Judges17
1एक दिन, एप्रैम के पहाड़ी देश में मीका नाम के एगो आदमी हल।2ऊ अपन माय से कहलन, जौन इगारह सौ चाँदी तोरा से छीनल गेल हल, आउर जेकर बारे में तूँ श्राप देवे किरिया खईलऽ हल, आउर जौन तूँ हमर कान में भी कहलऽ हल, देखऽ! चाँदी हमरा भीर हे, हमही एकरा खुद ले लेली हल। उनकर माय कहलन, हमर बेटा यहोवा दने से आशीर्वाद मिले!3तब ऊ इगारह सौ चाँदी के टुकड़ा अपन माय के लौटा देलन, आउर उनकर माय कहलन, "हम ई सभे चाँदी से एगो मूर्ति खोद के आउर एगो मूर्ति ढाल के बनावे लागी अपन हाथ से अपन बेटा के यहोवा लागी अर्पण कर देली हे। येहिगुने अखनी, हम एकरा तोरा वापस लौटा दे ही।"4जखनी ऊ चाँदी अपन माय के लौटा देलन, आउर उनकर माय दू सौ चाँदी के टुकड़ा ले जा के सोनार के दे देलन। आउर ऊ ओकरा एगो मूर्ति खोद के आउर दूसरा ढाल के बना देलन, आउर ऊ मूर्ति मीका के घर में ही रहल।5मीका नाम के आदमी के पास देऊता के मंदिर हल। ऊ एपोद आउर कुल देऊता के मूर्तियन ला मंदिर बनईलन, आउर अपन एगो बेटा के हाथ भी ओकर ला याजक ठहरा देलन।6ऊ दिन इस्राएल में कोई राजा न हल। सभे आदमी ओही करऽ हल जौन उनकर नजर में सही हल।7यहूदा के बैतलहम शहर के एगो जवान यहूदा के कुल के हल, आउर ऊ लेवी हलन। आउर ऊ उहाँ परदेशी होके रहऽ हलन।8एक दिन, ऊ लेवी आदमी यहूदा के बैतलहम के नगर से बाहर गेलन, कि जौन जगह मिले उहाँ रहतन। ऊ चलते-चलते एप्रैम के पहाड़ी देश में मीका के घर में पहुँचलन।9मीका उनका से कहलन, तूँ कहाँ से अईलऽ हे? ऊ उनका जबाब देलन, "हम यहूदा के बैतलहम के एगो लेवी ही, आउर जौन जगह हमरा मिलत, उहाँ परदेशी होके बस जायम।"10मीका उनका से कहलन, हमरा साथे रहऽ, आउर हमरा लागी हमर पिता आउर पुरोहित बनऽ। आउर हम तोरा ऊ दिन लागी हर साल दसगो चाँदी के टुकड़ा, आउर कपड़ा आउर खाना के इनतेजाम करम। येहिसे लेवी भीतर गेलन।11येहिगुने ऊ लेवी ऊ आदमी के साथे रहे ला तईयार होलन, आउर ऊ जवान उनका ला उनकर बेटवन में से एगो बेटा बन गेलन।12मीका लेवीय के संस्कार कईलन, आउर ऊ जवान उनका ला पुरोहित बन गेलन। तऽ ऊ पुरोहित मीका के घर में रहे लगलन।13तऽ मीका खुद से कहलन, "अखनी हम जान गेली हे, कि यहोवा हमर काम सफल करतन काहेकि हमरा हीं एगो लेवी पुरोहित के तौर पर हथन।"
Bridge Connectivity Solutions Pvt. Ltd.