करऽ ही ऊ सफल होत कि नऽ।"6याजक उनका से कहलन, "जौन यात्रा तोरा करे ला हे ओकरा में यहोवा के सामने बढ़ियां से जा।"7तब ओखनी पांचो पहलवान चल देलन, आउर लैश नामके देश में अईलन। ऊ देखलन कि जौन लोग उनकर बीच में हलन, ओखनी सभे सीदोनी लोग के समान निडर आउर सुरक्षित जीवन जी रहलन हे। आउर ई देश में कोई अधिकारी नऽ हे, जौन ओखनी के कोई काम में रोके, उनका कोई तरह से लजावे वाला कोई नऽ हल। संयम रखे के कारण, ओखनी सीदोनी लोग से बड़ी आगे हलन आउर उनका केकरो से कोई मेल-जोल नऽ हल।8तब ऊ पांचो आदमी सोरा आउर एश्ताओल में अपन भईवन भीर गेलन। उनकर भईवन उनका से पूछलन, "तूँ कईसन हऽ?"9ऊ उत्तर देलन, तुरते उठऽ, कि हमनी उनका पर चढ़ाई करम! काहेकि हम ऊ देश के देखली हे, आउर देखऽ, ऊ बड़ी बढ़ियाँ देश हे। फिर भी तूँ शांत बईठल हऽ, तोरा देश पर कब्जा करे ला प्रवेश करे में असकत नऽ करे के चाही।10जब तूँ जईबऽ, तब तूँ निडर रहवईयन लोग भीर पहुँचवऽ, आउर ओकर देश दुन्नो दने फैलल हे! काहेकि परमेश्वर ओकरा तोर हाथ में सौंप देलन हे, ऊ अईसन जगह हे, जेज्जा धरती पर कोई चीज के घटी नऽ हे।11तब दान के कुल में से छउ सौ आदमी लड़ाई के हथियार बांधले सोरा आउर एश्ताओल से चललन।12आउर ऊ चढ़ाई कर के यहूदा के किर्यत्यारीम में डेरा खड़ा कईलन। ई चलते ऊ जगह के आज तक महनेदान कहल जा हे। ई किर्यत्यारीम के पीछे हे।13ओकर बाध ऊ उहाँ से पार होके एप्रैम के पहाड़ी देश में मीका के घर तक पहुंचलन।14तब जौन पांच आदमी लैश देश के भेद लेवे ला पैदल गेलन हल, ऊ अपन भईवन के उत्तर देलन, “का तूँ जानऽ हऽ, कि ई घरवा में एपोद, आउर सभे देउता, आउर खोदल, आउर ढालल मूर्तियन हे? तऽ अब सोचऽ कि तोरा का करे के चाही।”15तब ऊ उहाँ मुड़ के ऊ जमान लेवीय मीका के घर में पहुँचलन, आउर उनकर कुशल मंगल पूछलन।16आउर दान के वंश में से छउ सौ आदमी अपन-अपन लड़ाई के हथियार बांधले फाटक के दुआरी पर तैनात खड़ा हलन।17आउर जौन पांचो पहलवान पैदल देश के भेद लेवे ला गेलन हल, ऊ सभे उपरे गेलन, आउर उहाँ पहुँचलन। ऊ खोदल मूर्ति, एपोद, परिवार कुल के मूर्ति, आउर ढालल मूर्ति के ले लेलन, आउर याजक ऊ छउ सौ आदमी के साथे जौन लड़ाई के हथियार बांधले फाटक के दुआरी पर खड़ी हल।18जब ऊ मीका के घर में अईलन, आउर खोदल मूर्ति, एपोद, कुल के मूर्ति आउर ढालल मूर्ति ले गेलन, तब याजक उनका से पूछलन, तूँ का कर रहलऽ हे?19ऊ उनका से कहलन, चुप रहऽ! अपन हाथ अपन मुँह पर रखऽ आउर हमरा साथे आवऽ, आउर हमरा ला बाबूजी आउर पुरोहित बनऽ। का तोरा एगो आदमी के घराना लागी याजक बने ला, चाहे इस्राएल में एगो गोत्र आउर एगो परिवार लागी याजक बने ला अच्छा हे?20याजक के मन खुश हो गेल, येहिसे ऊ एपोद, आउर कुल के मूर्ति, आउर खोदल मूर्ति के लेलन, आउर लोग के बीच में गेलन।21तब ऊ मुड़लन, आउर ऊ छोटकन लईकमन, जानवर आउर कीमती दौलत के अपन सामने रखलन। आउर चल गेलन।22जब ऊ मीका के घर से बड़ी दूर चल गेलन हल, कि जौन आदमी मीका के घर के बगल में घरवा में रहऽ हलन ऊ जमा होलन, आउर ऊ दान के बेटवन के लेलन।23ऊ दान के बेटवन के बुलईलन। तब ऊ अपन मुँह फेर लेलन आउर मीका से कहलन, "तोरा का होल कि एतना बड़का दल लेके तूँ जमा हऽ?"24ऊ उत्तर देलन, “तूँ हमर बनावल देऊतवन, आउर याजक के लेके चल गेलऽ हे। आवऽ हमरा भीर का हे? तऽ तूँ हमरा से ई कईसे कह सकलऽ हे, कि तोरा का होल हे?”25दान के बेटवन उनका उत्तर देलन, कि तूँ अपन बात हमनी के बीच में नऽ सुनावऽ, कहीं अईसन नऽ होवे कि ऐतना गोस्सा से भरल लोग आके तोहनी से दुश्मनी कर लेवे, आउर तूँ अपन परिवार आउर अपन जान से हाथ धो देवऽ।26येहिसे जब मीका जान लेलन, कि ओखनी उनका से जादे तागतवर हे, तब दान के बेटा अपन राह पर चल गेलन। ऊ पीछे मुड़ल आउर ऊ अपन घरे लौट अईलन।27आउर ऊ मीका के बनावल गेल चीज के, आउर उनकर याजक के, ले गेलन, आउर लैश देश में अईलन, आउर उनकर लोग पक्का आउर निडर होके रहऽ हलन। ऊ उनका तलवार से मार देलन आउर नगर के आग में जरा देलन।28काहेकि ऊ सीदोन से दूर हल, आउर उनकर कोई छुड़ावे वाला नऽ हल, आउर कोई आदमी से उनकर कोई सम्बन्ध नऽ हल। ई ऊ घाटी में हलन जौन बेत्रहोब के नगीच हे। ऊ शहर के पुनर्निमाण कईलन आउर ऊ ओकरा में रहे लगलन।29आउर ऊ नगर के नाम ऊ अपन बाबूजी दान के नाम पर, जौन इस्राएल से जनम होल हल, दान रखलन। जबकि पहले शहर के नाम लैश हल।30दान के बेटवन खोदल मूर्ति के अपना ला खड़ा कईलन। योनातान, जौन गेर्शोम के बेटा, आउर मूसा के पोता हल, ऊ अपन बेटवन सहिंत देश के गुलामी के दिन तक दान के गोत्र लागी याजक बनल रहलन।31आउर जब तक सच्चा परमेश्वर के भवन शीलो में हल, तब तक ऊ मीका के बनावल गेल मूर्ति के अपन ला खड़ा कईलन।
Bridge Connectivity Solutions Pvt. Ltd.