Judges19
1ऊ दिन में, जब इस्राएल देश के कोई राजा नऽ हल, एगो लेवी आदमी एप्रैम के पहाड़ी देश के परली में परदेशी रहऽ हलन। ऊ यहूदा के बैतलहम से एगो औरत मतलब कि रखैल के रख लेलन।2बाकि उनकर रखैल ओकर खिलाफ व्यभिचार कईलक, आउर ऊ उनकर साथे रह के यहूदा के बैतलहम में अपन पिता के घरे चल गेल। आउर ऊ उहाँ कुछ दिन, चार महीना तक उहें रहल। 3तब ओकर मरदाना उठलन, आउर ओकर पीछे चललन, कि ओकरा से दिल के बात कहतन, आउर ओकरा अपना भीर लौटे आवेला कहलन। उनका साथे उनकर एगो जमान सेवक आउर गदहवन के एगो टोली हल। ऊ उनका अपन पिता के घर में ले अईलन, आउर जब औरत के बाबूजी उनका देखलन, आउर उनका से मिल के खुश होलन।4तऽ उनकर ससुर मतलब कि ऊ औरत के बाबूजी उनका से विनती कईलन, येहिसे ऊ उनका साथे तीन दिन तक रहलन। ऊ खईलन आउर पिलन, आउर ऊहें रात गुजारलन।5आखिरकार चौथा दिन अईसन होल कि ऊ भोर के सबेरे उठलन, बाकि ऊ औरत के बाबूजी अपन दमाद से कहलन, रोटी के एगो टुकड़ा खा के अपन मन ठंडा कर लऽ, फिन चल जईहऽ।6तब ओखनी दुन्नो आदमी बईठ गेलन, आउर ऊ एक साथे खईलन, आउर पियलन। तब जमान औरत के बाबूजी ऊ आदमी से कहलन, "कृपा कर के तईयार हो जा आउर रात बितावऽ आउर अपन दिल खुश कर लऽ।"7तब ऊ आदमी जाय लागी उठलन, बाकि उनकर ससुर उनका से विनती कईलन। येहिसे ऊ रुक गेलन आउर ऊ ऊहें रात बितईलन।8पाँचवाँ दिन ऊ दुन्नो आदमी विदा होवे लागी भोरे उठलन, बाकि ऊ जमान औरत के बाबूजी कहलन अपन मन के ठण्डा कर लऽ। येहिसे ऊ दिन ढले तक रुकल रहलन, आउर ओखनी दुन्नो साथे खाना खईलन।9जब ऊ आदमी अपन रखैल आउर जमान सेवक आदमी के साथे चले ला तैयार होलन, तब उनकर ससुर मतलब कि जमान औरत के बाबूजी उनका से कहलन, देखऽ, दिन के बेर डूबे लगल हे। दया कर के आज रात के रुक जा, देखऽ, बेर डूब रहल हे। हियाँ रात बितावऽ आउर तोर हृदय खुश होत। फिन कल अपन यात्रा जल्दी शुरू करिहऽ आउर अपन डेरा पर जइहऽ।10बाकि ऊ आदमी रात बितावे ला नऽ चाहऽ हलन। तऽ ऊ उठलन आउर निकस गेलन, ऊ यबूस के सामने के इलाका मतलब कि यरूशलेम तक अईलन। अब ओकरा साथे सवारी लागी सुन्दर सजावल गदहवन के एगो टोली हल, आउर उनकर रखैल भी उनका साथे हल। 11ऊ यबूस के नगीच हल, आउर दिन के इंजोर बड़ी कम हो गेल हल। तब जमान अपन मालिक से कहलन, "आवऽ, हम यबूसियन के ई नगर में हमनी के चल जाय के चाहऽ हल ताकि हम ओकरा में रात बिता सकऽ ही।"12बाकि उनकर मालिक उनका से कहलन, हम परदेशियन के नगर में नऽ जायम, जेज्जा इस्राएलियन में से कोई नऽ रहलन हे। एकर बदले हम गिबा पहुँचे तक आगे बढ़ते रहम।13तब ऊ अपन सेवक से कहलन, आवऽ, हम ई सभे जगह में से कोई के नगीच जायम, आउर गिबा चाहे रामा में रात बितायम।14येहिसे ऊ उहाँ से होके आगे बढ़े लगलन। बाकि गिबा के इलाका के नगीच, जौन बिन्यामीन के हल, सूरज डूब गेल।15नतिजतन, ऊ गिबा इलाका में रात बितावे लागी उहाँ से मुड़ गेलन। ओखनी सभे भीतर अईलन आउर नगर के खुलल मैदान में बैठ गेलन, काहेकि कोई उनका रात बितावे लागी अपन घर में ले जायला नऽ अईलन। 16अब देखऽ, सांझ के समय एगो बूढ़ा आदमी अपन काम कर के खेत से आ रहलन हल। ऊ आदमी एप्रैम के पहाड़ी देश के हल, आउर गिबा इलाका में परदेशी हल। बाकि ऊ जगह के लोग बिन्यामीनी हलन।17आउर ऊ आँख उठईलन, आउर नगर के खुला मैदान मे एगो यात्री के देखलन। तब बूढ़ा कहलन, "कहाँ जा रहलऽ हे आउर कहाँ से आ रहलऽ हे?"18ऊ लेवी आदमी उनका से कहलन, "हम यहूदा के बैतलहम से एप्रैम के पहाड़ी देश के दूर-दूर के जगह में जा रहली हे। हम ऊहें से ही, हम यहूदा के बैतलहम गेली, आउर यहोवा के भवन में जा रहली हे। जबकि घर में हमरा इज्जत करे वाला कोई नऽ हे। 19आउर हमर गदहवन लागी भूसा आउर चारा भी हे। हमरा ला, आउर तोर दासी लागी, आउर तोर दासवन के साथ ऊ जमान लागी भी रोटी आउर दाखमधु हे। कोई चीज के कोई कमी घटी नऽ हे।"20बूढ़ा कहलन, "तोरा शान्ति मिले! पक्का तोर पूरा जरुरत हमरा सिरे हे। खाली तोरा खुला मैदान में रात नऽ बितावे के चाही।"21तब ऊ उनका अपन घर में ले अईलन, आउर गदहवन के ले अईलन, आउर गदहवन लागी चारा उझल देलन। ऊ अपन गोड़ धोलन, खईलन आउर पिलन।22ऊ अपन मन के आनन्दित करहीं रहलन हल, कि देखऽ, नगर के गुण्डा-बदमाश आदमी घर के चारो तरप से घेर लेलक, आउर बार-बार दरवाजा खटखटावे लगल। ओखनी घर के मालिक से कहलन, जौन आदमी तोर घर में अईलन हे, ओकरा बहारसी ले आवऽ, कि हम ओकरा से भोग-विलास करम।23ऊ आदमी जौन घर के मालिक हलन, बहारसी निकस के उनका से कहे लगलन नऽ, हे हमर भईवन! तूँ बुराई के काम नऽ करऽ। ई देखके कि ई आदमी हमर घर में आयेल हे, तोरा ई बेबकूफी के काम नऽ करे के चाही!24हियाँ हमर कुँवारी बेटी हे आउर ऊ आदमी के रखैल भी हे। दया कर के हम ओकरा बहारसी ले आवऽ ही, जेकरा से तूँ उनका भोग कर सकलऽ हे आउर ओकरा साथे ओही कर सकलऽ हे जौन तोर नजर में बढ़िया हे। बाकि ई आदमी के साथे अईसन गलत काम नऽ करऽ!25बाकि ऊ सभे आदमी उनकर सुने ला तईयार नऽ हलन, येहिसे ऊ आदमी अपन रखैल के पकड़ के बहारसी उनका दे देलन। ऊ सभे जानऽ हलन आउर ऊ पूरा रात से लेके सुबह तक ओकरा साथे कुकरम कईलन। तब भोर होतही ओखनी ओकरा विदा कर देलन।26भोर के ऊ औरत अईलन, आउर ऊ आदमी के घर के दरवाजा पर जेज्जा उनकर मालिक हलन, सवेरा होवे तक गिरल पड़ल रहलन।27बिहान होके ओकर मालिक उठलन, आउर घर के दरवाजा खोल के अपन राह लेवे ला निकसलन। बाकि देखलन कि, ऊ औरत जौन उनकर रखैल हल, घर के दरवाजा पर गिरल पड़ल हे, आउर ओकर हाथ डेवढ़ी पर हल।28ऊ उनका से कहलन, उठऽ, हम जा ही। बाकि कोई जबाब नऽ मिलल, येहिसे ऊ ओकरा गदहा पर बैठा के ले गेलन। ई तरह से ऊ आदमी उठ के खड़ा होलन आउर ऊ अपन घर चल गेलन।29जब ऊ अपन घर में अईलन, तब ऊ छूरी लेलन, आउर अपन रखैल के पकड़ के ओकरा हड्डियन के बारहगो पिसे-पीस काट देलन, आउर ऊ ओकरा इस्राएल के समूचे देश में बारहो गोत्र ला हरेक लागी एगो टुकड़ा भेज देलन।30अब अईसन होल, कि जौन कोई एकरा देखलन हल ऊ कहे लगलन, इस्राएलियन के मिस्र देश में से निकसे के दिन से लेके आज के दिन तक अईसन कहियो नऽ होल, आउर नऽ कहियो देखल गेल हे। एकर बारे में तूँ खुद विचार करऽ! एगो योजना बनावऽ आउर बतावऽ!
Bridge Connectivity Solutions Pvt. Ltd.