Koreeg nà moog‑e5
1Ŋayg nee rimdə məyəd é Adam. É mun ná Tel təldǐ jen duin‑i, e təliigə ar ɲee iinin‑i.2Een təldiigə ná fuui èg ná ŋay e əildí iiŋgə e nəgiigə “jag duig.”3É gara Adam əssǐ duugu 130, e koo jaa ná taa ar ɲee iinin‑i e taa ar een‑e, e nəgin Sees.4É gara Seesa kossánen‑e, Adama e aa duug 800. E bel jaalgeen biig taan nà fuuig èg nà ɲeeg.5Duug é Adama kay nà əssǐ taǎn 930, aneenda e tir.6É gara Seesa əssǐ duugu 105, e koo Ənuucu.7É gara Seesa kussǐ Ənuuc‑i e aa duugu 807. E bel jaalgeen biig taan nà fuuig èg nà ɲeeg.8Duug é Seesa kay nà əssǐ taǎn 912, aneenda e tir.9É gara Ənuucu əssǐ duugu 90, e koo Genaan.10É gara Ənuucu bildǐ Genaan‑e, e aa taw duugu 815. E bel jaalgeen biig taan nà fuuig èg nà ɲeeg.11Duugu é Ənuucu kay nà əssǐ taǎn 905, aneenda e tir.12É gara Genaan əssǐ duugu 70, e koo Malalil.13É gara Genaan bildǐ Malalil‑i, e aa duugu 840 e bel jaalgeen biig taan nà fuuig èg nà ɲeeg.14Duugu é Genaan kay nà əssǐ taǎn 910, aneenda e tir.15É gara Malalil əssǐ duugu 65, e koo Yaared.16É gara Malalil bildǐ Yaared‑e, e aa duugu 830 e bel jaalgeen biig taan nà fuuig èg nà ɲeeg.17Duugu é Malalil kay nà əssǐ taǎn 895, aneenda e tir.18É gara Yaared əssǐ duugu 162, e koo Idriis.19É gara Yaared bildǐ Idriis‑i, e aa duugu 800, e bel jaalgeen biig taan nà fuuig èg nà ɲeeg.20Duugu é Yaared kay nà əssǐ taǎn 962, aneenda e tir.21É gara Idriisə əssǐ duugu 65, e koo Matocala.22É gara bildǐ Matocalan‑e, Idriisə e gunəs é kasanaage é Tela jerad é duugu nà 300, e bel jaalgeen biig taan nà fuuig‑i èg nà ɲeeg.23Duugu é Idriis kay nà əssǐ taǎn 365.24Idriis e gunəs é kasanaage èg Tela jo, Tel e war Idriisə èg deene, war jaam tursí iiŋ ta wa.25É gara Matocalan əssǐ duugu 187, e koo Laamek.26É gara Matocalan bildǐ Laamek‑e, e aa duugu 782, e bel jaalgeen biig taan nà fuuig èg nà ɲeeg.27Duugu é Matocala kay nà əssǐ taǎn 969, aneenda e tir.28É gara Laamek əssǐ duugu 182, e koo jaa ná fuui.29E nəgin Nowa e bee: “Een ná ê fundagé é kazaam ná ag tawsá əndəg‑i é alda ná mirsî é Məi Tel‑e.”30É gara Laamek bildǐ Nowan‑e e aa duugu 595, e bel jaalgeen biig taan nà fuuig èg nà ɲeeg.31Duugu é Laameka kay nà əssǐ taǎn 777, aneenda e tir.32É gara Nowan əssǐ duugu 500, e koo Saam, Aam, èg Yafas.
Pioneer Bible Translators